Jang 12:27 - Sră Goh 2018

²⁷ “Tŭ do hwềng soàn Añ moat jrùng. Ñchi Añ rơp đơs taih? ‘Ơ Bèp, dan dong Añ klàs bơh di jơ do.’ Mơya kung bơh jơ do tàng Añ neh lòt tus.

Jang 12:27 ပူးပေါင်းရင်းမြစ်များ

Đơs Crih 6:3

Hwềng soàn añ kung gơdơrcul oă ngan. Ơ Yàng Jehôwa, Kơnràñ gơn jơl tus di tŭ lơi taih?

Đơs Crih 88:3

Bơh hwềng soàn añ gơs bềng bơta bòl glar, Bơta kis añ tus rềp di lơgar Làng ƀồc.

Esai 38:15

Mơya, ñchi añ rgơi đơs taih? Bơh Kơnràñ neh đơs mơ añ, mơ să tòm Kơnràñ neh lơh bơta do. Bơta bic añ jê neh dô jơh, tài bơh bơta sràt bơtang tòm hwềng soàn añ.

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 11:26

Ngan behơ̆, ơ Bèp, bơh hơ̆ la nùs kòñ Bèp dê.

Mathiơ 26:42

Kơnràñ lòt dơ̆ bàr tai mơ hòi dan lah: “Ơ Bèp, dilah mơngàn do ò rgơi klàs bơh di Kòn, mơ Kòn pal hùc, gen dan nùs kòñ Bèp gơs di.”

Mathiơ 26:45

Gen Kơnràñ rê wơl mơ ală cau bơtê mơ đơs lah: “Tŭ do gam bic lơhă mơ rlô ơ? Do, jơ neh tus rềp, Kòn Mơnus rơp gơkòl bơtào tòm tê ală cau glài.

Luka 22:44

Tòm bơta jê sồt bòl glar ngan Kơnràñ hòi dan sơlo rac ròc, kơlhề gơlik gơs be ntòc mhàm dờng rung di tiah.]

Luka 22:53

Kòp ngai Añ ơm mơ bol mê tòm hìu duh khoai, mơ bol mê ò ai tê nàng kup Añ. Mơya do la jơ bol mê dê mơ gơnoar bơta klam jơngo dê.”

Jang 11:41

Behơ̆, bol khai pơrlă pơnai lŭ. Yàng Jesu tơnggòr hơđang mơ đơs lah: “Ơ Bèp, Añ ưnngài Bèp, bơh neh dòp jơnau Añ.

Jang 12:23

Yàng Jesu ho lah: “Jơ Kòn Mơnus pal geh gơklŏ neh tus rau.

Jang 13:21

Tòm tŭ Yàng Jesu neh đơs behơ̆ rau, gen hwềng nùs Kơnràñ dơrcul, mơ Kơnràñ lơh cơng lah: “Di ngan, di ngan, Añ đơs mơ bol mê, dô nă cau tòm bol mê rơp pơrlơ̆ dră dê Añ.”

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.