Jang 16:27 - Sră Goh 2018

²⁷ Bơh să tòm Bèp kòñ gơboh di bol mê, tài bơh bol mê neh kòñ gơboh di Añ, mơ dòn lah Añ bơh Yàng Tom Trồ mơ tus.

Jang 16:27 ပူးပေါင်းရင်းမြစ်များ

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Jang 14:21

Cau lơi gơs ală bơta sồr lam Añ jê mơ prap gàr, hơ̆ la cau kòñ gơboh di Añ; cau lơi kòñ gơboh di Añ gen rơp geh Bèp Añ kòñ gơboh wơl, Añ kung rơp kòñ gơboh di khai, mơ yal tơlik să tòm Añ khai in.”

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Jang 16:30

Tŭ do bol hi git lah Kơnràñ git jơh ală bơta, ò càng cau lơi lùp Kơnràñ; bơh hơ̆ bol hi dòn lah Kơnràñ lik bơh di Yàng Tom Trồ”

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Jang 2:11

Hơ̆ la tòm Kana kơnhwàl Galile, Yàng Jesu lơh tềl krơi dơ̆ sơnròp mơ yal tơlik bơta gơklŏ Kơnràñ dê; gen ală cau bơtê dòn Kơnràñ.

Jang 3:13

Ò gơs cau lơi neh guh hơđang trồ, mìng gơs Bơtau bơh đang trồ mù, hơ̆ la Kòn Mơnus.

Jang 7:29

Ai Añ gen git Kơnràñ, tài bơh Añ bơh Kơnràñ mơ tus, mơ Kơnràñ la Bơtau neh sồr Añ lòt tus.”

Jang 8:42

Yàng Jesu đơs lah: “Dilah Yàng Tom Trồ la Bèp bol mê gen bol mê rơp kòñ gơboh di Añ, tài bơh Añ lik bơh Yàng Tom Trồ mơ bơh Kơnràñ mơ tus; bơh Añ ò di tus is Añ jê ò, mơya să tòm Kơnràñ neh sồr Añ lòt tus.

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

I Kôrintô 15:47

Cau sơnròp lik bơh ù la kơmbuh ù, cau bàr tus bơh trồ.

I Kôrintô 16:22

Dilah cau lơi ò kòñ gơboh di Yàng, gen pal gơkòl srat rma. Yàng bol he dê tus!

II Kôrintô 5:14

Bơh bơta kòñ gơboh Bơtau Krist dê lơh rngoh rngac bol hi, bơh bol hi kơlôi lah dilah gơs dô nă Cau neh chơt bơh tơl nă cau, gen tơl nă cau neh chơt sơl.

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

Hebrơ 12:6

Bơh Kơnràñ lơh glài tơmàl di cau lơi Kơnràñ kòñ gơboh, Cau lơi Kơnràñ dòp la kòn gen ai gai ai mơng.”

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.

I Jang 4:19

Bol he kòñ gơboh tài bơh Kơnràñ neh kòñ gơboh di bol he lài.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.