Jakơ 4:8 - Sră Goh 2018

⁸ Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.

Jakơ 4:8 ပူးပေါင်းရင်းမြစ်များ

Sơnròp Gơlik Gơs 18:23

Abraham lòt tus rềp mơ lùp lah: “Kơnràñ rơp tơnroh cau song ring bal mơ cau iơh bơsak sơl ơ?

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

Sră Jop 16:17

Bulah ò gơs bơta jàñ bơsak tòm tê añ jê, Mơ jơnau hòi dan añ jê la sàng goh.

Sră Jop 17:9

Bulah behơ̆, cau song ring rơp ntào kơ̆ tòm ală gùng dà khai dê, Mơ ală cau gơs tê sàng goh rơp sơlo ngai sơlo pràn rlau.

Sră Jop 9:30

Dilah añ um să añ tòm dà piar, Mơ rào tê añ mơ dà sơnơm,

Đơs Crih 119:113

Añ gơjrañ kơuềng di cau gơs bàr đah nùs, Mơya añ kòñ gơboh di bơta boh lam Yàng dê.

Đơs Crih 145:18

Yàng Jehôwa ơm rềp mơ jơh ală cau hòi dan di Kơnràñ, Hơ̆ la ală cau ai bơta song ngan mơ hòi dan di Kơnràñ,

Đơs Crih 18:20

Yàng Jehôwa neh ai phan ƀàn añ in jat be bơta song ring añ jê. Tơm wơl añ in jat be bơta sàng goh tê añ jê.

Đơs Crih 24:4

Hơ̆ la cau gơs tê ò lơh tìs glài mơ gơs nùs sàng goh, Ò wèt hwềng soàn he hơ bơta ma blac, Kung ò srat să blac pơrlồm.

Đơs Crih 26:6

Ơ Yàng Jehôwa, añ rào tê añ jê tòm tŭ añ ò gơs glài, Mơ añ lòt gùt dar cơnòng duh khoai Kơnràñ dê.

Đơs Crih 51:10

Ơ Yàng Tom Trồ, dan crơng gơs tòm añ dô nơm nùs sàng goh; Mơ ơn tòm añ dô nơm hwềng nùs pa mơ song ngan.

Đơs Crih 73:13

Añ neh kơrmap gàr nùs añ sàng goh, Mơ tê añ ò lơh tìs, mơya ală bơta hơ̆ la ò kwơ añ in.

Đơs Crih 73:28

Mơya đah mơ añ, niam añ in ơm rềp mơ Yàng Tom Trồ; Añ neh bơtào Yàng Jehôwa la tiah kìng crŭ añ jê, Nàng añ yal wơl bơh jơh ală broă Kơnràñ dê.

Esai 13:15

Cau lơi kòl kup gen rơp kong srơp bluh; jơh ală cau kòl kup rơp gơpừ hơđơm mat đào.

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Jeremi 4:11

Tòm tŭ hơ̆, rơp gơs jơnau đơs mơ làng bol do mơ Jerusalem lah: “Càl duh tus bơh Añ rơp khồm ală dòr kơlờl tòm ƀlàng bràs tus hơ làng bol rƀah Añ jê, mơya ò di nàng tòmpơr kòi, hala puh goh kòi.

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Ñìm Rac 3:57

Kơnràñ neh tus rềp, tòm tŭ añ hòi dan di Kơnràñ mơ Kơnràñ neh đơs lah: “Bañ rngòt rngơt!”

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Sacari 1:3

Gen tàng đơs tĕ mơ bol khai lah, Yàng Jehôwa Gơnap Gơnoar Dờng Làm Jơh đơs be do: ‘Rê wơl tĕ hơ Añ.’ Yàng Jehôwa Gơnap Gơnoar Dờng Làm Jơh đơs: ‘Gen Añ rơp rê wơl hơ bol mê.’ Yàng Jehôwa Gơnap Gơnoar Dờng Làm Jơh đơs behơ̆.

Malaci 3:7

Bulah bơh di tŭ ală ngai ală ồng pàng bol mê dê tus di tŭ do, bol mê neh wèt sang ală bơta sồr lam Añ jê mơ ò prap gàr ală bơta hơ̆. Rê wơl tĕ mơ Añ gen Añ rơp rê wơl mơ bol mê,” Yàng Jehôwa Gơnap Gơnoar Dờng Làm Jơh đơs behơ̆. Mơya bol mê lùp lah: “Mbe bol hi rơp rê wơl taih?”

Mathiơ 12:33

“Dilah chi niam gen plai gơ kung niam, chi iơh gen plai gơ kung iơh, bơh sền plai gen git chi.

Mathiơ 15:2

“Ñchi bơh tài ală cau bơtê Ồng dê lơh tìs bơta òs yau ală cau yau dê taih? Bơh bol khai ò rào tê lài mơ tŭ sa.”

Mathiơ 27:24

Tòm tŭ Pilat gŏ he ò rgơi lơh bơta lơi, mơ tai bơta nggồr nggàc sơlo gơbơtơl, gen khai ai dà rào tê di đap mpồl làng bol mơ đơs lah: “Añ ò gơs glài bơh mhàm cau song ring do; kong bol mê dê.”

Broă 15:9

Kơnràñ ò di cah is bol he mơ cau làng bol bơdìh ò, mơya Kơnràñ toh glài bol khai in bơh bơta dòn.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Hebrơ 7:19

(bơh bơta boh lam ò lơh wil tơl broă lơi ò), gen cèng tơmut dô bơta gơn kơnòm niam rlau, mơ kơnòm di bơta hơ̆ bol he lòt tus rềp hơ Yàng Tom Trồ.

Jakơ 1:8

Bơh hơ̆ la dô nă cau gơs bàr đah nùs, ò lơh nền bơta lơi.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,

I Jang 3:3

Cau lơi gơs bơta gơn kơnòm hơ̆ tòm Kơnràñ, gen kơrmap gàr să he sàng goh, kung be Kơnràñ la sàng goh.

I Samuel 14:35

Gen Sol bơt dô nơm cơnòng duh khoai Yàng Jehôwa in; hơ̆ la cơnòng duh khoai sơnròp mơ khai neh bơt Yàng Jehôwa in.