Jang 16:22 - Sră Goh 2018

²² Behơ̆ tŭ do bol mê gơs bơta moat jrùng, mơya Añ rơp gŏ wơl bol mê gen nùs bol mê rơp hòn chò, mơ ò gơs cau lơi rgơi kơñau bơta hòn chò bol mê dê.

Jang 16:22 ပူးပေါင်းရင်းမြစ်များ

Sră Jop 34:29

Mơya dilah Kơnràñ ơm mŏ mŏ, ñcau rgơi lơh nền glài Kơnràñ taih? Dilah Kơnràñ pồn mat, ñcau rgơi gŏ Kơnràñ taih? Bulah dô nơm làng bol hala dô nă is cau dê,

Đơs Crih 146:2

Añ rơp jòng ro Yàng Jehôwa kàr lơi añ gam kis; Añ rơp đơs chò jòng ro Yàng Tom Trồ añ jê jơl jơh rài kis añ jê.

Đơs Crih 33:21

Ngan, nùs bol hi dê chò hòp tòm Kơnràñ, Tài bơh bol hi dòn kơnòm di sơnđan sàng goh Kơnràñ dê.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Jeremi 31:12

Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Mathiơ 28:8

Bàr nă cau ùr sơrbac sơrbang lik bơh bơtô rngòt ndang hòn chò ndang, ntoat yal ală cau bơtê Kơnràñ in.

Luka 10:42

mơya gơs mìng dô nơm broă pal càng lơm. Mari neh sac rwah pơnah niam rlau, la pơnah ò gơs cau lơi rgơi tòmpìt bơh di khai.”

Luka 16:25

Mơya Abraham đơs lah: ‘Ơ kòn, kah tĕ tòm tŭ gam kis, mê neh dòp geh ală bơta niam mê dê rau, ai Lasarơ neh kong ală bơta iơh; tŭ do khai ơm tềng do geh pơndòm pơniang, ai mê gen kong pơnjê pơngkồr.

Luka 19:26

‘Añ đơs mơ bol mê, cau lơi gơs, rơp ai bơtơl tai. Mơya cau lơi ò gơs, bulah phan khai neh gơs kung rơp tă tơlik tơn.

Luka 24:41

Tòm tŭ bol khai òhềt dòn tài bơh hòn chò ngan, mơ ai lơh krơi, gen Kơnràñ đơs lah: “Tềng do bol mê gơs phan sa sơl?”

Jang 14:1

“Nùs bol mê bañ dơrcul: Neh dòn Yàng Tom Trồ, kung dòn tĕ Añ sơl.

Jang 14:19

Gam dô êt jŏ tai gen dunnia ò gŏ Añ tai, mơya bol mê rơp gŏ Añ; tài bơh Añ kis, gen bol mê kung rơp kis sơl.

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Jang 16:16

“Gam dô êt jŏ, bol mê ò gŏ tai Añ, gen gam dô êt jŏ tai, bol mê rơp gŏ wơl Añ.”

Jang 16:20

Ngan, Añ đơs ngan mơ bol mê, bol mê rơp ñìm mơ rac ròc, ai dunnia rơp hòn chò; bol mê rơp moat jrùng, mơya bơta moat jrùng bol mê dê rơp gơlik gơs bơta hòn chò.

Jang 16:6

Mơya tài bơh Añ neh yal ală bơta hơ̆ bol mê in, gen nùs bol mê bềng bơta moat jrùng.

Jang 21:7

Behơ̆ cau bơtê Yàng Jesu kòñ gơboh đơs mơ Pier lah: “Hơ̆ la Yàng.” Dơ̆ Simôn Pier kơno hơ̆ la Yàng, gen khai ai ào jrùh pùt di să khai tài bơh ơm kuh, mơ ntruñ tòm dàlềng.

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Broă 13:52

Ai ală cau dòn tòm Antiôt gen geh bềng lìu bơta hòn chò mơ Yàng Hwềng Goh.

Broă 16:25

Pơgap digùl mơnang, Pol mơ Sila ơm hòi dan mơ đơs chò jòng ro Yàng Tom Trồ, jơh ală cau ơm jàm kơno lơm.

Broă 2:46

Kòp ngai bol khai ngac ngar mơ kơ̆ nùs pơjum sùm tòm hìu duh khoai; bơh hìu do tus hìu ne, bol khai dơrkă piang lă, mơ sào bal dô bă chò hòp mơ nùs song ngan,

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

Hebrơ 10:34

Bơh oh mi neh gơs nùs nđàc sơngit ală cau kong jàm, gơs nùs hòn chò bulah roh phan mơna, bơh oh mi git he gơs phan mơna niam rlau gam sùm sùm.

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.