Jang 14:27 - Sră Goh 2018

²⁷ Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Jang 14:27 ပူးပေါင်းရင်းမြစ်များ

II Yal Yau 20:30

Behơ̆ Jehôsaphat at bồ tòm lơgar geh ring lơngai, bơh Yàng Tom Trồ ai khai in rlô lơngai bơh kòp đah gùt dar.

Sră Jop 34:29

Mơya dilah Kơnràñ ơm mŏ mŏ, ñcau rgơi lơh nền glài Kơnràñ taih? Dilah Kơnràñ pồn mat, ñcau rgơi gŏ Kơnràñ taih? Bulah dô nơm làng bol hala dô nă is cau dê,

Đơs Crih 11:1

Añ kìng crŭ să añ tòm Yàng Jehôwa; Mbe bol mê rgơi đơs mơ añ lah: “Dô pồn tĕ be sềm tòm mơnơm” taih?

Đơs Crih 112:7

Khai ò rngòt di jơnau yal bơh bơta iơh; Nùs khai ơm kơ̆ cê, geh lơngap lơngai tòm Yàng Jehôwa.

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 28:3

Dan bañ tă sang añ bal mơ ală cau iơh bơsak, La ală cau lơh bơta iơh bơsak; Bol khai đơs ring lơngai mơ cau gơp ƀòn he, Mơya tòm nùs gơs bơta blac pơrlồm.

Đơs Crih 29:11

Dan Yàng Jehôwa ai pràn kơldang làng bol Kơnràñ in; Dan Yàng Jehôwa ai bơta lơngap lơngai nàng ai lơngai làng bol Kơnràñ dê!

Đơs Crih 56:11

Añ dòn kơnòm di Yàng Tom Trồ, añ ò gơs rngòt. Ñchi kòn mơnus rgơi lơh di añ taih?

Đơs Crih 56:3

Tòm tŭ añ rngòt, añ dòn kơnòm di Yàng.

Đơs Crih 72:2

Dan ai khai in cahrña làng bol Kơnràñ dê dô bă song ring, Cahrña cau rƀah lơòi Kơnràñ dê dô bă song ngan.

Đơs Crih 72:7

Tòm rài bơtau hơ̆ dê, dan ai bơta song ring sơlo geh pò ơnàng, Mơ bơta ring lơngai geh tơngkah tơngkañ, jơl tus di mat kơnhai ò gam tai.

Đơs Crih 85:10

Bơta kòñ gơboh kơ̆ dơn mơ bơta dòn song rơp tìp bal; Bơta song ring mơ bơta lơngap lơngai rơp cum bal.

Đơs Crih 91:5

Mê rơp ò rngòt rngơt tòm trồ mang, Kung ò rngòt di kam par tòm trồ ngai,

Jơnau Pơnđik 3:25

Bañ rngòt di bơta rngòt rngơt nisơna gơtơntus, Hala di bơta rung rài gơdùh hơđang cau iơh bơsak.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Esai 55:12

Bơh bol mê rơp lik lòt tòm bơta hòn chò, gen lam rê wơl tòm bơta lơngap lơngai. Ală mơnơm mơ ală dòr rơp ai jơnau đơs chò di đap bol mê, mơ jơh ală chi che tòm ƀlàng rơp tàp tê bol gơ dê.

Esai 57:19

Yàng Jehôwa đơs lah: ‘Lơngap lơngai, lơngap lơngai ală cau in ơm ngài mơ ơm rềp, mơ Añ rơp sơmbòi bol khai in.’

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 1:8

Bañ rngòt di bol khai; Bơh Añ ơm mơ mê nàng dong klàs mê.” Yàng Jehôwa đơs behơ̆.

Ñìm Rac 3:17

Hwềng soàn añ ơm ngài mơ bơta lơngap lơngai, añ neh hŭi bơta lơngai lơngò la ñchi.

Ejekiel 2:6

Ai mê, ơ kòn mơnus, mê bañ rngòt di bol khai hala di jơnau đơs bol khai dê. Bañ rngòt bulah lò mrơt lò mang rồng gùt dar mê, mơ mê ơm digùl ală diang. Bañ rngòt di jơnau lơi bol khai đơs, mơ bañ rơm să tài bơh bol khai, bơh bol khai la dô nơm hìu jak tòmdră.

Daniel 4:1

Bơtau Nebukatnessar pơyoa jơnau jơh ală làng bol, ală lơgar, ală jơnau đơs in tòm làm jơh ù tiah: “Dan ală bol mê in geh bơta lơngap lơngai bềng lìu.

Daniel 6:25

Gen bơtau Darius cih sră pơyoa jơh ală làng bol, ală lơgar mơ ală jơnau đơs in tòm làm bă tiah lah: “Dan bơta lơngap lơngai bol mê dê geh gơbơtơl oă tai.

Sacari 6:13

Hơ̆ la să tòm khai rơp bơt bơtào hìu duh khoai Yàng Jehôwa in, mơ khai rơp geh bơta ryŭ ryơm, rơp nggui at bồ hơđang sơbàn khai dê, mơ khai rơp lơh gơs cau gơnoar ơn phan duh khoai hơđang sơbàn khai dê; mơ rơp gơs bơta gơtòmklac ring lơngai digùl bàr nơm gơnoar broă hơ̆.’

