Jang 18:33 - Sră Goh 2018

³³ Pilat mut wơl tòm hìu cahrña, hòi Yàng Jesu mơ đơs lah: “Mê la Bơtau làng bol Juda ngan sơl?”

Jang 18:33 ပူးပေါင်းရင်းမြစ်များ

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Sôphôni 3:15

Yàng Jehôwa neh tă sang bơta cahrña tòmdră di ai, Kơnràñ neh pơrlac ngài ală cau sò tơm ai dê. Yàng Jehôwa, Bơtau Israel dê ơm digùl mơ ai, ai rơp ò tŭ lơi rngòt rngơt di bơta rung rài tai.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 27:11

Yàng Jesu ntào di đap cau kwang đơng lơgar. Cau kwang lùp lah: “Mê ngan la Bơtau làng bol Juda dê sơl?” Yàng Jesu ho lah: “Ngan be ồng đơs.”

Mathiơ 27:27

Tŭ hơ̆ cau ling kwang đơng lơgar dê cèng Yàng Jesu mut tòm gơlang Pilat mơ pơjum jơh mpồl ling gùt dar Kơnràñ.

Jơnau Niam Jat Mak 15:2

Pilat lùp Kơnràñ lah: “Mê ngan la Bơtau làng bol Juda dê sơl?” Yàng Jesu ho lah: “Ngan be ồng đơs.”

Luka 23:2

Bol khai yă Kơnràñ lah: “Bol hi neh gŏ cau chồl bơtrut làng bol hi dê, bơkơŭ boh dia Sesa in, mơ khai sơnđan is să khai la Krist la Bơtau.”

Jang 1:49

Nathanael ho lah: “Rabi, Cau Bơto la Kòn Yàng Tom Trồ, Kơnràñ la Bơtau làng bol Israel dê!”

Jang 12:13

gen bol khai ai nha gòl, lik lòt rò Kơnràñ mơ driau dờng lah: “Hôsana! Lơngai Bơtau in ai sơnđan Yàng mơ tus, la Bơtau Israel dê!”

Jang 12:15

“Ơ kòn ùr Siôn, bañ rngòt! Ne, Bơtau ai tus, hào alàng kòn!”

Jang 18:34

Yàng Jesu ho lah: “Ồng đơs is ồng dê bơh bơta hơ̆, hala neh gơs cau ndai đơs bơh Añ behơ̆ mơ ồng taih?”

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

Jang 18:38

Pilat lùp lah: “Jơnau song la ñchi taih?” Neh đơs behơ̆ rau, gen Pilat lik wơl tai, lòt tus hơ ală cau kwang cau Juda mơ đơs lah: “Añ ò bàn dô êt lơi glài tòm cau do.

Jang 19:12

Tŭ hơ̆ Pilat jòi bơta nàng hồ Kơnràñ, mơya cau Juda driau dờng lah: “Dilah ồng hồ cau do, gen ồng ò di la dòn song mơ Sesa, bơh kòp nă cau lơi bơtào is să khai gơs bơtau gen hơ̆ la tòmdră mơ Sesa!”

Jang 19:3

Bol khai tus rềp hơ Kơnràñ mơ đơs lah: “Khoai bơtau làng bol Juda!” Gen pah Kơnràñ.

Jang 19:4

Pilat lik wơl dô dơ̆ tai, mơ đơs mơ làng bol: “Do añ lam khai lik hơ bol mê, nàng bol mê in git lah añ ò bàn glài lơi tòm khai.”

Jang 19:9

Khai mut wơl tòm hìu khai mơ đơs mơ Yàng Jesu lah: “Mê bơh lơi tus taih?” Mơya Yàng Jesu ò ho.

I Timôthe 6:13

Di đap Yàng Tom Trồ la Bơtau ai bơta kis jơh ală phan in mơ di đap Yàng Jesu Krist la Bơtau neh lơh cơng bơh bơta yal tơlik niam di đap Bônsơ Pilat, añ bơto mê kràñ cê,