Jang 12:50 - Sră Goh 2018

⁵⁰ Añ git lah gơnoar sồr Kơnràñ dê la bơta kis gam sùm sùm. Behơ̆, ală jơnau Añ đơs, gen Añ đơs tòm toh be Bèp neh nting sồr.”

Jang 12:50 ပူးပေါင်းရင်းမြစ်များ

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jang 5:19

Behơ̆, Yàng Jesu đơs mơ bol khai lah: “Di ngan, di ngan, Añ đơs mơ bol mê, Kòn ò rgơi lơh is bơta lơi, mìng lơh bơta Kòn gŏ Bèp lơh; bơh bơta lơi Bèp lơh gen Kòn kung lơh behơ̆ sơl.

Jang 6:63

Hơ̆ la hwềng ai bơta kis, poac să ò kwơ dô êt lơi. Ală jơnau Añ neh đơs mơ bol mê hơ̆ la hwềng mơ bơta kis.

Jang 6:68

Simôn Pier ho Kơnràñ lah: “Ơ Kơnràñ, bol hi rơp lòt jat ñcau taih? Kơnràñ gơs ală jơnau bơta kis gam sùm sùm dê.

Jang 8:28

Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.

Yal Wơl 18:18

Añ rơp bơtào tơngguh bol khai in dô nă cau gơnoar hwơr tòm toh kung be mê bơh digùl ală oh mi bol khai dê; Añ rơp ơn ală jơnau đơs Añ jê tòm bơr khai dê, mơ khai rơp yal bol khai in kòp jơnau Añ sồr khai.

I Timôthe 1:16

Mơya añ neh geh Yàng kòñ nđàc, tồ Yàng Krist Jesu in yal tơlik bơta kong ơt wil tơl Kơnràñ dê tòm añ la cau glài kơnjơ̆ rlau jơh, nàng lơh krơh ală cau in rơp dòn Kơnràñ tồ geh bơta kis gam sùm sùm.

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.