Jakơ 3:5 - Sră Goh 2018

⁵ Kung behơ̆ sơl, lơmpiat la dô pơnah dềt tòm să jan, mơya gơ jòng să bơh ală broă dờng. Dô êt ồs rgơi sa jơh dô nơm brê dờng ơnàng ò git nđò.

Jakơ 3:5 ပူးပေါင်းရင်းမြစ်များ

Sră Jop 22:17

Bol khai đơs mơ Yàng Tom Trồ lah: ‘Dan lòi bol hi ơm is; Ñchi bơta Bơtau Gơnap Gơnoar Làm Jơh rgơi lơh di bol hi taih?’

Đơs Crih 10:3

Bơh cau iơh bơsak jòng să bơh nùs hàm kòñ khai dê; Cau hàm hà phan mơna sang lòi Yàng Jehôwa, mơ lah sơrpah Kơnràñ.

Đơs Crih 17:10

Bol khai sềt nùs bol khai dê nàng nđàc sơngit; Bơr bol khai đơs dô bă pơnhừ să.

Đơs Crih 39:1

Añ neh đơs lah: “Añ rơp kơrmap gàr gùng dà añ jê, Nàng añ ò tìs glài mơ lơmpiat añ jê; Tòm tŭ cau iơh bơsak gam ơm di đap añ, Añ rơp kơrmap gàr bơr añ kung be cau kèp bơr ơseh.”

Lik Ejiptơ 15:9

Cau sò tơm đơs lah: ‘Añ rơp ting jat, añ rơp ting jat bàn bol khai. Añ rơp tòmpà phan tòmpìt geh; Bơta añ kơp kòñ rơp geh hừh nùs bơh bol khai; Añ rơp tă đào añ jê mơ tê añ rơp tơnroh bol khai.’

Lik Ejiptơ 5:2

Mơya Pharaôn ho lah: “Jehôwa la ñcau mơ añ pal dòn bơr khai mơ lòi làng bol Israel lik lòt taih? Añ ò git Jehôwa mơ kung rơp ò lòi cau Israel lik lòt.”

Jơnau Pơnđik 12:18

Jơnau ò git kơrhia srơp bluh be đào; Mơya lơmpiat cau jak chài cèng bơta sơmbòi.

Jơnau Pơnđik 15:2

Lơmpiat cau jak chài yal tơlik bơta git jak dô bă di pal; mơya bơr cau tùl gơla mìng tơlik jơnau bơrngơl gơla.

Jơnau Pơnđik 18:21

Kis, chơt ơm hơđơm gơnoar lơmpiat dê; Cau kòñ gơboh gơ rơp sa plai đo gơ dê.

Jơnau Pơnđik 26:20

Ồs chơt la tài bơh siơ̆u lòng; tŭ lơi ò gơs cau đơs gơtrềng gơtràng gen bơta tòmlah tòm pơndang rơp jơh.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Ejekiel 28:2

“Ơ kòn mơnus, đơs tĕ mơ cau at bồ Tirơ lah: Jehôwa Yàng Tom Trồ đơs be do: ‘Tài bơh nùs mê pơnhừ să gen mê neh đơs lah: “Añ la dô nă yàng; Añ nggui hơđang sơbàn ală yàng dê ơm tòm plai nùs dàlềng.” Mơya mê la dô nă kòn mơnus, ò di la dô nă yàng, bulah mê pơndròm dơngoh kơlôi mê mơ dơngoh kơlôi dô nă yàng dê.

Ejekiel 29:3

Đơs tĕ mơ yal lah: Jehôwa Yàng Tom Trồ đơs be do: ‘Ơ Pharaôn, bơtau Ejiptơ, Añ tòmdră mơ mê, mê la dô nơm phan poan jơng cù kìr bic rò digùl ală hiòng dà. Mê đơs lah: “Hiòng Nil gơrê bal mơ añ, añ neh lơh gơs gơ să tòm añ in.”

Daniel 3:15

Behơ̆ tŭ do, tòm tŭ bol mê kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, mơ bol mê pal rcang sir tơmbic să nàng duh khoai rùp ràk mơ añ neh lơh gơs, gen di; mơya dilah bol mê ò cùn khoai gen bol mê rơp kong sơrbì mo tòm gùl bơnhă ồs hơng gen gơs yàng lơi rgơi dong bol mê klàs bơh di tê añ taih?”

Daniel 4:30

gen khai ai jơnau đơs lah: “Do ò di la Babilôn dờng mơ añ neh bơt bơtào bơh gơnoar pràn añ jê nàng lơh gơs ƀòn tòm bơtau dê, mơ ràng tơlik bơta gơklŏ ryŭ ryơm añ jê ơ?”

Jakơ 3:4

Sền tĕ di ală ơhò dờng, bulah gơ dờng kàr lơi mơ kòl càl dờng khồm pơrdô, mơya dô nơm tiang tơrwơl dềt ngan kung rgơi lam gơ jat nùs kòñ cau at bồ ơhò dê.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

Jude 1:16

Ală cau hơ̆ la cau jak yoam pơrhiat mơ ò hừh nùs, lơh jat bơta hàm kòñ is he dê, jak đơs jơnau pơnhừ să, ngui jơnau đơs rơmhòc nàng geh cồng nha.