Jakơ 4:4 - Sră Goh 2018

⁴ Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

Jakơ 4:4 ပူးပေါင်းရင်းမြစ်များ

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Đơs Crih 21:8

Tê Yàng rơp jòi bàn jơh ală cau sò tơm Yàng dê; Tê ma Yàng rơp jòi bàn ală cau gơjrañ kơuềng di Kơnràñ.

Đơs Crih 50:18

Tòm tŭ mê gŏ cau ntung kơñau, Gen mê lơh bơyô mơ khai, mê lơh gơs dô bă bal mơ cau rềs àr bơrnàn.

Đơs Crih 73:27

Ngan behơ̆, ală cau ơm ngài mơ Kơnràñ gen rơp roh rui; Kơnràñ pơndut tơnlồi cau lơi ò dòn song mơ Kơnràñ.

Esai 57:3

Mơya bol mê, la ală kòn klau cau ùr gru dê, la jơi bơtiàn ală cau rềs àr bơrnàn mơ ală cau ùr dri dê, tus tĕ hơ do!

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 9:2

Ôih! Kơp kòñ añ gơs dô nơm hìu ơpah bic ing tòm ƀlàng bràs! Nàng añ sang lòi làng bol añ Mơ lòt ngài bơh bol khai; Bơh tơl nă bol khai la ală cau rềs àr, Dô mpồl ală cau blac pơrlồm.

Ejekiel 16:32

Ơ bau ùr rềs àr bơrnàn! La cau neh dòp cau klau crih mat ala bau klau ai dê!

Sră Ôse 3:1

Yàng Jehôwa đơs tai mơ añ lah: “Lòt tĕ, kòñ gơboh di dô nă cau ùr, khai neh geh cau kòñ gơboh, mơ khai la cau ùr bơrnàn, be Yàng Jehôwa kòñ gơboh di cau Israel, bulah bol khai neh wèt hơ ală yàng ndai, mơ khai kòñ gơboh ală ƀañ plai ño.”

Mathiơ 12:39

Kơnràñ ho lah: “Jơi bơtiàn iơh bơsak rềs àr bơrnàn do dan dô nơm tềl krơi, mơya rơp ò ai bol khai in tềl krơi lơi rlau mơ tềl krơi cau gơnoar hwơr Jôna dê.

Mathiơ 16:4

Jơi bơtiàn iơh bơsak rềs àr bơrnàn do dan dô nơm tềl krơi, mơya rơp ò ai bol khai in tềl krơi lơi rlau mơ tềl krơi Jôna dê.” Gen Kơnràñ lòi bol khai mơ lòt.

Mathiơ 6:24

“Ò gơs cau lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.

Luka 19:27

Ai ală cau sò tơm di añ, la ală cau ò kòñ añ at bồ hơđang bol khai, hwài tĕ bol khai tus hơ do mơ tơnchơt di đap añ.’”

Jang 15:19

Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê.

Jang 17:14

Añ neh ai jơnau Bèp dê bol khai in, mơ dunnia gơjrañ di bol khai tài bơh bol khai ò bal mơ dunnia, kung be Añ ò bal mơ dunnia sơl.

Jang 7:7

Dunnia ò rgơi gơjrañ kơuềng di bol mê, mơya gơjrañ kơuềng di Añ, tài bơh Añ lơh cơng dunnia in git lah ală broă bol khai dê la iơh bơsak.

Rôma 5:10

Bơh dilah tòm tŭ bol he gam la cau sò tơm di Yàng Tom Trồ, mơ neh geh gơtòmsòr wơl mơ Kơnràñ la bơh bơta chơt Kòn Kơnràñ dê, ai tŭ do neh geh gơtòmsòr wơl rau, gen sơlo rlau tai bol he rơp kơnòm di bơta kis Kòn hơ̆ dê mơ geh dong klàs.

Rôma 8:7

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

Galati 1:10

Ai tŭ do, añ jòi bơta nàng lơh niam nùs kòn mơnus hala lơh niam nùs Yàng Tom Trồ taih? Añ kòñ lơh niam nùs kòn mơnus ơ? Dilah añ gam kòñ lơh niam nùs kòn mơnus, gen añ ò di la dĭ gơna Bơtau Krist dê ò.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.