Jang 15:24 - Sră Goh 2018

²⁴ Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Jang 15:24 ပူးပေါင်းရင်းမြစ်များ

Đơs Crih 81:15

Ală cau gơjrañ kơuềng di Yàng Jehôwa rơp rngòt rơm să di Kơnràñ, Mơ bơta lơh glài bol khai rơp gam sùm sùm.

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Jơnau Pơnđik 8:36

Mơya cau lơi hŭi añ, lơh iơh is di hwềng soàn bol khai dê; Ai cau lơi gơjrañ añ, ngan kòñ gơboh bơta chơt.”

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 21:32

Bơh Jang neh tus sơnio gùng song ring bol mê in, mơya bol mê ò dòn khai; ai ală cau dar dia mơ ală cau dri tơlàr neh dòn khai; bulah bol mê neh gŏ bơta hơ̆, mơ kung ò gơjrañ sang glài nàng dòn khai sơl.”

Mathiơ 9:33

Dơ̆ neh bơtrơh tơlik cà rau gen cau kloat tus đơs, mơ mpồl làng bol ai lơh krơi mơ đơs lah: “Ò tŭ lơi gŏ bơta be do tòm Israel.”

Jơnau Niam Jat Mak 2:12

Tŭ hơ̆ mo cau gơlte ñă ntào, at cơnòng mơ lik lòt tian gơs cau lơi kung ai lơh crih crài, jòng ro Yàng Tom Trồ mơ đơs lah: “Bol hi òhềt gŏ broă be do ò.”

Luka 24:19

Kơnràñ lùp lah: “Ñchi broă taih?” Bol khai ho lah: “Broă gơtơntus di Yàng Jesu Cau Nasaret, la dô nă cau gơnoar hwơr gơs gơnoar pràn tòm broă lơh mơ jơnau đơs di đap Yàng Tom Trồ mơ làng bol sơl;

Jang 10:32

Yàng Jesu đơs mơ bol khai lah: “Añ neh ràng tơlik bol mê in oă broă niam bơh di Bèp; behơ̆, bơh broă lơi ală bol mê cơm lŭ di Añ taih?”

Jang 10:37

Dilah Añ ò lơh ală broă Bèp Añ jê, gen bol mê bañ dòn Añ;

Jang 12:10

Gen tàng ală cau gơnoar dờng lam bồ ơn phan duh khoai kung lơh nền tơnchơt tơn Lasarơ sơl,

Jang 12:45

Ai cau lơi gŏ Añ, hơ̆ la gŏ Bơtau neh sồr Añ lòt tus.

Jang 14:9

Yàng Jesu đơs lah: “Ơ Philip, Añ ơm mơ bol mê neh jŏ rau, mơ mê òhềt git Añ ơ? Cau lơi neh gŏ Añ la neh gŏ Bèp rau. Mbe mê đơs lah: ‘Dan sơnio Bèp bol hi in, taih’?

Jang 15:21

Mơya tài bơh sơnđan Añ mơ bol khai rơp lơh jơh ală bơta hơ̆ di bol mê, tài bơh bol khai ò git Bơtau neh sồr Añ lòt tus.

Jang 15:22

Dilah Añ ò lòt tus mơ yal bol khai in, gen bol khai ò gơs glài; mơya tòm tŭ do bol khai ò rgơi tò să he nàng klàs glài ò.

Jang 15:23

Cau lơi gơjrañ di Añ gen kung gơjrañ di Bèp Añ sơl.

Jang 16:9

Bơh tồi glài, tài bơh bol khai ò dòn Añ;

Jang 3:2

Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 5:36

Mơya Añ gơs bơta lơh cơng dờng rlau mơ bơta lơh cơng Jang dê, bơh ală broă Bèp neh jào Añ in lơh wil tơl, ală broă Añ lơh hơ̆ lơh cơng bơh Añ lah Bèp neh sồr Añ lòt tus.

Jang 6:36

Mơya Añ neh đơs mơ bol mê lah: bulah bol mê neh gŏ Añ, mơya gam ò dòn.

Jang 7:31

Mơya tòm làng bol gơs oă cau dòn Kơnràñ, mơ đơs lah: “Tŭ Bơtau Krist tus, rơp lơh oă tềl krơi rlau mơ cau do neh lơh sơl ơ?”

Jang 9:32

Bơh rài yau tus rài do òhềt tŭ lơi kơno đơs gơs cau lơi pò mat cau jơngo bơh tŭ pa deh.

Jang 9:41

Yàng Jesu ho lah: “Dilah bol mê la cau jơngo, gen ò gơs tồi glài ò; mơya tài bơh bol mê đơs: ‘Bol hi gŏ,’ gen tàng tồi glài bol mê dê gam wơl.”

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 2:22

Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.

Rôma 1:30

đơs joh, jak đơs iơh, gơjrañ kơuềng di Yàng Tom Trồ, sơrdă sơrdơu, pơnhừ să, jòng să, jak jòi jơnau iơh bơsak, ò bài dòn bơr mè bèp,

Yal Wơl 5:9

Bol mê bañ cùn khoai bol gơ hala duh khoai bol gơ; bơh Añ la Jehôwa Yàng Tom Trồ bol mê dê, la Yàng Tom Trồ ƀoah pơrñat, lơh glài kòn sau bơh tồi glài ală ồng pàng tus di pe poan rài cau lơi pơndang sang Añ,

II Timôthe 3:4

pơrlơ̆ dră di oh mi bơyô, mhar gơhào nùs, jòng is să he, kòñ gơboh bơta kơnhơl lềng rlau mơ bơta kòñ gơboh di Yàng Tom Trồ,

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.