Jang 12:26 - Sră Goh 2018

²⁶ Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 12:26 ပူးပေါင်းရင်းမြစ်များ

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 91:15

Tòm tŭ khai hòi dan di Añ, gen Añ rơp dòp jơnau khai dê; Añ rơp ơm bal mơ khai tòm tŭ khai tìp bơta bòl glar, Añ rơp dong tă khai mơ lơh khai in geh jòng ro.

Jơnau Pơnđik 27:18

Cau lơi sền gàr chi ƀal, rơp sa plai gơ; mơ cau lơi duh broă cau tòm he ngan geh jòng ro.

Khà Làng Bol 14:24

Mơya tài bơh cau duh broă Añ jê la Kalep gơs hwềng nùs krơi is mơ jơh nùs lòt jat Añ, Añ rơp cèng khai mut tòm lơgar mơ khai neh lòt tus, mơ kòn sau khai rơp dòp geh lơgar hơ̆ lơh gơs sre brê.

Khà Làng Bol 32:11

‘Tài bơh bol khai ò jơh nùs lòt jat Añ, gen ò gơs dô nă cau klau lơi bàr jơt nam hala dờng rlau neh lik bơh di Ejiptơ rơp gŏ ù tiah mơ Añ neh srat să ho nền ai Abraham, Isak mơ Jakôp in

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mathiơ 25:21

Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.’

Jơnau Niam Jat Mak 8:34

Chòp Kơnràñ hòi mpồl làng bol bal mơ cau bơtê tus mơ đơs lah: “Dilah cau lơi jat Añ, gen pơndang sang tĕ să he, tui chi pơng he mơ jat Añ.

Luka 12:37

Lơngai ală cau dĭ gơna hơ̆ in, dơ̆ cau tòm rê, gŏ bol khai ơm drơng kơp! Di ngan Añ đơs mơ bol mê, cau tòm rơp kơt but he, ai bol khai in nggui, mơ tus duh broă bol khai in.

Luka 6:46

Ñchi bơh tài bol mê hòi sơnđan Añ la ‘Yàng, Yàng!’ mơ ò lơh jat jơnau Añ sồr taih?

Luka 9:23

Chòp Kơnràñ đơs mơ tơl nă cau lah: “Dilah cau lơi kòñ jat Añ, gen pơndang sang tĕ să he, kòp ngai tui chi pơng he dê mơ jat Añ.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 13:16

Di ngan, di ngan, Añ đơs mơ bol mê, cau dĭ ò di dờng rlau mơ cau tòm, cau geh sồr lòt kung ò dờng rlau mơ bơtau sồr khai lòt.

Jang 14:15

“Dilah bol mê kòñ gơboh di Añ, gen rơp prap gàr ală bơta sồr lam Añ jê.

Jang 14:3

Tŭ Añ lòt mơ rcang lài bol mê in dô bă tiah rau, gen Añ rơp rê wơl nàng rò bol mê rê bal mơ Añ, tồ Añ ơm tiah lơi gen bol mê kung ơm bal tềng hơ̆ sơl.

Jang 15:20

Kah tĕ jơnau Añ neh đơs mơ bol mê: ‘Cau dĭ ò dờng rlau mơ cau tòm.’ Dilah bol khai neh kup kơryan Añ, gen kung rơp kup kơryan bol mê sơl; dilah bol khai neh prap gàr jơnau Añ, gen kung rơp prap gàr jơnau bol mê sơl.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 21:22

Yàng Jesu đơs lah: “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă di mê taih? Ai mê, jat tĕ Añ.”

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

II Kôrintô 5:8

Behơ̆ gen bol he kơ̆ nùs sùm, chan kòñ sang lòi să jan do nàng ơm mơ Yàng gen niam rlau.

Galati 1:10

Ai tŭ do, añ jòi bơta nàng lơh niam nùs kòn mơnus hala lơh niam nùs Yàng Tom Trồ taih? Añ kòñ lơh niam nùs kòn mơnus ơ? Dilah añ gam kòñ lơh niam nùs kòn mơnus, gen añ ò di la dĭ gơna Bơtau Krist dê ò.

Philip 1:23

Añ kòl gơjơlềt bơh bàr đah, kòñ lòt ơm bal mơ Bơtau Krist la bơta niam rlau,

Kôlôse 3:24

Bơh git lah oh mi rơp bơh Yàng mơ dòp sre brê lơh gơs phan ƀàn, tài bơh oh mi kung duh broă Yàng Krist sơl.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

I Jang 5:3

Kòñ gơboh dê Yàng Tom Trồ hơ̆ la bol he prap gàr ală bơta sồr lam Kơnràñ dê; bơta sồr lam Kơnràñ di ò di la kơnjơ̆.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.