Jang 14:31 - Sră Goh 2018

³¹ Mơya nàng dunnia in git lah Añ kòñ gơboh di Bèp, mơ Bèp neh sồr Añ be lơi gen Añ lơh jat behơ̆. Ntào tĕ, bol he lòt bơh do.”

Jang 14:31 ပူးပေါင်းရင်းမြစ်များ

Đơs Crih 40:8

Ơ Yàng Tom Trồ añ jê, añ chò hòp lơh jat nùs kòñ Kơnràñ dê; Bơta boh lam Yàng dê ơm tòm nùs añ.”

Esai 50:5

Yàng Jehôwa la Yàng Tom Trồ neh pò tồr Añ, Añ ò gam tòmdră, Añ neh ò ruc wơl.

Mathiơ 26:39

Gen Kơnràñ lòt dô êt cơnđòa tai, blup mat tòm ù mơ hòi dan lah: “Ơ Bèp, dilah rgơi, dan lòi mơngàn do klàs bơh di Kòn; bulah behơ̆, ò di jat nùs kòñ Kòn dê, mơya jat nùs kòñ Bèp dê.”

Mathiơ 26:46

Guh tĕ, lòt ih; ne, cau pơrlơ̆ dră di Añ neh tus rềp.”

Luka 12:50

Mơya gơs dô bơta ƀaptem Añ pal kong, nùs Añ jê sồt oă ngan jơl tus di tŭ broă hơ̆ gơlik gơs wil tơl.

Jang 10:18

Ò gơs cau lơi tă bơta kis Añ, mơya Añ phi is Añ jê; Añ gơs gơnoar phi bơta kis mơ gơs gơnoar ai wơl; Añ neh dòp jơnau sồr hơ̆ bơh di Bèp Añ.”

Jang 12:27

“Tŭ do hwềng soàn Añ moat jrùng. Ñchi Añ rơp đơs taih? ‘Ơ Bèp, dan dong Añ klàs bơh di jơ do.’ Mơya kung bơh jơ do tàng Añ neh lòt tus.

Jang 12:49

Añ ò đơs jat nùs is Añ jê, mơya să tòm Bèp la Bơtau neh sồr Añ lòt tus, sồr Añ pal đơs bơta lơi, mơ yal tơlik bơta lơi.

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 15:9

Bèp neh kòñ gơboh di Añ be lơi, gen Añ kung kòñ gơboh di bol mê behơ̆ sơl; ơm tĕ sùm tòm bơta kòñ gơboh Añ jê.

Jang 18:11

Behơ̆ Yàng Jesu đơs mơ Pier lah: “Srồm tĕ đào mê tòm sơmprồm; mơngàn mơ Bèp neh ai Añ in, Añ ò di ñô ò ơ?”

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Philip 2:8

Kơnràñ neh gơs rùp să be dô nă cau, gen pìn pơndêt is să he, dòn bơr jơl chơt, tian gơs chơt hơđang chi pơng.