Jakơ 3:6 - Sră Goh 2018

⁶ Lơmpiat kung be ồs. Lơmpiat la be dô nơm dunnia tồi glài iơh bơsak ơm digùl ală pơnah tòm să jan he, lơh ƀơ̆ ƀơl jơh să jan, chu pơrguc jơh rài kis cau, ai gơ gen neh kong ồs brah tìng chu pơrguc sơl.

Jakơ 3:6 ပူးပေါင်းရင်းမြစ်များ

II Samuel 16:20

Gen Apsalôm neh đơs mơ Ahitôphel lah: “Yal tĕ bol hi in jơnau bơyai mê dê. Ñchi bol he pal lơh taih?”

II Samuel 19:43

Gen cau Israel ho wơl ală cau Juda lah: “Bol hi gơs jơt pơnah tòm bơtau, mơ tòm Dabit sơl bol hi gơs rlau mơ bol mê. Behơ̆, ñchi bơh tài bol mê sền òsơp di bol hi behơ̆ taih? Ò di bol hi la cau sơnròp ngan đơs bơh bơta cèng bơtau bol he dê rê wơl sơl ơ?” Mơya ală jơnau cau Juda dê jàñ bơsak rlau mơ ală jơnau ală cau Israel dê.

II Yal Yau 13:17

Abija mơ mpồl ling khai dê lơh ală cau Israel in kong ơlah tơnchơt oă ngan cau, gơs pram rhiang rbô nă cau ling jak tòmlơh Israel dê neh gơplơ̆ chơt.

Đơs Crih 140:3

Bol khai gơs lơmpiat sơmplàñ be lơmpiat bơs; Tòm sơndồi bol khai dê gơs bih khih bơs tur dê.

Đơs Crih 64:3

Bol khai tồl lơmpiat bol khai dê be cau tồl đào, Pơmong jơnau sràt bơtang be ală kam,

Jơnau Pơnđik 15:1

Jơnau ho lơbơn niam lơh rài bơta gơhào gơjrañ; Ai jơnau sràt bơtang bơrcek nùs gơjrañ.

Jơnau Pơnđik 16:27

Cau blac chừt kòñ jòi kai lơh iơh; Mơ sơndồi bol khai gơs lơmpiat ồs hơng.

Jơnau Pơnđik 6:19

Cau lơh cơng ò song mơ đơs jơnau blac, bal mơ cau rsìh bơta tòm pơndang digùl hìu nhă he.

Jơnau Pơnđik 7:5

Nàng gơ sền gàr kòn klàs bơh cau ùr bơrnàn, klàs bơh cau ùr crih mat jak đơs jơnau lơngồt bơkah.

Esai 30:27

Sền ne, Sơnđan Yàng Jehôwa tus bơh tiah ngài, tus bal mơ bơta gơjrañ dờng Kơnràñ dê be mhwal jù mơ ñhŭ par guh; sơndồi Kơnràñ dê bềng bơta gơjrañ dờng, lơmpiat Kơnràñ dê la ồs sa pơrguc.

Esai 50:11

Mơya tŭ do, jơh ală bol mê la cau sing ồs mơ rcang lài să tòm he in ală sơmpòl ồs; Ñă tĕ! Lòt tòm bơta àng ồs bol mê dê, mơ tòm bơta àng ală sơmpòl ồs mơ bol mê neh chu. Do la bơta mơ bol mê rơp dòp geh bơh tê Añ: Bol mê rơp bic tòm bơta jê sồt bòl glar.”

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Jeremi 28:16

Behơ̆ tàng, Yàng Jehôwa đơs be do: ‘Añ rơp tă sang mê klàs bơh plai ù; nam do mê rơp chơt; tài bơh neh đơs tòmdră mơ Yàng Jehôwa.’”

Lebi 24:11

Kòn klau cau ùr Israel dê srat sơntơm mơ đơs tràl sơrbil di Sơnđan Yàng Jehôwa; behơ̆ bol khai cèng kòn klau hơ̆ tus hơ Môise. Mè kòn klau hơ̆ sơnđan la Selômit, kòn ùr Dibri cau jơi bơtiàn Dan.

Khà Làng Bol 25:2

Ală cau ùr hơ̆ neh jà bol khai sa ală phan ơn duh khoai ală yàng bol khai dê. Làng bol neh sa mơ cùn khoai di đap ală yàng hơ̆.

Khà Làng Bol 31:16

Bol khai la ală cau neh lơh jat jơnau bơyai Balaam dê, mơ la ală cau neh lơh Israel in pơrlac sang Yàng Jehôwa tòm bơta neh gơlik gơs di tiah Pheor, tian gơs dô bơta pluh plàng neh tơnchơt làng bol Yàng Jehôwa dê.

Mathiơ 12:24

Tòm tŭ ală cau Pharisi kơno jơnau hơ̆ gen đơs lah: “Cau do mìng kơnòm di Beeljebul la bơtau cà mơ bơtrơh cà.”

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Jơnau Niam Jat Mak 7:15

Ò gơs phan lơi bơh đah bơdìh mut tòm dơlam cau mơ rgơi lơh ƀơ̆ ƀơl cau hơ̆ in ò, mơya ală phan lơi lik bơh tòm dơlam cau dê, sồng lơh ƀơ̆ ƀơl cau hơ̆ in. [

Luka 16:24

Cau pas sơm hòi driau lah: ‘Abraham ơ bèp, dan nđàc sơngit di añ, sồr ƀà Lasarơ iurŭ ràs tê tòm dà nàng lơh mrềt lơmpiat añ in, bơh añ kòl pơnjê pơngkồr oă ir tòm ồs do.’

Broă 20:30

Bơh digùl oh mi kung rơp gơs ală cau bơtào tơngguh mơ bơto jơnau tìs nrah nàng pơndòm pơrlồm cau dòn lòt jat bol khai.

Broă 5:3

Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih?

Broă 6:13

Bol hơ̆ bơtào is ală cau lơh cơng blac, đơs lah: “Cau do òs đơs ală jơnau tràl sơrbil di tiah sàng goh mơ di bơta boh lam sơl,

Yal Wơl 13:6

Dilah oh mi tòm bol mê dê, hala kòn klau kòn ùr bol mê dê, hala bau ùr mê kòñ gơboh, hala cau bơyô đềt mềr rlau jơh bol mê dê ơniai òm bol mê mơ đơs lah: “Bol he lòt tĕ duh khoai ală yàng ndai,” la ală yàng mơ bol mê mơ ală ồng pàng bol mê dê kung ò git,

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

Jakơ 2:7

Hơ̆ ò di la bol khai đơs tràl sơrbil di sơnđan dờng màng mơ oh mi neh hòi dan ò ơ?

Jakơ 3:7

Jơh ală jơi phan poan jơng, jơi sềm, jơi wìn nsròng, jơi kis tòm dàlềng rgơi at bồ lơm, mơ neh kong kòn mơnus at bồ rau;

II Pier 3:3

Sơnròp ngan, pal git lah tòm ală ngai lồi dut rơp tus ală cau jak dơñŏ tơnhial ai jơnau dơñŏ tơnhial, jat nùs hàm kòñ is bol khai dê,

III Jang 1:10

Gen tàng dilah añ lòt tus, añ rơp yal ală broă khai lơh, la ai jơnau iơh bơsak mơ sòdră di bol hi. Bơta hơ̆ òhềt hừh nùs khai sơl, să tòm khai ò bài wă rò ală cau dòn Yàng, ai cau lơi kòñ wă rò gen khai kơryan, mơ bơtrơh tơlik bol khai bơh di Hìu Jum Goh.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 18:23

Bơta àng ồs đèng ò gơs tŭ lơi pơnđàng sòl tai di tiah ai dê; tềng hơ̆ ò gơs tŭ lơi kơno tai jơnau đơs cau bơrtơu mơ ƀan dê. Bơh ală cau neh kă bro di tiah ai dê la ală cau dờng ryŭ tòm ù; jơh ală làng bol neh kòl pơrlồm tài bơh bơta juh proh pơlìn ai dê.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.