Jang 14:26 - Sră Goh 2018

²⁶ Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 14:26 ပူးပေါင်းရင်းမြစ်များ

Đơs Crih 51:11

Dan bañ sang lòi añ bơh di đap Yàng, Kung bañ tă Hwềng Goh Yàng dê bơh di añ.

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Mathiơ 1:18

Mơ tai, bơta lik lìng Yàng Jesu Krist dê neh gơlik gơs be do. Tòm tŭ Mari mè Yàng Jesu neh ho bau mơ Jôsep, mơya lài mơ tŭ bol khai òhềt ơm bal, gen khai neh bun bơh Yàng Hwềng Goh.

Mathiơ 1:20

Mơya tòm tŭ Jôsep kơlôi sơnơng bơh bơta hơ̆, gen dô nă cau gơnrơh Yàng dê tơnggŏ mơ khai tòm mpau mơ đơs lah: “Ơ Jôsep, kòn sau Dabit, bañ rngòt dòp tĕ Mari la bau mê, bơh kòn mơ khai neh bun hơ̆ la bơh Yàng Hwềng Goh.

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Mathiơ 3:11

Đah mơ añ, añ lơh ƀaptem bol mê in mơ dà nàng yal tơlik bơta gơjrañ sang glài. Mơya Bơtau tus tơnơ̆ añ gơs gơnoar pràn rlau mơ añ, añ ò di pal at gơltau jă Kơnràñ dê. Kơnràñ rơp lơh ƀaptem bol mê in mơ Yàng Hwềng Goh mơ ồs.

Jơnau Niam Jat Mak 12:36

Să tòm Dabit neh geh rngoh rngac bơh Yàng Hwềng Goh mơ đơs lah: ‘Yàng neh đơs mơ Yàng añ lah: Nggui tĕ đah ma Añ Jơl tus di tŭ Añ ơn ală cau sò tơm di mê hơđơm mpàng jơng mê dê.’

Jơnau Niam Jat Mak 13:11

Tòm tŭ bol khai hwài cèng bol mê nàng bơtào, gen bañ kơlôi rcang lài jơnau lơi bol mê rơp đơs, mơya đơs tĕ jơnau rơp ai bol mê in tòm jơ hơ̆, bơh ò di bol mê đơs ò, mơya la Yàng Hwềng Goh gơ dê.

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Luka 1:41

Dơ̆ Elisabet kơno jơnau còp să Mari dê, gen kòn sơnđoh tòm kơndul. Elisabet geh bềng lìu Yàng Hwềng Goh,

Luka 1:67

Chòp Sacari, bèp kòn hơ̆, geh bềng lìu Yàng Hwềng Goh mơ đơs hwơr lah:

Luka 11:13

Dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ ò ai Yàng Hwềng Goh ală cau lơi in dan mơ Kơnràñ ò ơ?”

Luka 2:25

Mơ tai, tòm Jerusalem gơs dô nă cau klau sơnđan la Simeôn, la cau song ring mơ duh rngòt, kơp gơn bơta pơndòm pơniang Israel dê, mơ Yàng Hwềng Goh ơm hơđang khai.

Luka 24:49

Mơ do, Añ sồr Bơtau mơ Bèp neh ho mù hơđang bol mê; ai bol mê kư̆ ơm tĕ tòm Jerusalem jơl tus di tŭ neh dòp soh gơnap gơnoar bơh đang jòng.”

Luka 3:22

Yàng Hwềng Goh ai rùp să be sềm ntòp rơp hơđang Kơnràñ, gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Jang 1:33

Añ ò git Kơnràñ, mơya Bơtau sồr añ lòt tus lơh ƀaptem mơ dà neh đơs mơ añ lah: ‘Bơtau mơ mê rơp gŏ Yàng Hwềng mù ơm hơđang, hơ̆ la Bơtau lơh ƀaptem mơ Yàng Hwềng Goh.’

Jang 12:16

Bơh sơnròp ală cau bơtê ò git wă ală bơta hơ̆; mơya tòm tŭ Yàng Jesu neh geh gơklŏ, tŭ hơ̆ sồng bol khai kah wơl ală bơta hơ̆ neh geh cih bơh Kơnràñ, mơ neh lơh bơta hơ̆ Kơnràñ in.

Jang 14:16

Añ rơp dan mơ Bèp, Kơnràñ rơp ai bol mê in dô Bơtau Pơndòm pơniang ndai, nàng ơm mơ bol mê sùm sùm.

Jang 14:25

Añ neh đơs ală bơta hơ̆ mơ bol mê tòm tŭ Añ gam ơm mơ bol mê.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 16:7

Bulah behơ̆, Añ đơs song ngan mơ bol mê: Añ lòt la kwơ ngan bol mê in bơh dilah Añ ò lòt gen Bơtau Pơndòm pơniang ò tus hơ bol mê: Mơya dilah Añ lòt, gen Añ rơp sồr Kơnràñ tus hơ bol mê.

Jang 2:22

Behơ̆ tŭ Kơnràñ neh kis wơl bơh bơta chơt, ală cau bơtê kah wơl jơnau Kơnràñ neh đơs, gen dòn Sră Goh mơ jơnau Yàng Jesu neh đơs.

Jang 20:22

Neh Kơnràñ đơs behơ̆ rau, gen khồm nhơm hơđang ală cau bơtê mơ đơs lah: “Dòp tĕ Yàng Hwềng Goh.

Jang 6:45

Tòm ală sră gơnoar hwơr neh cih lah: ‘Jơh tơl nă cau rơp geh Yàng Tom Trồ bơto sồr.’ Kòp nă cau lơi neh iat mơ bơtê bơh di Bèp, gen lòt tus hơ Añ.

Jang 7:39

Kơnràñ đơs bơta hơ̆ la sơnio bơh Yàng Hwềng mơ ală cau dòn Kơnràñ rơp dòp geh; bơh Yàng Hwềng òhềt mù, tài bơh Yàng Jesu òhềt geh gơklŏ.

Broă 1:2

jơl tus di ngai Kơnràñ geh guh rê hơđang trồ, tơnơ̆ mơ tŭ Kơnràñ kơnòm di Yàng Hwềng Goh nàng bơto sồr ală cau gơnoar bơto dờng Kơnràñ neh sac rwah.

Broă 1:4

Tòm tŭ ơm pơjum bal mơ ală cau gơnoar bơto dờng, Kơnràñ nting lah “Bañ lik bơh Jerusalem, mơya kư̆ ơm gơn tĕ bơta mơ Bèp neh ho ai, la bơta bol mê neh kơno Añ đơs.

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Broă 11:16

Gen añ kah wơl jơnau Yàng neh đơs lah: ‘Jang neh lơh ƀaptem mơ dà, mơya bol mê rơp gơs ƀaptem mơ Yàng Hwềng Goh.’

Broă 13:2

Tòm tŭ bol khai ơm duh khoai Yàng mơ ơt sa, gen Yàng Hwềng Goh đơs lah: “Ơn is tĕ Banaba mơ Sol tòm broă lơh Añ neh hòi sac bol khai.”

Broă 13:4

Geh Yàng Hwềng Goh sồr lòt, Sol mơ Banaba mù hơ Selơsi, bơh tềng hơ̆ hào ơhò tus hơ bồt pơlào Ciprus.

Broă 15:28

Bơh Yàng Hwềng Goh mơ bol hi neh dô nùs bal ò di tơnàñ kơnjơ̆ tai oh mi in rlau mơ ală bơta pal càng do:

Broă 15:8

Yàng Tom Trồ la Bơtau git nùs tơl nă cau, neh lơh cơng Kơnràñ dòp rò bol khai tòm tŭ ai Yàng Hwềng Goh bol khai in kung be ai bol he in sơl.

Broă 16:6

Bol khai lòt làm kơnhwàl Phriji mơ Galati, tài bơh Yàng Hwềng Goh neh bơkơŭ bol khai bơto yal jơnau Yàng tòm Asia.

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Broă 20:35

Tòm jơh ală bơta añ neh bơto oh mi in git, mbe lơi oh mi pal kong bòl glar lơh broă nàng dong kòl cau lơbơn lơño, mơ kah wơl jơnau să tòm Yàng Jesu neh đơs lah: ‘Pà ai gen geh lơngai rlau mơ dòp leng.’”

