Jang 11:55 - Sră Goh 2018

⁵⁵ Bơta pơjum sa Lòt Gan làng bol Juda dê mòr di. Gơs oă cau bơh ală ƀòn dềt guh hơ ƀòn dờng Jerusalem nàng lơh sàng goh lài mơ bơta pơjum sa.

Jang 11:55 ပူးပေါင်းရင်းမြစ်များ

Sơnròp Gơlik Gơs 35:2

Gen Jakôp đơs mơ hìu nhă khai dê mơ jơh ală cau lòt bal mơ khai lah: “Tơlik sang tĕ ală yàng ndai bơh digùl ală bol mê, lơh bol mê in gơs sàng goh mơ bơsoh ào.

Sră Jop 1:5

Tòm tŭ ală ngai ñô sa hơ̆ neh tơl wềr bol khai dê rau, Jop sồr cau lòt rcang nàng lơh sàng goh bol khai in, khai guh gòñ bơh àng drim, mơ ơn ală phan chu duh khoai jat be khà jơh ală kòn khai dê, bơh Jop neh đơs lah: “Digơlan ală kòn añ jê neh tìs glài, mơ tòm nùs bol khai srat rma di Yàng Tom Trồ mòn!” Hơ̆ la bơta Jop òs lơh behơ̆ sùm.

Đơs Crih 26:6

Ơ Yàng Jehôwa, añ rào tê añ jê tòm tŭ añ ò gơs glài, Mơ añ lòt gùt dar cơnòng duh khoai Kơnràñ dê.

Lik Ejiptơ 19:10

Yàng Jehôwa đơs mơ Môise lah: “Lòt tĕ tus hơ làng bol mơ lơh bol khai in sàng goh ngai do mơ ngai hìng. Sồr bol khai pìh ồi ào bol khai dê,

Khà Làng Bol 9:10

“Đơs tĕ mơ cau Israel lah: Tòm tŭ cau lơi tòm bol mê hala kòn sau bol mê dê gơlik ò goh tài bơh gơs cau chơt hala gam lòt gùng, bol khai rgơi pơjum sa Ngai Lòt Gan Yàng Jehôwa dê.

Khà Làng Bol 9:6

Mơya gơs cau ƀà tòm bol khai ò rgơi pơjum sa Ngai Lòt Gan tòm ngai hơ̆ tài bơh bol khai neh gơlik ò goh bơh gơs cau chơt. Behơ̆ tòm ngai hơ̆ bol khai lòt tus mơ Môise mơ Arôn

Mathiơ 26:1

Tơnơ̆ tŭ Yàng Jesu neh bơto ală jơnau hơ̆ rau, gen đơs mơ ală cau bơtê lah:

Mathiơ 26:2

“Bol mê git lah gam bàr ngai tai, gen tus di bơta pơjum sa Lòt Gan, mơ Kòn Mơnus rơp gơkòl bơtào nàng pơng di chi pơng.”

Jơnau Niam Jat Mak 14:1

Bàr ngai lài mơ bơta pơjum sa Lòt gan mơ bơta pơjum sa piang lă ò gơs kañ, ală cau gơnoar lam bồ ơn phan duh khoai bal mơ ală cau bơto bơta boh lam jòi kai gơrmơ̆i nàng kup mơ tơnchơt Yàng Jesu.

Luka 22:1

Bơta pơjum sa piang lă ò gơs kañ, hơ̆ la bơta pơjum sa Lòt Gan, mòr tus.

Jang 12:1

Prau ngai lài mơ bơta pơjum sa Lòt Gan, Yàng Jesu lòt tus hơ Bethani la tiah Lasarơ ơm, la cau mơ Kơnràñ neh hòi kis wơl bơh bơta chơt.

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 18:28

Behơ̆ bol khai lam Yàng Jesu bơh hìu Kaiphe lòt tus hơ hìu cahrña. Tŭ hơ̆ la àng drim. Să tòm bol khai ò mut tòm hìu cahrña, rngòt kòl bơta ƀơ̆ ƀơl mơ ò geh pơjum tòm bơta pơjum sa lòt gan.

Jang 2:13

Bơta pơjum sa Lòt gan làng bol Juda mòr di, Yàng Jesu guh hơ Jerusalem.

Jang 2:6

Tềng hơ̆ gơs prau nơm yang lŭ dờng nàng ngui tòm bơta lơh sàng goh cau Juda dê, kòp nơm ơn pơgap dô rhiang lit dà.

Jang 5:1

Tơnơ̆ mơ hơ̆, tòm dô bơta pơjum sa làng bol Juda dê, Yàng Jesu guh hơ Jerusalem.

Jang 6:4

Tŭ hơ̆, bơta pơjum sa Lòt Gan la dô bơta pơjum sa làng bol Juda dê mòr di.

Broă 21:24

cèng tĕ poan nă cau hơ̆ lòt, lơh bơta sàng goh bal mơ bol khai, mơ kong ai jền bol khai in koah sŏ. Behơ̆ gen, tơl nă cau rơp git lah ală bơta bol khai neh kơno pơnro bơh bi la ò ngan, mơya git lah să tòm bi kung prap gàr bơta boh lam sơl.

Broă 21:26

Pol cèng poan nă cau hơ̆ lòt bal, ngai tơnơ̆, lơh bơta sàng goh bal mơ bol khai rau, gen mut tòm hìu duh khoai nàng yal bol khai in git tŭ tơngai lơi bơta lơh sàng goh rơp geh wil tơl, mơ phan ơn duh khoai bơh kòp nă bol khai pal ơn.

Broă 24:18

Bol khai gŏ añ tòm tŭ neh lơh sir bơta rào goh tòm hìu duh khoai, añ ò pơjum tơrgòm mpồl làng bol hala ò lơh sơlồng sơlàng.

I Kôrintô 11:28

Behơ̆ kòp nă pal sơwì is să he, gen sồng rgơi sa piang lă mơ hùc mơngàn hơ̆.

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.

I Samuel 16:5

Samuel ho lah: “Ơi, tòm bơta lơngap lơngai. Añ tus nàng ơn phan duh khoai Yàng Jehôwa in; lơh tĕ sàng goh să tòm bol mê mơ añ tòm bơta ơn phan duh khoai.” Gen khai lơh sàng goh Jese mơ ală kòn klau khai dê mơ jà bol khai tus hơ bơta ơn phan duh khoai.