Jang 13:19 - Sră Goh 2018

¹⁹ Bơh tŭ do, Añ yal bol mê in lài mơ tŭ broă hơ̆ òhềt gơlik gơs; nàng tòm tŭ broă hơ̆ gơlik gơs rau, gen bol mê dòn Añ la Bơtau neh gơs mơ gam gơs sùm sùm.

Jang 13:19 ပူးပေါင်းရင်းမြစ်များ

Esai 41:23

Yal tĕ bol he in bơh ală bơta rơp gơlik gơs tòm ngai tơnơ̆, tồ bol he in git bol mê la ală yàng. Lơh bơta lơi niam hala lơh bơta iơh, tồ bol he in rngòt rngơt mơ kìr.

Esai 43:10

Yàng Jehôwa đơs lah: “Bol mê la ală cau lơh cơng Añ jê, mơ la cau duh broă mơ Añ neh sac rwah, nàng mê in git mơ dòn Añ, mơ git wă lah Añ la Bơtau hơ̆. Ò gơs yàng lơi neh geh crơng mòn lài mơ Añ, tơnơ̆ mơ Añ kung rơp ò gơs.

Esai 48:5

Gen tàng Añ neh đơs ală bơta do bơh jŏ jòng rau; Añ neh yal ală bơta hơ̆ bol mê in lài mơ tŭ òhềt gơlik gơs tồ bol mê ò rgơi đơs lah: ‘Ală rùp ràk añ jê neh lơh gơ; ală rùp pac sềr mơ chi mơ ală rùp tŏ mơ màh mơ priă neh ai gơnoar sồr ală bơta hơ̆.’

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Mathiơ 11:3

đơs mơ Kơnràñ lah: “Cau Bơto la Bơtau pal tus, hala bol hi pal gơn bơtau ndai taih?”

Mathiơ 24:25

Do Añ neh yal lài bol mê in rau.

Luka 21:13

Hơ̆ la tŭ lơmpah nàng bol mê in lơh cơng.

Jang 1:15

Jang lơh cơng bơh Kơnràñ mơ yal dờng lah: “Bơh Bơtau hơ̆ mơ añ neh đơs: ‘Bơtau tus tơnơ̆ añ lin rlau mơ añ, bơh Kơnràñ neh gơs lài mơ añ.’”

Jang 14:29

Tŭ do Añ neh đơs ală bơta hơ̆ mơ bol mê lài mơ tŭ òhềt gơlik gơs, nàng tòm tŭ ală bơta hơ̆ gơlik gơs gen bol mê dòn.

Jang 16:4

Mơya Añ neh yal ală bơta hơ̆ bol mê in, nàng tŭ jơ tus, gen bol mê kah lah Añ neh đơs ală bơta hơ̆ mơ bol mê rau. Añ ò đơs ală bơta hơ̆ mơ bol mê bơh tŭ sơnròp, bơh Añ gam ơm mơ bol mê.

Jang 4:26

Yàng Jesu đơs lah: “Añ, cau ơm đơs mơ ai do, la Bơtau hơ̆.”

Jang 8:28

Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.

Jang 8:58

Yàng Jesu đơs lah: “Di ngan, Añ đơs ngan mơ bol mê, lài mơ tŭ gơs Abraham, Añ neh gơs mơ gam gơs sùm sùm.”