Jang 20:17 - Sră Goh 2018

¹⁷ Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

Jang 20:17 ပူးပေါင်းရင်းမြစ်များ

II Ală Bơtau 4:29

Elise đơs mơ Gehaji lah: “Kơt tĕ but mê, at gai kwềt añ mơ lòt. Dilah mê tìp cau lơi bañ lùp còp bol khai; dilah cau lơi lùp còp mê, bañ ho wơl. Mê rơp ơn gai kwềt añ hơđang muh mat kòn dềt.”

II Ală Bơtau 7:9

Gen bol khai đơs bal mơ gơp lah: “Bơta bol he lơh do la tìs. Do la dô ngai gơs jơnau yal niam, dilah bol he ơm mŏ mŏ mơ gơn jơl tus diàng drim, gen bol he rơp gơkòl glài. Behơ̆, bol he lòt lă yal jơh tòm gơlang bơtau in.”

Đơs Crih 22:22

Añ rơp bơto yal sơnđan Yàng ală oh mi añ in, Mơ jòng ro Yàng digùl mpồl jơnum.

Đơs Crih 43:4

Gen añ rơp lòt tus hơ cơnòng duh khoai Yàng Tom Trồ, La Yàng Tom Trồ ai añ in bơta hòn chò dờng ngan ò git lơh; Ơ Yàng la Yàng Tom Trồ añ jê, añ rơp pĕ kơñi mơ jòng ro Yàng.

Đơs Crih 48:14

“Do la Yàng Tom Trồ, la Yàng Tom Trồ bol hi dê gam sùm sùm ò lồi. Kơnràñ rơp tề lam bol hi gam sùm sùm.”

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Đơs Crih 89:26

Khai rơp hòi di Añ lah: ‘Yàng la Bèp Añ, La Yàng Tom Trồ Añ, mơ la pơnai lŭ bơta dong klàs Añ jê.’

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jeremi 32:38

Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Ejekiel 36:28

Bol mê rơp ơm tòm lơgar mơ Añ neh ai ồng pàng bol mê in; bol mê rơp lơh gơs làng bol Añ jê, mơ Añ rơp lơh gơs Yàng Tom Trồ bol mê dê.

Ejekiel 37:27

Tiah ơm sùm Añ jê rơp gơs digùl bol khai; Añ rơp gơs Yàng Tom Trồ bol khai dê, bol khai rơp gơs làng bol Añ jê.

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Mathiơ 28:7

Lòt tĕ mhar yal ală cau bơtê Kơnràñ in lah: Kơnràñ neh kis wơl bơh bơta chơt rau. Mơ do, Kơnràñ lòt hơ Galile lài mơ bol mê. Tềng hơ̆ bol mê rơp tìp Kơnràñ. Hơ̆ la bơta añ neh yal bol ai in.”

Jơnau Niam Jat Mak 12:26

Ai bơh ală cau chơt geh kis wơl, gen bol mê òhềt sền tòm sră Môise tòm tiah neh cih bơh jơnau Yàng Tom Trồ đơs mơ khai tòm rlau lò lah: ‘Añ la Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê,’ ò ơ?

Jơnau Niam Jat Mak 16:19

Neh sir Yàng Jesu đơs mơ bol khai behơ̆ rau, gen geh guh rê hơđang trồ, mơ nggui đah ma Yàng Tom Trồ.

Luka 10:4

Bañ cèng kơldung priă, kơldung phan, gơltau jă, mơ kung bañ lùp còp să cau rò gùng.

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 13:3

Yàng Jesu git lah Bèp neh jào jơh ală bơta tòm tê Kơnràñ, mơ Kơnràñ bơh Yàng Tom Trồ mơ tus, kung rơp rê wơl hơ Yàng Tom Trồ,

Jang 14:2

Tòm hìu Bèp Añ gơs oă tiah ơm; dilah ò behơ̆ Añ neh đơs mơ bol mê rau, bơh Añ lòt rcang lài bol mê in dô bă tiah.

Jang 14:28

Bol mê neh kơno Añ đơs mơ bol mê lah: ‘Añ lòt, mơ Añ rê wơl hơ bol mê.’ Dilah bol mê kòñ gơboh di Añ, gen rơp hòn chò tài bơh Añ rê wơl hơ Bèp, bơh Bèp dờng rlau mơ Añ.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 16:28

Añ lik bơh di Bèp mơ lòt tus tòm dunnia; mơ tai, Añ rơp sang dunnia mơ rê wơl hơ Bèp.”

Jang 17:11

Añ ò ơm tòm dunnia tai, Añ rê wơl hơ Bèp, mơya bol khai gam ơm tòm dunnia. Ơ Bèp sàng goh, dan sền gàr bol khai tòm sơnđan Bèp la sơnđan Bèp neh ai Añ in, nàng bol khai in gơs dô bă bal kung be bol he sơl.

Jang 17:25

Ơ Bèp song ring, dunnia ò git Bèp ò, mơya Añ neh git Bèp, mơ ală cau do git lah Bèp neh sồr Añ lòt tus.

Jang 17:5

Ơ Bèp, tŭ do dan ai bơta gơklŏ Añ neh geh bal mơ Bèp lài mơ tŭ òhềt gơs dunnia, nàng lơh gơklŏ Añ in di đap Bèp.

Jang 20:27

Chòp Kơnràñ đơs mơ Thôma lah: “Ai tĕ ràs tê mê ƀư tềng do mơ sền tĕ tê Añ, ai tĕ tê mê ƀư dê wĕ Añ; bañ pin, mơya dòn tĕ.”

Jang 7:33

Behơ̆, Yàng Jesu đơs lah: “Añ gam ơm mơ bol mê dô êt jŏ tai; lồc behơ̆ Añ rê wơl hơ Bơtau neh sồr Añ lòt tus.

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

Hebrơ 11:16

Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,

I Jang 3:2

Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.

Yal Tơlik 21:3

Añ kơno dô jơnau dờng lik bơh di sơbàn, đơs lah: “Ne, tiah ơm Yàng Tom Trồ dê ơm digùl jơi kòn mơnus. Kơnràñ rơp ơm bal mơ bol khai, mơ bol khai rơp lơh gơs làng bol Kơnràñ dê, să tòm Yàng Tom Trồ rơp ơm bal mơ bol khai, mơ lơh gơs Yàng Tom Trồ bol khai dê.

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.