Jang 12:32 - Sră Goh 2018

³² Ai Añ, tòm tŭ Añ geh yồng hơđang bơh di ù, Añ rơp hwài tơl nă cau tus hơ Añ.”

Jang 12:32 ပူးပေါင်းရင်းမြစ်များ

II Samuel 18:9

Nisơna Apsalôm tìp mơ ală cau duh broă Dabit dê, Apsalôm hào alàng khai dê, mơ tòm tŭ alàng ntoat hơđơm ală ntê tòm chi cha, bồ Apsalôm dê gơkwă di ntê chi, mơ khai gơyồng hơđang pah wah trồ mơ ù; tòm tŭ alàng hơđơm khai kư̆ ntoat.

Đơs Chò 1:4

Hwài tĕ añ jat mê; bol he ntoat sơrbac sơrbang lă. Cau bơtau neh cèng añ mut tòm ơdŭ khai dê. Bol he rơp hòn chò hừh hơh mơ mê; Bol he rơp jòng ro bơta kòñ gơboh mê dê bơkah rlau mơ tơrnòm. Ală cau ơruh dềt kòñ gơboh mê la song ngan.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Sră Ôse 11:4

Añ neh tề lam bol khai mơ che lơbơn niam kòn mơnus dê, mơ che kòñ gơboh; Añ neh tă yô bơh di ngko bol khai dê mơ kun tơmù nàng siam bol khai.

Khà Làng Bol 21:9

Behơ̆ Môise lơh gơs dô nơm bơs mơ kòng yồng hơđang dô nơm jrong. Gen tòm tŭ cau lơi neh bơs kap mơ tơnggòr sền di bơs kòng gen khai geh kis.

Jang 1:7

Khai lòt tus nàng lơh cơng bơh bơta àng, tồ bơh khai gen jơh ală cau rgơi dòn.

Jang 12:34

Mpồl làng bol đơs lah: “Bol hi neh kơno bơta boh lam đơs Bơtau Krist gam gơs sùm sùm, behơ̆ ñchi bơh tài ồng đơs lah Kòn Mơnus pal kong yồng hơđang taih? Kòn Mơnus hơ̆ la ñcau taih?”

Jang 18:32

Bơta do gơlik di ngan be jơnau Yàng Jesu neh đơs, nàng sơnio Kơnràñ pal kong chơt be lơi.

Jang 19:17

Yàng Jesu tui chi pơng lòt tus hơ Dòr Ntìng Bồ, jơnau Hebrơ sơnđan la Gôgôtha.

Jang 3:14

Be Môise yồng bơs tòm ƀlàng bràs be lơi, gen Kòn Mơnus kung pal kong yồng behơ̆ sơl,

Jang 6:44

Dilah Bèp, la Bơtau sồr Añ lòt tus, ò hwài tus, gen ò gơs cau lơi rgơi lòt tus hơ Añ, mơ Añ rơp lơh cau hơ̆ in kis wơl tòm ngai lồi dut.

Jang 8:28

Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

I Timôthe 2:6

Kơnràñ neh phi să lơh gơs phan ơn tơwài glài tơl nă cau in, hơ̆ la bơta gơs cơng tàng neh geh ràng tơlik tòm toh di tơngai pơgon.

Hebrơ 2:9

Mơya bol he gŏ Yàng Jesu, la Bơtau kong tơnliah hơđơm cau gơnrơh dô êt jŏ, bơh bơta nđàc Yàng Tom Trồ dê mơ Kơnràñ kong chơt tơl nă cau in. Tŭ do bol hi sền gŏ Kơnràñ geh tơndau sơgơn bơtau gơklŏ mơ ryŭ ryơm, tài bơh neh kong bòl glar bơh bơta chơt.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,