Jakơ 5:5 - Sră Goh 2018

⁵ Bol mê neh pròng preh phan mơna mơ kơnhơl gơlềng gơlàng tòm plai ù do; bol mê neh ròng lơmă să he dê tòm ngai lơh poac.

Jakơ 5:5 ပူးပေါင်းရင်းမြစ်များ

Đơs Crih 17:14

Ơ Yàng Jehôwa, dan ngui tê Kơnràñ dong tă añ klàs bơh di kòn mơnus, klàs bơh di kòn mơnus la cau gơs pơnah mìng tòm bơta kis tòm dunnia do; dan kơndul bol khai geh bềng ală phan Kơnràñ neh prap lòi bol khai in; dan kòn sau bol khai in kung dòp geh tơngkah tơngkañ, mơ lòi wơl ală pơnah gam tơngkah rài tơnơ̆ in.

Đơs Crih 73:7

Să jan lơmă bol khai dê bềng bơta iơh bơsak, Nùs bol khai dê bềng lìu bơta kơlôi sơnơng blac pơrlồm.

Jơnau Pơnđik 17:1

Chan mìng dô pet piang lă ro mơ gơs bơta gơtòmsòr bal, Niam rlau mơ hìu bềng bơta ñô sa mơ tòmlah tòm pơndang bal.

Jơnau Pơnđik 7:14

Añ gơs phan ơn pơdơng kah bơta nđàc; Ngai do añ neh tơm sir bơta srat să añ.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Esai 22:13

Mơya ngan, gơs bơta hòn chò mơ ñô sa chò hòp, sreh kơnrồ mơ tơnchơt belàt, sa poac mơ ñô tơrnòm! Bol mê đơs lah: “Bol he sa ñô tĕ, bơh ngai hìng bol he rơp chơt!”

Esai 3:16

Yàng Jehôwa đơs lah: “Tài bơh ală kòn ùr Siôn dê pơnhừ să, pò jòng ngko mơ lik lòt, lơngoh lơngeh sơrkềng gar mat jà pơndòm. Yuơt să tòm tŭ bol khai cơnđòa lòt, lơh ntas kòng di jơng.

Esai 47:8

Gen tàng tŭ do iat tĕ bơta do, ơ bol ai la cau kòñ bơta niam nùs; la cau nggui ơm lơngai lơngò, mơ đơs is lah: “Añ do, rlau mơ añ ò gơs cau lơi ndai tai! Añ rơp ò tŭ lơi ơm bơnrau, hala git bơta roh kòn.”

Esai 56:12

Bol khai đơs lah: “Tus tĕ, lòi añ ai tơrnòm! Bol he ñô bơñul tĕ mơ tơrnòm pràn! Ngai hìng kung be ngai do, mơ sơlo oă rlau tai.”

Jeremi 12:3

Khoai Yàng Jehôwa, Kơnràñ git añ! Kơnràñ gŏ añ, lòng sền añ, nùs añ gơwèt hơ Kơnràñ. Dan hwài bol khai kung be belàt kong tề tus hơ tiah tơnchơt, Ơn is bol khai tòm ngai tơnchơt in.

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Ejekiel 16:49

Do la bơta tồi glài oh ùr ai dê la Sôdôm: Khai mơ ală kòn ùr khai dê pơnhừ să, jròk ñô sa, mơ ò git kơlôi bơh cau lơi; bol khai ò dong kòl ală cau rƀah lơòi mơ siơ̆u siar.

Ejekiel 39:17

Ai mê, ơ kòn mơnus, Jehôwa Yàng Tom Trồ đơs be do: ‘Đơs tĕ mơ jơh ală jơi sềm mơ jơh ală jơi phan poan jơng tòm brê lah: Pơjum tơrgòm bal tĕ mơ tus bơh jơh ală đah gùt dar, tus hơ phan ơn mơ Añ rcang yò sa bol mê in, hơ̆ la dô nơm phan ơn yò sa dờng hơđang ală mơnơm Israel dê. Tềng hơ̆ bol mê rơp sa poac mơ hùc mhàm.

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Luka 16:19

“Gơs dô nă cau pas sơm ne soh ào gur mơ bài che dơmài lơbơn, kòp ngai ngui sa pròng preh sih sàc.

Luka 16:25

Mơya Abraham đơs lah: ‘Ơ kòn, kah tĕ tòm tŭ gam kis, mê neh dòp geh ală bơta niam mê dê rau, ai Lasarơ neh kong ală bơta iơh; tŭ do khai ơm tềng do geh pơndòm pơniang, ai mê gen kong pơnjê pơngkồr.

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

I Timôthe 5:6

Mơya cau ùr bơnrau lơi kòñ kơnhơl gơlềng gơlàng, gen bulah kis mơya kung be chơt.

II Timôthe 3:4

pơrlơ̆ dră di oh mi bơyô, mhar gơhào nùs, jòng is să he, kòñ gơboh bơta kơnhơl lềng rlau mơ bơta kòñ gơboh di Yàng Tom Trồ,

II Pier 2:13

bol khai kong bòl glar jê sồt bơh broă ò song ring bol khai dê. Bol khai hừh nùs tòm bơta ñô sa kơnhơl gơlềng gơlàng tòm trồ ngai; bol khai la tềl ƀơ̆ ƀơl ngkòr ngkàc, ai lơh chò hòp tòm bơta blac pơrlồm tòm tŭ ñô sa khat gơboh bal mơ oh mi.

Jude 1:12

Ală cau hơ̆ la tềl ƀơ̆ ƀơl tòm bơta pơjum sa kòñ gơboh oh mi dê, bol khai kư̆ ñô sa rui ràm khat gơboh bal mơ gơp dô bă ò rngòt, bol khai mìng siam is să he; bol khai kung be mhwal ò gơs dà, jat càl pơrdô tềng do tềng dă; kung be chi di di kơnhai plai mơya gơ ò gơs plai, bàr dơ̆ chơt, gơlừ ryas.

Yal Tơlik 18:7

Khai neh jòng is să he mơ lơh gơlềng gơlàng kàr lơi, gen lơh tĕ di khai jê sồt bòl glar mơ ñìm rac kàr hơ̆ sơl. Bơh tòm nùs khai kơlôi lah: ‘Añ nggui hơđang sơbàn bơtau ùr, añ ò di la cau ùr bơnrau, añ rơp ò gơs tŭ lơi gŏ bơta ñìm rac ò.’

I Samuel 25:36

Tòm tŭ Abigail rê tus hơ Nabal; Nabal bơñul oă ngan, ơm ñô sa tòm hìu khai dê be bơta ñô sa dờng cau bơtau dê. Nùs Nabal dê hòn chò ngan tòm khai. Behơ̆ Abigail ò đơs jơnau lơi mơ khai jơl tus di ngai hìng.

I Samuel 25:6

Đơs tĕ mơ khai be do: ‘Dan lơngap lơngai ồng in, lơngap lơngai hìu nhă ồng in, mơ lơngap lơngai hơđang jơh ală phan ồng neh gơs!