Jang 20:22 - Sră Goh 2018

²² Neh Kơnràñ đơs behơ̆ rau, gen khồm nhơm hơđang ală cau bơtê mơ đơs lah: “Dòp tĕ Yàng Hwềng Goh.

Jang 20:22 ပူးပေါင်းရင်းမြစ်များ

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

Sră Jop 33:4

Hwềng Yàng Tom Trồ dê neh crơng mòn añ, Nhơm tă Bơtau Gơnap Gơnoar Làm Jơh dê ai añ in bơta kis.

Đơs Crih 33:6

Ală tap trồ neh geh lơh gơs bơh jơnau Yàng Jehôwa dê, Jơh ală mpồl ling hơđang trồ neh geh lơh gơs bơh nhơm khồm bơh bơr Kơnràñ dê.

Ejekiel 37:9

Gen Kơnràñ đơs mơ añ lah: “Ơ kòn mơnus, đơs hwơr tĕ mơ nhơm tă; đơs hwơr tĕ mơ gơ lah: Jehôwa Yàng Tom Trồ đơs be do: Ơ nhơm tă, tus tĕ bơh poan đah càl, mơ khồm hơđang ală cau kong tơnchơt do tồ bol khai in geh kis.”

Jang 14:16

Añ rơp dan mơ Bèp, Kơnràñ rơp ai bol mê in dô Bơtau Pơndòm pơniang ndai, nàng ơm mơ bol mê sùm sùm.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 16:7

Bulah behơ̆, Añ đơs song ngan mơ bol mê: Añ lòt la kwơ ngan bol mê in bơh dilah Añ ò lòt gen Bơtau Pơndòm pơniang ò tus hơ bol mê: Mơya dilah Añ lòt, gen Añ rơp sồr Kơnràñ tus hơ bol mê.

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Jang 20:23

Dilah bol mê toh glài cau lơi, gen glài hơ̆ rơp geh toh; ai dilah bol mê ò toh glài cau lơi, gen glài hơ̆ gam wơl.”

Jang 7:39

Kơnràñ đơs bơta hơ̆ la sơnio bơh Yàng Hwềng mơ ală cau dòn Kơnràñ rơp dòp geh; bơh Yàng Hwềng òhềt mù, tài bơh Yàng Jesu òhềt geh gơklŏ.

Broă 10:47

Tŭ hơ̆ Pier đơs tai lah: “Ñcau rgơi kơryan lơh ƀaptem mơ dà, ală cau do in la cau neh dòp geh Yàng Hwềng Goh kung be bol he taih?”

Broă 19:2

gen khai lùp lah: “Bơh tŭ oh mi dòn, neh dòp geh Yàng Hwềng Goh sơl?” Bol khai ho lah: “Ò, bol hi kung òhềt kơno gơs Yàng Hwềng Goh lơi ò.”

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 4:8

Tŭ hơ̆ Pier bềng lìu Yàng Hwềng Goh mơ đơs lah: “Ơ ală cau kwang làng bol dê mơ ală cau kwang kra,

Broă 8:15

Bàr nă bol khai neh tus tềng hơ̆ rau gen hòi dan bol hơ̆ in tồ geh dòp Yàng Hwềng Goh,

Galati 3:2

Añ lùp oh mi mìng dô sèng do lơm: Hơ̆ la kơnòm bơh ală broă bơta boh lam dê hala bơh kơno mơ dòn tàng oh mi neh dòp geh Yàng Hwềng taih?