Jang 17:21 - Sră Goh 2018

²¹ nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Jang 17:21 ပူးပေါင်းရင်းမြစ်များ

Jeremi 32:39

Añ rơp ai bol khai in dô nơm nùs mơ dô nơm gùng, tồ bol khai duh rngòt di Añ sùm sùm, bơh bơta niam bol khai in mơ niam kòn sau bol khai in pơnjat tơnơ̆.

Sôphôni 3:9

Tòm tŭ hơ̆, Añ rơp tòmgơl jơnau đơs ală làng bol in, gơlik gơs jơnau đơs sàng goh, tồ jơh ală bol khai rơp hòi dan di sơnđan Yàng Jehôwa, mơ dô bă bal duh broă Kơnràñ.

Sacari 14:9

Yàng Jehôwa rơp lơh gơs bơtau at bồ jơh plai ù. Tòm ngai hơ̆ rơp gơs mìng dô Bơtau la Yàng Jehôwa lơm, mơ sơnđan Kơnràñ la sơnđan mìng dô sơnđan lơm.

Jơnau Niam Jat Mak 3:24

Dilah lơgar lơi tòmcah is gen lơgar hơ̆ ò rgơi kơ̆ tai,

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Jang 10:30

Añ mơ Bèp la dùl.”

Jang 10:38

Ai dilah Añ lơh ală broă hơ̆, gen bulah bol mê ò dòn Añ, dòn tĕ ală broă Añ jê, nàng bol mê in rgơi git mơ wă lah Bèp ơm tòm Añ mơ Añ ơm tòm Bèp.”

Jang 11:42

Añ neh git Bèp dòp jơnau Añ sùm, mơya Añ đơs bơta hơ̆ tài bơh ală cau ơm ntào gùt dar do, tồ bol khai in dòn lah Bèp neh sồr Añ lòt tus.”

Jang 13:32

Dilah Yàng Tom Trồ geh gơklŏ di Kòn mơnus, gen Yàng Tom Trồ rơp lơh Kòn Mơnus in geh gơklŏ di să tòm Yàng Tom Trồ, mơ Yàng Tom Trồ rơp lơh Kơnràñ in geh gơklŏ mo.

Jang 13:35

Dilah bol mê gơs bơta kòñ gơboh bal mơ gơp, gen bơh bơta hơ̆ jơh tơl nă cau rơp git bol mê la cau bơtê Añ jê.”

Jang 17:11

Añ ò ơm tòm dunnia tai, Añ rê wơl hơ Bèp, mơya bol khai gam ơm tòm dunnia. Ơ Bèp sàng goh, dan sền gàr bol khai tòm sơnđan Bèp la sơnđan Bèp neh ai Añ in, nàng bol khai in gơs dô bă bal kung be bol he sơl.

Jang 17:18

Be Bèp neh sồr Añ lòt tus tòm dunnia, gen Añ kung sồr bol khai lòt tus tòm dunnia sơl.

Jang 17:20

Hơ̆ ò di mìng bơh bol khai mơ Añ hòi dan lơm ò, mơya kung bơh ală cau rơp kơnòm di jơnau bol khai mơ dòn Añ sơl,

Jang 17:25

Ơ Bèp song ring, dunnia ò git Bèp ò, mơya Añ neh git Bèp, mơ ală cau do git lah Bèp neh sồr Añ lòt tus.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Jang 3:17

Bơh Yàng Tom Trồ sồr Kòn Kơnràñ tus tòm dunnia ò di nàng cahrña dunnia ò, mơya tồ dunnia in geh dong klàs.

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Broă 2:46

Kòp ngai bol khai ngac ngar mơ kơ̆ nùs pơjum sùm tòm hìu duh khoai; bơh hìu do tus hìu ne, bol khai dơrkă piang lă, mơ sào bal dô bă chò hòp mơ nùs song ngan,

Broă 4:32

Tŭ hơ̆, mpồl cau dòn gơs dô nùs nhơm dô bơta kơlôi sơnơng. Ò gơs cau lơi kòp phan he la phan is, mơya tòmpà ală phan he gơs cau ndai in.

Rôma 12:5

gen kung behơ̆ sơl, bulah bol he gơs oă cau mơya bol he la dô nơm să jan tòm Bơtau Krist, mơ bol he la ală pơnah bal.

I Kôrintô 1:10

Ơ oh mi, tŭ do añ rac dan mơ oh mi, bơh tòm sơnđan Yàng Jesu Krist bol he dê, añ dan jơh ală oh mi gơs tĕ dô bă bal tòm jơnau đơs, mơ digùl oh mi kung bañ gơs bơta cah is mpồl, mơya oh mi pal gơtòmklac bal tòm dô nơm nùs kơlôi mơ dô tơnggume lơh nền.

I Kôrintô 12:12

Mơ tai, be să jan la dô nơm mơ gơs oă pơnah, mơ jơh ală pơnah hơ̆ la bal tòm să jan, bulah gơs oă pơnah, gơs mìng dô nơm să lơm; mơ Bơtau Krist kung behơ̆ sơl.

I Kôrintô 6:17

Mơya cau lơi đềt mềr bal mơ Yàng gen gơlik gơs dô nơm hwềng nùs bal mơ Kơnràñ.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

I Jang 1:3

bol hi ai bơta neh gŏ, neh kơno, mơ bơto yal oh mi in, tồ oh mi in kung geh gơtòmklac bal mơ bol hi sơl. Bol hi geh gơtòmklac bal mơ Yàng Bèp, mơ Kòn Kơnràñ la Yàng Jesu Krist.

I Jang 5:7

Yàng Hwềng lơh cơng, tài bơh Yàng Hwềng la jơnau song.