Jakơ 4:6 - Sră Goh 2018

⁶ Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”

Jakơ 4:6 ပူးပေါင်းရင်းမြစ်များ

II Yal Yau 32:26

Gen Ejekia tơnliah să bơh bơta pơnhừ să tòm nùs khai dê, làng bol Jerusalem kung lơh behơ̆, gen tàng bơta gơjrañ dờng Yàng Jehôwa dê neh ò tus hơđang bol khai tòm rài Ejekia dê.

II Yal Yau 33:12

Tòm bơta bòl glar kalke khai dê, khai jòi jat bơta nđàc sơngit Jehôwa Yàng Tom Trồ khai dê mơ jơh nùs tơnliah să khai di đap Yàng Tom Trồ ală ồng pàng khai dê.

II Yal Yau 33:19

Jơnau hòi dan khai dê mơ mbe Yàng Tom Trồ neh dòp jơnau khai rac dan, kung be jơh ală bơta tồi glài ò dòn song khai dê, mơ ală tiah jơnhoa duh khoai mơ khai neh bơt mơ bơtào ală jrong duh khoai mơ ală rùp ràk Asera lài mơ tŭ khai tơnliah să tòm khai dê, jơh ală bơta hơ̆ neh geh cih tòm sră yal broă ală cau gơnoar git lài dê.

II Yal Yau 33:23

Mơya khai ò tơnliah să khai di đap Yàng Jehôwa kung be bèp khai neh lơh; mơya tòm bơta do Ammôn sơlo tìs glài bơtơl tai.

II Yal Yau 34:27

‘Tài bơh nùs mê neh rcang sir nàng lơh jat mơ mê neh tơnliah să tòm mê di đap Yàng Tom Trồ tòm tŭ mê neh kơno ală jơnau Kơnràñ neh đơs tòmdră mơ tiah do mơ làng bol gơ dê, mơ tài bơh mê neh tơnliah să tòm mê di đap Añ mơ neh crè ào jrùh mê dê mơ ñìm di đap mat Añ, Añ neh kơno jơnau mê dê, Yàng Jehôwa đơs behơ̆.

Sră Jop 22:29

Tòm tŭ kong cau ndai lơh ƀàssìl, mơ ồng đơs lah: ‘Hơ̆ la bơta pơnhừ să!’ Gen Kơnràñ rơp dong klàs cau pơndêt să.

Đơs Crih 138:6

Bulah Yàng Jehôwa ơm hơđang jòng, Mơya kung wèt sền ală cau ò diă ò diơng; Ai cau pơnhừ să gen Kơnràñ đal git bol khai bơh ngài.

Đơs Crih 9:12

Bơh Bơtau sal wơl mhàm kah tus di ală cau bòl glar, Kơnràñ ò hŭi jơnau hòi dan rac ròc bol khai dê.

Lik Ejiptơ 18:11

Tŭ do añ git lah Yàng Jehôwa la dờng rlau mơ jơh ală yàng ndai, bơh Kơnràñ neh lơh bơta hơ̆ ală cau neh pơnhừ să gơwèt mơ Israel”.

Jơnau Pơnđik 15:33

Bơta duh rngòt Yàng Jehôwa bơto sồr bơta jak chài; Mơ bơta pơndêt să lòt lài mơ bơta ki ngàm.

Jơnau Pơnđik 18:12

Bơta jòng să lòt lài mơ bơta roh gơprah; Mơya bơta pìn pơndêt să lòt lài mơ bơta màng ryŭ.

Jơnau Pơnđik 22:4

Phan bàn bơta pìn pơndêt să dê mơ bơta duh rngòt Yàng Jehôwa, hơ̆ la bơta pas gơs, bơta jòng màng mơ bơta kis.

Jơnau Pơnđik 29:23

Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

Jơnau Pơnđik 3:34

Kơnràñ dơñŏ tơnhial dê cau jak bơrsèl tơnhial, Mơya Kơnràñ ai bơta nđàc cau tơnliah să in.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 54:7

“Tòm dô ơthoa Añ neh sang lòi ai; mơya Añ rơp ai nùs kòñ nđàc dờng ơnàng mơ cèng brê ai wơl.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Mathiơ 13:12

Bơh cau lơi gơs gen rơp ai bơtơl tai, nàng khai geh tơngkah tơngkañ; mơya cau lơi ò gơs, gen rơp tă tơn bơta khai neh gơs.

Mathiơ 23:12

Dilah cau lơi yò tơngguh is să he gen rơp gơtơmù, ai cau tơnliah is să he gen rơp geh yò tơngguh.”

Luka 1:52

Tă tơlik cau gơnoar pràn bơh di sơbàn, Yò tơngguh cau ò diă ò diơng,

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Jakơ 4:10

Tơnliah tĕ să he di đap Yàng, gen Kơnràñ rơp yò tơngguh oh mi.

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

I Samuel 2:3

Bañ đơs tai ală jơnau pơnhừ să oă ir, bañ lòi jơnau jòng să lik bơh di bơr mê dê; bơh Yàng Jehôwa la Yàng Tom Trồ bơta git wă dê, mơ Kơnràñ kơr ală broă lơh.