Jakơ 4:16 - Sră Goh 2018

¹⁶ Mơya oh mi jòng să, pơnhừ să. Jơh ală bơta jòng să behơ̆ la iơh.

Jakơ 4:16 ပူးပေါင်းရင်းမြစ်များ

Jơnau Pơnđik 27:1

Bañ jòng să bơh ngai hìng; bơh kòn ò git ngai hìng rơp gơlik gơs bơta lơi.

I Kôrintô 5:6

Bơta jòng să oh mi dê ò niam dô êt lơi. Oh mi ò git lah dô êt kañ lơh gơprồ jơh dô kơnac kơmbuh ò ơ?

Đơs Crih 52:7

“Sền ne, la cau ò bài kơnòm di Yàng Tom Trồ lơh gơs tiah kìng crŭ khai dê, Mơya kơnòm di bơta pas gơs lìu làc khai dê, Kìng crŭ să he tòm bơta pas sơm khai dê!”

Jơnau Pơnđik 25:14

Cau lơi jòng să phan ơn he òhềt ơn, ò gơkrơi be mhwal gơs càl, mơ ò gơs mìu.

Yal Tơlik 18:7

Khai neh jòng is să he mơ lơh gơlềng gơlàng kàr lơi, gen lơh tĕ di khai jê sồt bòl glar mơ ñìm rac kàr hơ̆ sơl. Bơh tòm nùs khai kơlôi lah: ‘Añ nggui hơđang sơbàn bơtau ùr, añ ò di la cau ùr bơnrau, añ rơp ò gơs tŭ lơi gŏ bơta ñìm rac ò.’

Jakơ 3:14

Mơya dilah tòm nùs oh mi gơs bơta ƀoah gơjrañ, sràt bơtang mơ lơh kơnềs, gen bañ jòng să mơ đơs blac tòmdră mơ jơnau song.

Esai 47:10

Ai ơm lơngap lơngai tòm bơta iơh bơsak ai dê mơ đơs lah: “Ò gơs cau lơi gŏ añ.” Bơta jak chài mơ bơta git wă ai dê neh lam ai lòt tìs gùng, tòm tŭ ai đơs is tòm nùs lah: “Añ do, rlau mơ añ ò gơs cau lơi ndai tai!”

Đơs Crih 52:1

Ơ cau gơs gơnoar pràn, ñchi bơh tài mê jòng is să he tòm bơta lơh iơh gơwèt mơ cau duh rngòt di Yàng taih? Jơh ngai mho mê kơlôi rcang bơta tơnroh.

I Jang 2:16

Bơh jơh ală bơta tòm dunnia, be bơta hàm kòñ is poac să dê, bơta hàm kòñ is mat dê, mơ bơta pơnhừ să rài kis dê, ò di bơh Yàng Bèp mơ tus, mơya bơh dunnia mơ gơlik gơs.