Jang 1:34 - Sră Goh 2018

³⁴ Añ neh gŏ mơ lơh cơng lah, hơ̆ la Kòn Yàng Tom Trồ dê.”

Jang 1:34 ပူးပေါင်းရင်းမြစ်များ

Đơs Crih 2:7

Añ rơp yal tơlik bơta lơh nền Yàng Jehôwa đơs mơ Añ lah: “Mê la Kòn Añ jê, ngai do Añ neh tơnggơs mê.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 16:16

Simôn Pier ho lah: “Kơnràñ la Bơtau Krist Kòn Yàng Tom Trồ gam kis sùm.”

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 26:63

Mơya Yàng Jesu ơm mŏ mŏ. Cau gơnoar dờng lam bồ ơn phan duh khoai đơs mơ Kơnràñ lah: “Añ sồr mê sơnio Yàng Tom Trồ gam kis sùm, srat să mơ yal tĕ bol hi in, mê ngan la Bơtau Krist, Kòn Yàng Tom Trồ dê ơ?”

Mathiơ 27:40

mơ đơs lah: “Mê la cau sòr tơrlah hìu duh khoai mơ bơtào gơs wơl tòm pe ngai, dong klàs tĕ să tòm mê! Dilah mê la Kòn Yàng Tom Trồ, mù tĕ bơh chi pơng.”

Mathiơ 27:43

Khai dòn kơnòm di Yàng Tom Trồ; dilah Yàng Tom Trồ kòñ gơboh Khai, gen tŭ do lòi tĕ Kơnràñ dong klàs Khai, bơh Khai neh đơs lah: ‘Añ la Kòn Yàng Tom Trồ.’”

Mathiơ 27:54

Cau at dô rhiang ling bal mơ ală cau ling kơp gàr Yàng Jesu, gŏ ù gơlơnggơr mơ ală bơta neh gơlik gơs, gen rngòt rngơt oă ngan mơ đơs lah: “Ngan, Cau do la Kòn Yàng Tom Trồ.”

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Mathiơ 4:3

Gen cà ràk la cau ơniai tus đơs mơ Kơnràñ lah: “Dilah Kơnràñ la Kòn Yàng Tom Trồ dê, gen sồr tĕ ală lŭ do gơlik gơs piang lă.”

Mathiơ 4:6

mơ đơs lah: “Dilah Kơnràñ la Kòn Yàng Tom Trồ dê, ntruñ tĕ. Bơh gơs jơnau cih lah: ‘Bơh mê Yàng rơp ai gơnoar sồr ală cau gơnrơh Kơnràñ dê, Bol khai rơp đo mê tòm mpàng tê, Rngòt jơng mê gơtup di lŭ mòn.’”

Mathiơ 8:29

Chòp bol khai hòi driau lah: “Ơ Kòn Yàng Tom Trồ, gơs ñchi jơnau digùl bol hi mơ Kơnràñ taih? Kơnràñ tus nàng lơh bòl glar bol hi lài mơ tŭ tus di tơngai lơh nền ơ?”

Jơnau Niam Jat Mak 1:1

Bơta rơp sơntòm Jơnau Niam Yàng Jesu Krist dê, la Kòn Yàng Tom Trồ.

Jơnau Niam Jat Mak 1:11

Mơ gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Luka 3:22

Yàng Hwềng Goh ai rùp să be sềm ntòp rơp hơđang Kơnràñ, gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

Jang 1:49

Nathanael ho lah: “Rabi, Cau Bơto la Kòn Yàng Tom Trồ, Kơnràñ la Bơtau làng bol Israel dê!”

Jang 10:30

Añ mơ Bèp la dùl.”

Jang 10:36

gen Añ do, la Bơtau Bèp neh ơn is sàng goh mơ sồr lòt tus tòm dunnia, ñchi bơh tài bol mê đơs Añ đơs tràl sơrbil tòm tŭ Añ đơs lah: ‘Añ la Kòn Yàng Tom Trồ,’ dê taih?

Jang 11:27

Mathe ho lah: “Ơi, ơ Yàng, añ dòn lah Yàng la Bơtau Krist, Kòn Yàng Tom Trồ, Bơtau pal tus tòm dunnia.”

Jang 19:7

Cau Juda ho lah: “Bol hi gơs dô bơta boh lam, jat bơta boh lam hơ̆ khai pal chơt, tài bơh khai neh sơnđan is să khai la Kòn Yàng Tom Trồ.”

Jang 20:28

Thôma ho lah: “Khoai Yàng añ mơ Yàng Tom Trồ añ!”

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jang 6:69

Bol hi neh dòn mơ git lah, Kơnràñ la Bơtau sàng goh Yàng Tom Trồ dê.”

Rôma 1:4

jat hwềng bơta sàng goh dê, Kơnràñ geh ràng tơlik tòm gơnap gơnoar dờng ngan, geh kòp la Kòn Yàng Tom Trồ dê tòm bơta kis wơl bơh bơta chơt.

II Kôrintô 1:19

Bơh Kòn Yàng Tom Trồ la Yàng Jesu Krist mơ bol hi, hơ̆ la añ mơ Silwan mơ Timôthe, neh bơto yal digùl oh mi, ò di đơs ƀà di ƀà ò; mơya tòm Kơnràñ mìng gơs bơta di lơm.

Hebrơ 7:3

Khai ò gơs bèp, ò gơs mè, ò gơs jơi bơtiàn, ò gơs ngai deh, ò gơs ngai chơt, gen kung be Kòn Yàng Tom Trồ dê, khai kư̆ lơh gơs cau gơnoar ơn phan duh khoai gam sùm sùm.

I Jang 2:23

Cau lơi ò dòp Yàng Kòn, gen kung ò gơs Yàng Bèp; cau lơi dòp Yàng Kòn gen kung gơs Yàng Bèp sơl.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

I Jang 4:9

Bơta kòñ gơboh Yàng Tom Trồ dê neh geh ràng tơlik bol he in tòm bơta do: Yàng Tom Trồ neh sồr Kòn Dùl Kơnràñ dê lòt tus tòm dunnia, nàng bol he in kơnòm di Kơnràñ mơ geh kis.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.

Yal Tơlik 2:18

“Cih tĕ cau gơnrơh Hìu Jum Goh Thiatirơ in lah: Do la ală jơnau đơs Kòn Yàng Tom Trồ dê, la Bơtau gơs gar mat be lơmpiat ồs, mơ jơng Kơnràñ gơlơh be kòng àng goh: