Jakơ 4:7 - Sră Goh 2018

⁷ Behơ̆ dòn duh tĕ Yàng Tom Trồ. Tòmdră tĕ mơ cà ràk, gen gơ rơp pleh ngài di oh mi.

Jakơ 4:7 ပူးပေါင်းရင်းမြစ်များ

II Samuel 15:26

Mơya dilah Kơnràñ đơs lah: ‘Añ ò niam nùs bơh mê,’ gơs añ tềng do, dan Kơnràñ lơh di añ jat bơta lơi niam Kơnràñ in.”

II Yal Yau 30:8

Bañ lơh kơldang bồ kơldang ngko be ală ồng pàng bol mê dê, wèt tĕ să tòm bol mê hơ Yàng Jehôwa. Lòt tus tĕ hơ Tiah Sàng Goh mơ Kơnràñ neh ơn is sàng goh gam sùm sùm. Duh tĕ broă Jehôwa Yàng Tom Trồ bol mê dê, tồ bơta gơjrañ dờng Kơnràñ dê rơp pleh ngài bơh bol mê.

Sră Jop 1:21

Mơ khai đơs lah: “Añ ơm kuh lòi rồ lik bơh kơndul mè, gen añ kung ơm kuh lòi rồ mơ rê wơl behơ̆. Yàng Jehôwa neh ai mơ Yàng Jehôwa neh tă tơlik, jòng ro sơnđan Yàng Jehôwa dê!”

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Đơs Crih 68:30

Dan lah pơrhơng ală phan poan jơng tòm brê ơm digùl ală proh tràng, mpồl kơnrồ dam bal mơ ală kơnrồ kòn ală làng bol dê. Jă trơm hơđơm jơng ală cau hàm kòñ tơnơ̆ mơ tŭ ơn ală phan cèng ơn duh lơgar ndai in; Dan lơh nrah nring ală làng bol kòñ gơboh di bơta lơh kơlìn.

Jeremi 13:18

Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 4:32

Mê rơp kong bơtrơh bơh digùl kòn mơnus, rơp ơm bal mơ phan poan jơng tòm ƀlàng; mê rơp pal sa ñhơt be kơnrồ, mơ kong lơh glài tòm poh tơngai, jơl tus di tŭ mê đal git lah Bơtau Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.”

Mathiơ 11:29

Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl.

Broă 26:19

Ơ bơtau Agrippa, tài bơh hơ̆ gen tàng añ ò khin tòmdră mơ bơta gơtơnggŏ bơh đang trồ.

Broă 9:6

mơya ntào tĕ, mut tòm ƀòn dờng, cau rơp yal mê in ală bơta mê pal lơh.”

Rôma 10:3

Bơh bol khai ò dòp git bơta song ring Yàng Tom Trồ ai, mơ jòi bơtào bơta song ring is he dê, gen tàng ò bài dòn duh bơta song ring Yàng Tom Trồ dê;

Rôma 14:11

Bơh neh cih lah: “Yàng đơs lah: Ngan, Añ la Yàng Tom Trồ kis sùm, kòp nơm gơltang rơp cùn di đap Añ, Mơ kòp nơm lơmpiat rơp yal tơlik Añ la Yàng Tom Trồ.”

Ephesô 4:27

kung bañ lòi cà ràk in gơs tŭ lơmpah nàng ơniai.

Ephesô 5:21

Duh rngòt tĕ di Bơtau Krist mơ dòn duh bal mơ gơp.

Ephesô 6:13

Gen tàng ai tĕ jơh ală phan tòmlơh Yàng Tom Trồ dê, tồ tòm ngai rung rài oh mi rgơi tòmdră jai, mơ tơnơ̆ mơ tŭ neh lơh sir jơh ală bơta gen gam ntào kơ̆ sơl.

Hebrơ 12:9

Mơ tai, bol he neh gơs bèp đah poac să lơh glài tơmàl, mơ bol he duh rngòt di bol khai, tơ ài lah Bèp đah hwềng gen bol he ò dòn duh sơlo rlau tai nàng geh kis ò ơ?

I Pier 2:13

Tài bơh Yàng, oh mi dòn duh tĕ jơh ală bơta boh lam kòn mơnus neh bơtào gơs, gơwèt mơ cau bơtau la cau dờng rlau jơh,

I Pier 5:6

Behơ̆ gen tơnliah tĕ să he hơđơm tê gơnap gơnoar Yàng Tom Trồ dê, nàng di di tơngai Kơnràñ rơp yò tơngguh oh mi.

I Samuel 3:18

Behơ̆ Samuel yal khai in jơh ală bơta, ò pồn bơta lơi mơ khai. Gen Heli đơs lah: “Hơ̆ la Yàng Jehôwa, dan Kơnràñ lơh tĕ bơta lơi gơlơh niam Kơnràñ in.”