Jakơ 5:7 - Sră Goh 2018

⁷ Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.

Jakơ 5:7 ပူးပေါင်းရင်းမြစ်များ

Jeremi 5:24

Bol khai ò đơs tòm nùs lah: ‘Bol he duh rngòt tĕ Jehôwa Yàng Tom Trồ he Hơ̆ la Bơtau ai mìu jat kơnhai sơnam Ai mìu bồ sơnam mơ mìu lồi sơnam, Mơ prap gàr bol he in Prap lòi ală poh lơh nền kơnhai toès in.’

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Sacari 10:1

Dan tĕ Yàng Jehôwa dùh mìu tòm kơnhai bơkào chi che; Yàng Jehôwa la Bơtau lơh gơs ală mhwal càl rbut. Kơnràñ dùh mìu dờng ală bol mê in, mơ ai biap hòn tòm ƀlàng kòp nă cau in.

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Mathiơ 24:27

Tài bơh kung be puhlèp bơh đah mattơngai lik àng gơcrà tus hơ đah mattơngai mut be lơi, gen Kòn Mơnus tus wơl kung rơp behơ̆ sơl.

Mathiơ 24:44

Behơ̆ gen bol mê kung pal rcang kơp tĕ, bơh Kòn mơnus tus tòm jơ bol mê ò kơlôi.”

Luka 18:8

Añ đơs mơ bol mê, Kơnràñ rơp mhar cahrña song ring bol khai in. Bulah behơ̆, tòm tŭ Kòn Mơnus tus, rơp jòi bàn bơta dòn hơđang ù sơl ơ?”

Luka 21:27

Tòm tŭ hơ̆, cau rơp gŏ Kòn Mơnus ai gơnap gơnoar dờng mơ bơta gơklŏ ryŭ ryơm ơm tòm mhwal mơ tus.

Luka 8:15

Ai gar sơntìl ơm di ù niam la ală cau kơno jơnau Yàng, gen ai nùs song mơ lơbơn niam nàng prap gàr, ơt ơl mơ gơlik plai.

Jang 21:22

Yàng Jesu đơs lah: “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă di mê taih? Ai mê, jat tĕ Añ.”

Jang 21:23

Behơ̆ jơnau hơ̆ pơnro tòm ală oh mi lah cau bơtê hơ̆ rơp ò chơt. Mơya Yàng Jesu ò đơs lah cau hơ̆ rơp ò chơt ò, mơya đơs lah; “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă dê mê taih?”

Rôma 15:4

Bơh ală bơta neh cih bơh yau la cih nàng bơto sồr bol he, tồ bơh bơta kơ̆ nền mơ bơta chồl pơndòm Sră Goh dê mơ bol he geh bơta gơn kơnòm.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

I Kôrintô 1:7

nàng oh mi ò siơ̆u dô bơta ai gòi lơi đah hwềng, tòm tŭ kơp gơn bơta tơlik mat Yàng Jesu Krist bol he dê.

Galati 5:5

Đah bol he bơh bơta dòn mơ kơnòm di Yàng Hwềng dong, tàng bol he kòp bơta song ring he gơn kơnòm.

Galati 6:9

Bol he bañ ruc wơl tòm bơta lơh broă niam, bơh dilah bol he ò gơplơ̆ nùs, gen tus di tŭ tơngai bol he rơp toès.

Yal Wơl 11:14

gen Kơnràñ rơp dùh mìu hơđang lơgar bol mê dê di kơnhai sơnam gơ dê, mìu tòm kơnhai jrùh nha mơ mìu tòm kơnhai bơkào chi che tồ bol mê rgơi toès prap kòi mbo, tơrnòm pa mơ mơñà bol mê dê.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

I Tesalônika 2:19

bơh bơta gơn kơnòm, bơta hòn chò mơ bơta jòng să be sơgơn bơtau di đap Yàng Jesu bol he dê tòm tŭ Kơnràñ tus wơl la ñchi taih? Ò di la oh mi ò ơ?

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

Hebrơ 6:15

Behơ̆, Abraham neh kong ơt kơp gơn jŏ jòng, gen tàng khai dòp geh jơnau Yàng Tom Trồ neh ho pơgon.

Jakơ 4:11

Ơ oh mi, bañ đơs joh di gơp. Cau lơi đơs joh di oh mi he hala cahrña di oh mi he, hơ̆ la đơs joh di bơta boh lam, mơ cahrña di bơta boh lam. Mơya dilah mê cahrña di bơta boh lam gen mê ò di la cau lơh jat, mơya la cau cahrña di bơta boh lam.

Jakơ 5:10

Ơ oh mi, kah tĕ ală cau gơnoar hwơr neh ai sơnđan Yàng mơ đơs, đòm krơh tĕ bol khai neh kong ơt tòm bơta kong bòl glar jê sồt.

Jakơ 5:3

Màh priă bol mê dê è sa rau, è sa hơ̆ rơp lơh cơng tòmsò mơ bol mê, gơ rơp sa poac bol mê dê kung be ồs sa behơ̆ sơl. Bol mê neh tơrgòm prap ală phan màng ală ngai lồi dut in.

II Pier 3:4

mơ đơs lah: “Ntềng đah jơnau ho pơgon bơh bơta Yàng tus wơl taih? Bơh di tŭ ồng pàng bol he neh bic, gen jơh ală phan kư̆ gam sùm be tòm tŭ sơnròp crơng gơs trồ tiah.”