Broă 28:25

Tài bơh bol khai ò gơs dô nùs bal mơ gơp mơ kòñ lik rê, gen Pol đơs bơtơl mìng dô jơnau do: “Yàng Hwềng Goh neh đơs di ngan tòm tŭ Kơnràñ ngui cau gơnoar hwơr Esai nàng đơs mơ ồng pàng oh mi dê lah:

Broă 5:3

Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih?

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Broă 7:55

Mơya Etien gơs bềng lìu Yàng Hwềng Goh, tơnggòr sền hơđang trồ, gŏ bơta gơklŏ Yàng Tom Trồ dê, mơ Yàng Jesu ntào đah ma Yàng Tom Trồ;

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Rôma 15:16

tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.

I Kôrintô 12:3

Tài bơh hơ̆ añ yal oh mi in git lah ò gơs cau lơi bơh Yàng Hwềng Yàng Tom Trồ dê tề lam mơ đơs lah: “Jesu pal srat sơntơm;” mơ kung ò gơs cau lơi đơs lah; “Jesu la Yàng,” dilah ò bơh Yàng Hwềng Goh tề lam.

I Kôrintô 6:19

Oh mi ò git lah să jan oh mi la hìu duh khoai Yàng Hwềng Goh dê ơm tòm oh mi, mơ oh mi neh dòp bơh Yàng Tom Trồ ò ơ? Mơ oh mi ò di gơrê bal mơ să tòm oh mi dê ò, mơya gơrê bal mơ Yàng Tom Trồ,

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Ephesô 4:30

Bañ lơh moat jrùng Yàng Hwềng Goh Yàng Tom Trồ dê, bơh tòm Kơnràñ oh mi geh tap ƀang kì tus di ngai dong tơwài.

I Tesalônika 4:8

Gen tàng cau lơi sang lòi bơta do gen ò di sang lòi cau ò, mơya hơ̆ la sang lòi Yàng Tom Trồ la Bơtau ai Yàng Hwềng Goh Kơnràñ dê oh mi in.

II Timôthe 1:14

Kơnòm tĕ di Yàng Hwềng Goh ơm tòm bol he nàng kơrmap gàr bơta niam neh jào mê in rau.

Sră Pơyoa Pol Dê Pơyoa Tit In 3:5

ò di bơh broă song ring să tòm bol he neh lơh ò, mơya jat nùs kòñ nđàc Kơnràñ dê, kơnòm di bơta rào goh bơh bơta deh wơl pa mơ bơta tòmgơl pa tòm Yàng Hwềng Goh.

Hebrơ 10:15

Yàng Hwềng Goh kung lơh cơng bol he in, bơh tơnơ̆ mơ tŭ Kơnràñ neh đơs.

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.

Hebrơ 3:7

Gen tàng, be Yàng Hwềng Goh đơs lah: “Ngai do dilah bol mê kơno jơnau đơs Kơnràñ dê,

Hebrơ 9:8

Yàng Hwềng Goh ai bơta hơ̆ sơnio lah tŭ lơi Hìu Ing Duh Khoai sơnròp gam gơs, gen gùng mut tòm Tiah Sàng Goh Ngan òhềt pò tơlik.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

II Pier 1:21

bơh ò gơs jơnau gơnoar hwơr lơi bơh nùs is dô nă cau lơi mơ gơs, mơya hơ̆ la bơh Yàng Hwềng Goh lơh rngoh rngac mơ cau neh đơs jơnau Yàng Tom Trồ dê.

I Jang 2:20

Mơya ală bol mê neh geh bong mơñà bơh Bơtau Sàng Goh, gen jơh ală bol mê neh git rau.

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

I Jang 5:7

Yàng Hwềng lơh cơng, tài bơh Yàng Hwềng la jơnau song.

Jude 1:20

Mơya, ơ ală oh mi kòñ gơboh, oh mi bơt bơtào tĕ să tòm oh mi hơđang bơta dòn sàng goh ngan oh mi dê, kơnòm di Yàng Hwềng Goh mơ hòi dan.

Yal Tơlik 2:11

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, gen rơp ò kong bơta jê sồt tòm bơta chơt dơ̆ bàr.’”