Jang 14:13 - Sră Goh 2018

¹³ Bol mê ai sơnđan Añ mơ dan bơta lơi, gen Añ rơp lơh, nàng Bèp in geh gơklŏ dê Kòn.

Jang 14:13 ပူးပေါင်းရင်းမြစ်များ

Mathiơ 21:22

Tòm tŭ hòi dan, dilah dòn gen ngan rơp dòp geh jơh ală bơta bol mê dan.”

Mathiơ 7:7

“Dan tĕ, rơp ai; jòi tĕ, rơp bàn; teh tĕ, rơp geh pò bol mê in.

Jơnau Niam Jat Mak 11:24

Tài bơh hơ̆ tàng Añ đơs mơ bol mê, jơh ală bơta lơi bol mê dan tòm tŭ hòi dan, dòn tĕ la neh geh gen ngan bol mê rơp geh bơta hơ̆.

Luka 11:9

Añ đơs tai mơ bol mê, dan tĕ, rơp ai; jòi tĕ, rơp bàn; teh tĕ, rơp geh pò bol mê in.

Jang 10:30

Añ mơ Bèp la dùl.”

Jang 12:44

Yàng Jesu đơs dờng lah: “Cau lơi dòn Añ ò di mìng dòn Añ lơm, mơya dòn Bơtau neh sồr Añ lòt tus.

Jang 13:31

Tòm tŭ Juda neh lik lòt rau, Yàng Jesu đơs lah: “Tòm tŭ do Kòn Mơnus geh gơklŏ, mơ Yàng Tom Trồ kung geh gơklŏ di Kòn Mơnus sơl.

Jang 14:14

Dilah bol mê ai sơnđan Añ nàng dan bơta lơi, gen Añ rơp lơh.”

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Jang 16:23

Tòm ngai hơ̆ bol mê rơp ò lùp Añ bơh bơta lơi tai. Ngan, Añ đơs ngan mơ bol mê, bơta lơi bol mê rơp dan mơ Bèp, gen Kơnràñ rơp bơh sơnđan Añ mơ ai bol mê in.

Jang 16:26

Tòm ngai hơ̆ bol mê rơp ai sơnđan Añ mơ dan, Añ ò đơs Añ rơp bơh bol mê mơ hòi dan mơ Bèp ò;

Jang 16:7

Bulah behơ̆, Añ đơs song ngan mơ bol mê: Añ lòt la kwơ ngan bol mê in bơh dilah Añ ò lòt gen Bơtau Pơndòm pơniang ò tus hơ bol mê: Mơya dilah Añ lòt, gen Añ rơp sồr Kơnràñ tus hơ bol mê.

Jang 4:10

Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 5:19

Behơ̆, Yàng Jesu đơs mơ bol khai lah: “Di ngan, di ngan, Añ đơs mơ bol mê, Kòn ò rgơi lơh is bơta lơi, mìng lơh bơta Kòn gŏ Bèp lơh; bơh bơta lơi Bèp lơh gen Kòn kung lơh behơ̆ sơl.

Jang 7:37

Ngai lồi dut, la ngai dờng màng tòm ală ngai pơjum sa, Yàng Jesu ntào, hòi dờng lah: “Dilah cau lơi tơhìr, tus tĕ hơ Añ mơ hùc.

I Kôrintô 14:13

Behơ̆ cau lơi đơs jơnau đơs ndai, gen hòi dan tĕ nàng geh bơta ai gòi rgơi sơpơ̆bơr tai sơl.

Ephesô 2:18

Bơh kơnòm di Kơnràñ mơ bol he jơh bàr đah tòm dô nă Yàng Hwềng mơ geh mut di đap Yàng Bèp.

Ephesô 3:12

Tòm Bơtau Krist, kơnòm di bơta dòn tòm Kơnràñ, bol he gơs nùs khin cha mơ dòn nền nàng tus rềp di đap Yàng Tom Trồ.

Ephesô 3:14

Tài bơh bơta hơ̆ añ cùn gơltang di đap Yàng Bèp,

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

Hebrơ 13:15

Behơ̆ bol he kơnòm tĕ di Yàng Jesu, mơ kư̆ ơn sùm phan ơn duh khoai la jơnau jòng ro Yàng Tom Trồ bơh bơr sơndồi yal tơlik sơnđan Kơnràñ la Yàng.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

Jakơ 5:16

Behơ̆ yal glài tĕ bal mơ gơp, mơ hòi dan tĕ bal mơ gơp, tồ ală oh mi in geh sơmbòi. Jơnau hòi dan cau song ring dê gơs gơnap gơnoar dờng ƀă tàm ngan.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

I Jang 3:22

mơ bol he dan bơta lơi gen dòp geh bơta hơ̆ bơh di Kơnràñ, tài bơh bol he prap gàr ală bơta sồr lam Kơnràñ dê mơ lơh ală bơta niam nùs Kơnràñ.

I Jang 5:14

Do la bơta dòn nền bol he gơs tòm Kơnràñ, hơ̆ la dilah bol he jat nùs kòñ Kơnràñ dê mơ dan bơta lơi, gen Kơnràñ iat bol he.