Jang 16:13 - Sră Goh 2018

¹³ Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.

Jang 16:13 ပူးပေါင်းရင်းမြစ်များ

Esai 11:2

Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Jang 12:49

Añ ò đơs jat nùs is Añ jê, mơya să tòm Bèp la Bơtau neh sồr Añ lòt tus, sồr Añ pal đơs bơta lơi, mơ yal tơlik bơta lơi.

Jang 14:17

Hơ̆ la hwềng Jơnau song dê mơ dunnia ò rgơi dòp, bơh ò gŏ Kơnràñ, kung ò git Kơnràñ sơl; ai bol mê gen git Kơnràñ, bơh Kơnràñ ơm sùm mơ bol mê, mơ rơp ơm tòm bol mê sơl.

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 16:12

Añ gam gơs oă bơta tai kòñ đơs mơ bol mê, mơya tŭ do bol mê ò rgơi git wă.

Jang 3:32

Kơnràñ lơh cơng bơh bơta Kơnràñ neh gŏ mơ kơno, mơ ò gơs cau lơi dòp jơnau lơh cơng Kơnràñ dê.

Jang 8:38

Añ đơs bơta Añ neh gŏ bơh di Bèp Añ, ai bol mê lơh bơta bol mê neh kơno bơh di bèp bol mê dê.”

Broă 11:28

Tòm mpồl hơ̆ gơs dô nă cau sơnđan la Agabus geh Yàng Hwềng yal lài, gen khai ntào mơ đơs hwơr lah rơp gơs bơta jơgloh rung dờng tòm làm ù; bơta jơgloh rung hơ̆ gơlik gơs tòm rài bơtau Klaudius.

Broă 20:23

Mìng Yàng Hwềng Goh neh yal lài añ in git lah tòm kòp nơm ƀòn dờng, che sreng mơ bơta bòl glar ơm gơn añ.

Broă 27:24

mơ đơs lah: ‘Ơ Pol, bañ rngòt, mê pal lòt tus ntào di đap Sesa, mơ do, Yàng Tom Trồ neh ai mê in jơh ală cau hào ơhò bal mơ mê.’

II Tesalônika 2:12

tồ lơh nền glài jơh ală cau ò dòn jơnau song, mơ hòn chò tòm bơta ò song ring.

II Tesalônika 2:3

Bulah cau ngui bơta lơi kung bañ lòi bol khai pơrlồm oh mi, bơh ngai hơ̆ rơp ò tus jơl tus gơs bơta pơrlơ̆ sang jơnau Yàng tus lài, mơ gơs cau glài dờng, hơ̆ la kòn bơta roh rui rơp geh yal tơlik.

Hebrơ 1:1

Tòm rài yau, Yàng Tom Trồ neh ngui ală cau gơnoar hwơr nàng đơs oă dơ̆, oă bơta mơ ală ồng pàng bol he dê,

I Jang 2:20

Mơya ală bol mê neh geh bong mơñà bơh Bơtau Sàng Goh, gen jơh ală bol mê neh git rau.

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

I Jang 4:6

Bol he la bal mơ Yàng Tom Trồ. Cau lơi dòp git Yàng Tom Trồ gen iat bol he, ai cau lơi ò bal mơ Yàng Tom Trồ gen ò iat bol he. Bơh bơta do bol he git hwềng jơnau song mơ hwềng jơnau tìs.

I Jang 5:6

Yàng Jesu Krist la Bơtau neh ai dà mơ mhàm mơ lòt tus; ò di mìng ai dà lơm ò, mơya ai dà mơ mhàm;

Yal Tơlik 1:1

Bơta yal tơlik jơnau ndơp Yàng Jesu Krist dê, mơ Yàng Tom Trồ neh ai Kơnràñ in nàng yal tơlik ală dĭ gơna Kơnràñ in ală bơta rơp gơlik tus gòñ. Kơnràñ neh sồr cau gơnrơh Kơnràñ dê lòt tus yal tơlik ală bơta hơ̆ Jang in la dĭ gơna Kơnràñ dê,

Yal Tơlik 1:19

Tŭ do cih tĕ ală bơta mê gŏ, ală bơta gơs tŭ do mơ ală bơta rơp gơlik tus tơnơ̆.