Jang 11:19 - Sră Goh 2018

¹⁹ Gen tàng oă cau Juda tus pơndòm pơniang Mathe mơ Mari bơh bi bol khai dê.

Jang 11:19 ပူးပေါင်းရင်းမြစ်များ

Sơnròp Gơlik Gơs 37:35

Jơh tơl nă kòn klau kòn ùr khai dê pơjum nàng pơndòm pơniang khai, mơya khai ò bài mơ đơs lah: “Añ kơlôi moat sùm jơl tus di tŭ añ mù tòm lơgar làng ƀồc tus mơ kòn añ!” Behơ̆ bèp Jôsep ñìm rac bơh kòn khai dê.

II Samuel 10:2

Dabit đơs lah: “Añ rơp yal tơlik bơta dòn song gơwèt mơ Hanun kòn klau Nahas, kung be bèp khai neh dòn song mơ añ.” Behơ̆ Dabit sồr ală cau ala mat khai lòt tus nàng pơndòm pơniang khai bơh bơta chơt bèp khai dê. Tòm tŭ ală cau ala mat Dabit dê neh tus tòm lơgar Ammôn,

I Yal Yau 10:12

jơh ală cau klau pràn kơldang khin cha bol khai dê ñă lòt mơ ai ƀồc Sol mơ ală kòn klau khai dê mơ cèng tus hơ Jabes. Gen bol khai chu ală ƀồc hơ̆ tòm tiah dô nơm chi cha tòm Jabes, mơ bol khai ơt sa tòm poh ngai.

Sră Jop 2:11

Mơ tai, tòm tŭ pe nă cau bơyô Jop dê, kơno jơh ală bơta bòl glar rung rài neh dùh hơđang khai, kòp nă neh lik bơh hìu he dê hơ̆ la Eliphas cau Theman, Bildat cau Sua, mơ Sôpha cau Naama. Bol khai tìp bal nàng lòt tòmpà bơta moat jrùng mơ pơndòm pơniang khai.

Sră Jop 42:11

Gen jơh ală oh mi ruh lŏ khai dê, mơ ală cau mòng git khai bơh lài lòt tus còp khai mơ sào bal mơ khai tòm hìu khai dê. Bol khai gơs dô bơta kơlôi sơnơng bal mơ pơndòm pơniang khai bơh ală bơta iơh mơ Yàng Jehôwa neh cèng tus hơđang khai; mơ kòp nă bol khai pà Jop in dô pet priă mơ dô nơm sơmbiat mơ màh.

Cau Bơto 7:2

Lòt tus hơ hìu gơs cau chơt rlau mơ lòt tus hơ hìu yò sa dờng; bơh do la bơta lồi dut kòp nă cau dê; mơ cau kis rơp ơn gơtòm nùs.

Esai 51:19

Bàr bơta rung rài do gơdùh hơđang bol mê, ñcau rgơi nđàc sơngit di bol mê taih? bơta tơrlah tơrlơm mơ bơta tơnroh, bơta jơgloh rung mơ pềs tà, ñcau rgơi pơndòm pơniang bol mê taih?

Ñìm Rac 1:16

Behơ̆ tàng añ ñìm rac; mat añ gơhòr dà mat; Bơh cau pơndòm pơniang neh ngài bơh añ, ò gơs cau lơi ai wơl bơta khin cha añ in. Kòn sau añ kong ơm is, bơh cau sò tơm neh pha rlau.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 1:21

Cau neh kơno sap añ rơnđơh, ò gơs cau pơndòm pơniang añ. Jơh ală cau sò tơm kơno añ gơtìp bơta bòl glar, bol khai chò hòp bơh Kơnràñ neh lơh behơ̆. Kơnràñ rơp cèng tus ngai Kơnràñ neh yal tơlik; mơ lòi tĕ bol khai kung rơp tòm toh be añ!

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Luka 10:39

Khai gơs dô nă oh ùr sơnđan la Mari nggui di jơng Yàng Jesu nàng iat jơnau Kơnràñ.

Luka 10:42

mơya gơs mìng dô nơm broă pal càng lơm. Mari neh sac rwah pơnah niam rlau, la pơnah ò gơs cau lơi rgơi tòmpìt bơh di khai.”

Jang 1:19

Do la jơnau lơh cơng Jang dê tòm tŭ làng bol Juda sồr ală cau gơnoar ơn phan duh khoai mơ cau Lebi bơh Jerusalem lòt tus lùp khai lah: “Ồng la ñcau?”

Jang 11:1

Gơs dô nă cau kòp jê sơnđan la Lasarơ, ơm tòm Bethani la ƀòn Mari dê, mơ bi ùr khai la Mathe.

Jang 11:31

Tòm tŭ ală cau Juda gam ơm tòm hìu bal mơ Mari nàng pơndòm pơniang khai, gŏ khai ntào sơrbac sơrbang lik lòt, gen lòt jat, bơh kơlôi lah: Khai lòt tus hơ bơtô nàng ñìm.

Jang 11:33

Yàng Jesu gŏ Mari ñìm, mơ ală cau Juda lòt bal mơ khai kung ñìm sơl, gen tòm nùs jê sồt mơ rngoh rngac,

Jang 11:36

Tài behơ̆ ală cau Juda đơs lah: “Sền ne, khai kòñ gơboh di cau hơ̆ ò git lơh!”

Jang 11:45

Oă cau Juda neh tus hơ Mari mơ gŏ bơta Yàng Jesu neh lơh, gen dòn Kơnràñ.

Jang 11:8

Ală cau bơtê đơs lah: “Ơ Rabi, cau Juda jòi nàng cơm lŭ dê Cau Bơto, mơ tŭ do ñchi bơh tài Cau Bơto kòñ rê wơl tềng hơ̆ taih?”

Rôma 12:15

Chò tĕ bal mơ cau chò, ñìm tĕ bal mơ cau ñìm.

II Kôrintô 1:4

Kơnràñ pơndòm pơniang bol hi tòm jơh ală bơta bòl glar bol hi dê, tồ bơh bơta pơndòm pơniang mơ Yàng Tom Trồ neh pơndòm pơniang bol hi, gen bol hi kung rgơi pơndòm pơniang cau ndai tòm bơta bòl glar lơi bol khai tìp sơl.

I Tesalônika 4:18

Behơ̆ gen, oh mi ai tĕ jơnau hơ̆ nàng pơndòm pơniang bal mơ gơp.

I Tesalônika 5:11

Gen tàng oh mi pơndòm pơniang bal mơ gơp, bơt bơtào bal mơ gơp, kung be oh mi òs lơh.

I Samuel 31:13

Gen bol khai ai ală ntìng ƀồc bol khai dê mơ tơp di tòm chi nho rề tòm Jabes, mơ bol khai ơt sa tòm poh ngai.