Khà Làng Bol 6:26

Dan Yàng Jehôwa wèt mat Kơnràñ dê hơ mê mơ ai mê in bơta lơngap lơngai.’

Mathiơ 10:26

“Behơ̆ bañ rngòt di bol khai, bơh ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò gơ ràng tơlik.

Luka 1:79

Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”

Luka 10:5

Tòm tŭ bol mê mut tòm hìu lơi, sơnròp ngan đơs tĕ: ‘Lơngap lơngai hìu do in!’

Luka 12:4

Añ đơs mơ bol mê la oh mi bơyô Añ jê, bañ rngòt di cau tơnchơt să jan, gen tơnơ̆ ò rgơi lơh bơta lơi tai.

Luka 2:14

“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.”

Jang 14:1

“Nùs bol mê bañ dơrcul: Neh dòn Yàng Tom Trồ, kung dòn tĕ Añ sơl.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 20:19

Tòm mho ngai hơ̆, la ngai sơnròp tòm dô poh, ală mpồng di tiah ală cau bơtê ơm neh til tài bơh bol khai rngòt di cau Juda, Yàng Jesu tus ntào digùl bol khai mơ đơs lah: “Lơngap lơngai bol mê in!”

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Jang 20:26

Tòm phàm ngai tơnơ̆, ală cau bơtê Kơnràñ dê ơm bal tòm hìu, gơs Thôma ơm bal sơl; ală mpồng neh til, Yàng Jesu tus ntào digùl bol khai mơ đơs lah: “Lơngap lơngai bol mê in!”

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Broă 18:9

Tòm trồ mang Yàng đơs mơ Pol tòm bơta gơtơnggŏ lah: “Bañ rngòt mơya đơs tĕ, bañ ơm mŏ mŏ;

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Rôma 5:10

Bơh dilah tòm tŭ bol he gam la cau sò tơm di Yàng Tom Trồ, mơ neh geh gơtòmsòr wơl mơ Kơnràñ la bơh bơta chơt Kòn Kơnràñ dê, ai tŭ do neh geh gơtòmsòr wơl rau, gen sơlo rlau tai bol he rơp kơnòm di bơta kis Kòn hơ̆ dê mơ geh dong klàs.

Rôma 8:6

Bơta kơlôi wèt đah poac să la bơta chơt, ai bơta kơlôi wèt đah Yàng Hwềng la bơta kis mơ bơta lơngap lơngai;

I Kôrintô 1:3

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê mơ bơh Yàng Jesu Krist.

Galati 1:3

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp, mơ bơh Yàng Jesu Krist la Yàng bol he dê,

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Galati 6:16

Dan bơta lơngap lơngai mơ bơta kòñ nđàc mù hơđang jơh ală cau lơh jat bơta sơnoa rnoas do, mơ hơđang làng bol Israel Yàng Tom Trồ dê sơl.

Philip 4:7

Gen bơta lơngap lơngai Yàng Tom Trồ dê, la bơta jòng rlau jơh ală bơta git wă, rơp sền gàr nùs mơ bơta kơlôi sơnơng oh mi dê tòm Yàng Krist Jesu.

Kôlôse 1:2

pơyoa ală cau sàng goh in mơ ală oh mi dòn song tòm Bơtau Krist ơm tòm Kôlôse: Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê.

Kôlôse 1:20

mơ kơnòm di Bơtau Krist lơh jơh ală bơta in, bulah tòm ù hala hơđang trồ, gơs gơtòmsòr wơl mơ Yàng Tom Trồ, bơh neh kơnòm dê mhàm Bơtau Krist dê, di chi pơng mơ lơh gơs bơta ring lơngai rau.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

II Tesalônika 1:2

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp mơ bơh Yàng Jesu Krist!

II Tesalônika 3:16

Dan să tòm Yàng la Bơtau ai bơta lơngap lơngai sùm sùm tòm jơh ală bơta. Dan Yàng ơm bal mơ jơh tơl nă oh mi.

II Timôthe 1:7

Bơh Yàng Tom Trồ ò di ai bol he in hwềng nùs rngòt rngơt, mơya ai hwềng nùs pràn kơldang, kòñ gơboh mơ git kơrhia.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

Hebrơ 7:2

Abraham kung ai dô pơnah jơt tòm jơh ală phan khai neh dòp geh mơ ơn bơtau in. Jat jơnau gơtha Melcijedek sơnròp ngan la “bơtau song ring,” kung la bơtau Salem dê, hơ̆ la “bơtau ring lơngai.”

Yal Tơlik 1:4

Jang pơyoa poh nơm Hìu Jum Goh in tòm kơnhwàl Asia: Dan oh mi in geh bơta nđàc mơ bơta lơngap lơngai tus bơh Bơtau Gam Gơs, Neh Gơs mơ Rơp Tus; mơ bơh poh Hwềng ơm di đap sơbàn Kơnràñ dê,

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”