Jang 16:20 - Sră Goh 2018

²⁰ Ngan, Añ đơs ngan mơ bol mê, bol mê rơp ñìm mơ rac ròc, ai dunnia rơp hòn chò; bol mê rơp moat jrùng, mơya bơta moat jrùng bol mê dê rơp gơlik gơs bơta hòn chò.

Jang 16:20 ပူးပေါင်းရင်းမြစ်များ

Sră Jop 20:5

bơta hừh nùs cau iơh bơsak dê la liah ngan, Mơ bơta chò hòp cau ò dòn duh di mìng dô ơthoa lơm.

Đơs Crih 30:11

Kơnràñ neh tòmgơl bơta moat jrùng añ jê gơlik gơs chò hòp; Kơnràñ neh hồ ào bài sơnò kiat añ jê, mơ tơnsoh añ mơ bơta hòn chò,

Đơs Crih 30:5

Bơh bơta gơjrañ Kơnràñ dê gơs tòm dô ơthoa; ai bơta kòñ nđàc Kơnràñ dê jơh dô rài. Bơta ñìm rac tus ơm ing dô mơnang, Mơya àng drim gen gơs bơta hòn chò.

Đơs Crih 97:11

Bơta àng sòl pơnđàng cau song ring in, Bơta chò hòp geh ai cau in gơs nùs song ngan.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Mathiơ 21:38

Mơya dơ̆ bol lơh suơn gŏ kòn klau hơ̆ gen đơs bal lah: ‘Do la cau pơrdòn. Heh, tơnchơt tĕ khai mơ tòmpìt ai sre brê khai dê.’

Mathiơ 5:4

Lơngai ală cau moat jrùng in, bơh rơp geh pơndòm pơniang!

Jơnau Niam Jat Mak 14:72

Tŭ hơ̆ mo iar nrau dơ̆ bàr. Gen Pier kah wơl jơnau Yàng Jesu neh đơs mơ khai lah: “Lài mơ tŭ iar òhềt nrau bàr dơ̆, mê rơp pơndang sang Añ pe dơ̆.” Dơ̆ khai kơlôi sơnơng bơh bơta hơ̆ gen khai ñìm rac.

Jơnau Niam Jat Mak 16:10

Khai lòt yal mơ ală cau jat Kơnràñ lài òr, bol khai ơm moat jrùng mơ ñìm rac.

Luka 22:45

Neh sir hòi dan, Kơnràñ ñă ntào, lòt tus hơ ală cau bơtê, gŏ bol khai lơhă bic bơh moat jrùng,

Luka 22:62

Gen khai lik lòt, ñìm rac ròc pơt wòl.

Luka 23:27

Gơs mpồl làng bol oă lòt jat Kơnràñ; tòm hơ̆ gơs ală cau ùr tur ntơh ñìm rac bơh Kơnràñ.

Luka 24:17

Kơnràñ đơs mơ bol khai lah: “Bol mê tòmbơhbơr bal bơh bơta lơi tòm tŭ lòt gùng taih?” Bol khai dơh wơl, muh mat moat jrùng ngan.

Luka 24:21

Mơya bol hi neh kơp kòñ să tòm Kơnràñ rơp dong tă làng bol Israel. Bulah behơ̆, mơya broă hơ̆ neh gơlik gơs pe ngai do rau.

Luka 6:21

Lơngai bol mê in ơm jơgloh, Bơh rơp geh hòm! Lơngai bol mê in ơm ñìm, bơh rơp ñŏ!

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 16:6

Mơya tài bơh Añ neh yal ală bơta hơ̆ bol mê in, gen nùs bol mê bềng bơta moat jrùng.

Jang 20:20

Lồc đơs behơ̆ Kơnràñ sơnio bol khai in sền tê mơ wĕ Kơnràñ dê. Behơ̆ ală cau bơtê gŏ Yàng gen hòn chò.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Rôma 5:11

Ò di mìng behơ̆ lơm, mơya bol he kung hòn chò tòm Yàng Tom Trồ la bơh Yàng Jesu Krist bol he dê, bơh Kơnràñ mơ bol he gơlik gơs bơyô Yàng Tom Trồ dê.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

I Tesalônika 1:6

Gen oh mi neh đòm jat bol hi mơ kung đòm jat Yàng sơl, ai bơta hòn chò Yàng Hwềng Goh dê mơ dòp jơnau Yàng dê digùl oă bơta jê sồt bòl glar,

Jakơ 1:2

Ơ oh mi añ jê, tòm tŭ oh mi tìp li bơta gơlòng bòl glar gen sền tĕ jơh ală bơta hơ̆ be la bơta hòn chò dờng,

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,

Yal Tơlik 11:10

Ală cau ơm tòm plai ù rơp hòn chò mơ pơjum ñô sa chò hòp bơh bàr nă bol khai, mơ ai gòi phan bal mơ gơp, tài bơh bàr nă cau gơnoar hwơr hơ̆ la dô bơta jê sồt bòl glar ală cau in ơm tòm plai ù.

Yal Tơlik 18:7

Khai neh jòng is să he mơ lơh gơlềng gơlàng kàr lơi, gen lơh tĕ di khai jê sồt bòl glar mơ ñìm rac kàr hơ̆ sơl. Bơh tòm nùs khai kơlôi lah: ‘Añ nggui hơđang sơbàn bơtau ùr, añ ò di la cau ùr bơnrau, añ rơp ò gơs tŭ lơi gŏ bơta ñìm rac ò.’