Jang 12:28 - Sră Goh 2018

²⁸ Ơ Bèp, dan lơh tĕ gơklŏ sơnđan Bèp.” Tŭ hơ̆ gơs jơnau bơh đang trồ đơs lah: “Añ neh lơh gơklŏ sơnđan rau, mơ Añ rơp lơh gơklŏ tai.”

Jang 12:28 ပူးပေါင်းရင်းမြစ်များ

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 11:26

Ngan behơ̆, ơ Bèp, bơh hơ̆ la nùs kòñ Bèp dê.

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 26:42

Kơnràñ lòt dơ̆ bàr tai mơ hòi dan lah: “Ơ Bèp, dilah mơngàn do ò rgơi klàs bơh di Kòn, mơ Kòn pal hùc, gen dan nùs kòñ Bèp gơs di.”

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Jơnau Niam Jat Mak 1:11

Mơ gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Jơnau Niam Jat Mak 14:36

Kơnràñ đơs lah: “Aba, ơ Bèp, jơh ală bơta Bèp rgơi lơh gơs lơm, dan Bèp tă mơngàn jê sồt do bơh di kòn; bulah behơ̆ ò di jat nùs kòñ kòn dê mơya jat nùs kòñ Bèp dê.”

Jơnau Niam Jat Mak 9:7

Tŭ hơ̆, gơs dô puk mhwal jơm gòm bol khai, mơ bơh tòm mhwal hơ̆ gơs jơnau đơs lah: “Do la Kòn kòñ gơboh Añ jê iat tĕ khai.”

Luka 3:22

Yàng Hwềng Goh ai rùp să be sềm ntòp rơp hơđang Kơnràñ, gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Luka 9:35

Gơs jơnau bơh tòm mhwal đơs lah: “Do la Kòn kòñ gơboh Añ jê, cau geh sac rwah Añ jê iat tĕ Khai.”

Jang 11:4

Mơya tòm tŭ Yàng Jesu kơno jơnau hơ̆ gen đơs lah: “Bơta kòp jê do ò gơs chơt ò, mơya la bơh bơta gơklŏ Yàng Tom Trồ dê, tồ bơh bơta hơ̆ mơ Kòn Yàng Tom Trồ in geh gơklŏ.”

Jang 18:11

Behơ̆ Yàng Jesu đơs mơ Pier lah: “Srồm tĕ đào mê tòm sơmprồm; mơngàn mơ Bèp neh ai Añ in, Añ ò di ñô ò ơ?”

Jang 9:3

Yàng Jesu ho lah: “Hơ̆ ò di tài bơh cau do hala mè bèp khai neh tìs glài ò, mơya nàng ală broă Yàng Tom Trồ dê geh yal tơlik tòm khai.

Ephesô 2:7

tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

Ephesô 3:21

dan Kơnràñ in geh gơklŏ tòm Hìu Jum Goh mơ tòm Yàng Krist Jesu, tòm jơh ală rài gam sùm sùm ò lồi. Amen.

II Pier 1:17

Bơh Kơnràñ neh dòp geh bơta màng ryŭ mơ bơta gơklŏ bơh Yàng Tom Trồ la Bèp, mơ gơs jơnau bơh tiah gơklŏ jòng ngan đơs mơ Kơnràñ lah: “Do la Kòn kòñ gơboh Añ jê, niam nùs Añ tòm ală bơta,”