Jang 14:17 - Sră Goh 2018

¹⁷ Hơ̆ la hwềng Jơnau song dê mơ dunnia ò rgơi dòp, bơh ò gŏ Kơnràñ, kung ò git Kơnràñ sơl; ai bol mê gen git Kơnràñ, bơh Kơnràñ ơm sùm mơ bol mê, mơ rơp ơm tòm bol mê sơl.

Jang 14:17 ပူးပေါင်းရင်းမြစ်များ

Jơnau Pơnđik 14:10

Bơta sràt bơtang kòp nùs đal git is; Cau ndai ò geh tòmpà bơta chò hòp mơ khai.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Ejekiel 36:27

Añ rơp ơn Hwềng Añ tòm bol mê, mơ lơh bol mê in lòt jat bơta sồr lam Añ jê, mơ kơrhia prap gàr ală bơta boh lam Añ jê.

Mathiơ 10:20

Bơh ò di bol mê đơs is ò, mơya la Hwềng Yàng Bèp bol mê dê ơm tòm bol mê đơs gơ dê.

Jang 14:16

Añ rơp dan mơ Bèp, Kơnràñ rơp ai bol mê in dô Bơtau Pơndòm pơniang ndai, nàng ơm mơ bol mê sùm sùm.

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 16:13

Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.

Jang 6:40

Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

I Kôrintô 14:15

Mbe lơh taih? Añ rơp hòi dan mơ hwềng nùs, mơ kung hòi dan mơ dơngoh kơlôi sơl; añ rơp đơs chò mơ hwềng nùs, mơ kung đơs chò mơ dơngoh kơlôi sơl.

I Kôrintô 2:14

Mơ tai, ală cau ò gơs Yàng Hwềng ò rgơi dòp bơta ai gòi tus bơh Hwềng Yàng Tom Trồ dê; bơh bol khai gơwèt mơ bơta hơ̆ la tùl gơla, mơ bol khai ò rgơi git wă, tài bơh pal sền sơwì jat đah hwềng.

I Kôrintô 3:16

Oh mi ò git he la hìu duh khoai Yàng Tom Trồ dê, mơ Hwềng Yàng Tom Trồ ơm tòm oh mi ò ơ?

I Kôrintô 6:19

Oh mi ò git lah să jan oh mi la hìu duh khoai Yàng Hwềng Goh dê ơm tòm oh mi, mơ oh mi neh dòp bơh Yàng Tom Trồ ò ơ? Mơ oh mi ò di gơrê bal mơ să tòm oh mi dê ò, mơya gơrê bal mơ Yàng Tom Trồ,

II Kôrintô 13:5

Să tòm oh mi sơwì is tĕ, mơ lòng sền oh mi ơm tòm bơta dòn hala ò. Oh mi ò git lah gơs Yàng Jesu Krist ơm tòm oh mi sơl ơ? Mìng dilah ngan, oh mi kong alah tòm tŭ tìp bơta gơlòng.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Galati 4:6

Bơh oh mi la kòn klau kòn ùr Kơnràñ dê, gen tàng Yàng Tom Trồ neh ai Hwềng Kòn Kơnràñ dê mut tòm nùs bol he mơ đơs lah: “Aba! Bèp!”

Ephesô 2:22

Tòm Kơnràñ oh mi kung geh bơt bơtào bal tòm hìu hơ̆ nàng lơh gơs tiah ơm Yàng Tom Trồ dê tòm Yàng Hwềng.

Ephesô 3:17

tồ Bơtau Krist in bơh bơta dòn mơ ơm tòm nùs ală oh mi, nàng tơnơ̆ mơ tŭ oh mi ơm kơ̆ be chi sro ryas mơ bơtào kơ̆ tòm bơta kòñ gơboh.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

II Timôthe 1:14

Kơnòm tĕ di Yàng Hwềng Goh ơm tòm bol he nàng kơrmap gàr bơta niam neh jào mê in rau.

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

I Jang 3:24

Jơh ală cau lơi prap gàr ală bơta sồr lam Yàng Tom Trồ dê gen ơm sùm tòm Yàng Tom Trồ, mơ Yàng Tom Trồ ơm sùm tòm ală cau hơ̆. Bơh bơta do bol he git Yàng Tom Trồ ơm sùm tòm bol he, hơ̆ la kơnòm di Yàng Hwềng mơ Yàng Tom Trồ neh ai bol he in.

I Jang 4:4

Ơ ală kòn añ jê, ală bol mê la bal mơ Yàng Tom Trồ mơ neh geh pha lin mơ bol khai rau, tài bơh Bơtau ơm tòm bol mê la dờng rlau mơ bơtau ơm tòm cau dunnia.

I Jang 4:6

Bol he la bal mơ Yàng Tom Trồ. Cau lơi dòp git Yàng Tom Trồ gen iat bol he, ai cau lơi ò bal mơ Yàng Tom Trồ gen ò iat bol he. Bơh bơta do bol he git hwềng jơnau song mơ hwềng jơnau tìs.

I Jang 5:7

Yàng Hwềng lơh cơng, tài bơh Yàng Hwềng la jơnau song.

Yal Tơlik 2:17

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai khai in mana gam pồn ndơp, mơ Añ rơp ai khai in dô nơm pơnai lŭ bò, hơđang lŭ hơ̆ gơs cih dô nơm sơnđan pa, rlau mơ cau dòp gơ gen ò gơs cau lơi git.’”