Jang 17:12 - Sră Goh 2018

¹² Tòm tŭ Añ gam ơm mơ bol khai, Añ sền gàr bol khai tòm sơnđan Bèp la sơnđan Bèp neh ai Añ in; Añ neh sền gàr bol khai ò gơs dô nă cau lơi roh, gơs mìng dô nă kòn bơta roh rui dê, tồ Sră Goh in gơlik di ngan.

Jang 17:12 ပူးပေါင်းရင်းမြစ်များ

Đơs Crih 41:9

Tus di cau bơyô đềt mềr añ jê mơ nùs añ dòn kơnòm, La cau neh sa piang lă añ jê, khai kung pò kơndòl jơng sò tơm di añ.

Jang 13:18

Añ ò đơs bơh jơh tơl nă bol mê ò, Añ git ală cau Añ neh sac; mơya nàng gơlik di ngan be Sră Goh cih lah: ‘Cau sa piang lă Añ jê yò kơndòl jơng sò Añ wơl.’

Jang 17:6

Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Jang 18:9

Bơta do gơlik di ngan be jơnau Kơnràñ neh đơs: “Añ ò lơh roh dô nă cau lơi tòm ală cau mơ Bèp neh ai Añ in.”

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Broă 1:25

nàng ala pơnah broă tòm cau gơnoar bơto dờng dê mơ Juda neh sang lòi nàng lòt tòm tiah ơn is khai in.”

Philip 2:9

Tài bơh hơ̆ tàng Yàng Tom Trồ neh yò tơngguh Kơnràñ hơđang jòng rlau jơh mơ ală sơnđan;

II Tesalônika 2:3

Bulah cau ngui bơta lơi kung bañ lòi bol khai pơrlồm oh mi, bơh ngai hơ̆ rơp ò tus jơl tus gơs bơta pơrlơ̆ sang jơnau Yàng tus lài, mơ gơs cau glài dờng, hơ̆ la kòn bơta roh rui rơp geh yal tơlik.

Hebrơ 2:13

Mơ đơs tai lah: “Añ rơp kơnòm di Kơnràñ.” Kung đơs tai lah: “Do, Añ mơ ală kòn sau mơ Yàng Tom Trồ neh ai Añ in.”

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.

Yal Tơlik 19:12

Gar mat Kơnràñ dê be lơmpiat ồs, bồ ndau oă sơgơn bơtau; gơs cih dô sơnđan, sơnđan hơ̆ rlau mơ Kơnràñ ò gơs cau lơi git.