Jakơ 3:2 - Sră Goh 2018

² Jơh tơl nă bol he gơtup tìs tòm oă bơta. Dilah gơs cau lơi ò gơtup tìs tòm jơnau đơs he dê, hơ̆ la cau wil tơl, kung rgơi at bồ jơh să jan he sơl.

Jakơ 3:2 ပူးပေါင်းရင်းမြစ်များ

I Ală Bơtau 8:46

Dilah bol khai tìs glài tòmdră mơ Yàng — bơh ò gơs cau lơi ò tìs glài — mơ Yàng gơhào gơjrañ di bol khai mơ jào bol khai cau sò tơm in; tian gơs bol khai kong kup cèng tòm lơgar cau sò tơm, bulah ngài hala rềp,

II Yal Yau 6:36

Dilah bol khai tìs glài tòmdră mơ Kơnràñ, bơh ò gơs cau lơi ò tìs glài, mơ Kơnràñ gơhào gơjrañ di bol khai, mơ jào bol khai tòm tê cau sò tơm bol khai dê mơ kup cèng lơh dĭ tòm dô nơm lơgar ngài hala rềp;

Sră Jop 15:13

Gen tàng ồng tơrwơl hwềng ồng dê tòmdră mơ Yàng Tom Trồ, Mơ lòi ală jơnau behơ̆ lik bơh di bơr ồng dê taih?

Đơs Crih 34:13

Kơrmap gàr tĕ lơmpiat he bañ đơs jơnau iơh bơsak, Mơ sơndồi he bañ đơs jơnau blac pơrlồm.

Đơs Crih 39:1

Añ neh đơs lah: “Añ rơp kơrmap gàr gùng dà añ jê, Nàng añ ò tìs glài mơ lơmpiat añ jê; Tòm tŭ cau iơh bơsak gam ơm di đap añ, Añ rơp kơrmap gàr bơr añ kung be cau kèp bơr ơseh.”

Jơnau Pơnđik 10:19

Dilah oă jơnau, bơta tìs ò siơ̆u: Mơya cau git kơrhia đơs dô êt jơnau.

Jơnau Pơnđik 13:3

Cau kơrmap gàr bơr he, geh prap gàr bơta kis he; Mơya cau lơi pò sơndồi he oă, gen kong roh gơprah.

Jơnau Pơnđik 20:9

Ñcau rgơi đơs: “Añ neh lơh goh nùs añ, añ sàng goh mơ ò gơs glài?”

Jơnau Pơnđik 21:23

Cau lơi prap gàr bơr mơ lơmpiat he prap gàr hwềng soàn he klàs bơh bơta rung rài.

Cau Bơto 7:20

Ngan, ò gơs cau song ring lơi ơm hơđang ù lơh bơta niam, mơ ò tìs glài.

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Lebi 13:39

gen cau gơnoar ơn phan duh khoai pal sền sơwì ală tiah hơ̆, mơ dilah ală tiah bò hơ̆ la ò bò ngan gen hơ̆ la dô bă tiah kiat gòi lơm, gơ ò sa rì tòm gơltau; cau hơ̆ la goh.

Mathiơ 12:34

Ơ jơi bơtiàn bơs tur ne; bol mê la iơh bơsak gen mbe rgơi đơs bơta niam taih? Bơh jat bơta bềng lìu tòm nùs gen sồng bơr đơs tơlik.

Mathiơ 12:37

Bơh jơnau đơs mơ mê geh kòp la song ring, kung bơh jơnau đơs mơ mê kong lơh nền glài.”

Rôma 3:10

be neh cih lah: “Ò gơs dô nă cau lơi song ring ò, Dô nă kung ò sơl.

Rôma 7:21

Behơ̆ añ gŏ gơs bơta boh lam do tòm añ: dơ̆ añ kòñ lơh bơta niam, gen bơta iơh gơđềt jat añ.

I Kôrintô 9:27

Mơya añ bơklơn să jan añ jê mơ sồr gơ pal kong; rngòt tơnơ̆ mơ tŭ añ neh bơto yal ală cau ndai in, gen să tòm añ rơp ò di pal mòn.

Galati 3:22

Mơya Sră Goh neh kòp jơh dunnia la ơm tòm gơnoar tồi glài dê, tồ bơta neh ho pơgon rơp geh ai gòi ală cau dòn in bơh bơta dòn tòm Yàng Jesu Krist.

Galati 5:17

Bơh poac să hàm kòñ tòmdră mơ Yàng Hwềng, mơ Yàng Hwềng tòmdră mơ poac să, bàr đah gơtòmdră sùm behơ̆, gen tàng oh mi ò rgơi lơh bơta he kòñ lơh.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

Jakơ 1:26

Dilah gơs cau lơi kơlôi lah he dòn jat jơnau song, mơ ò at bồ lơmpiat he mơya pơrlồm is nùs he, gen bơta dòn jơnau song cau hơ̆ dê la ò kwơ.

Jakơ 1:4

Mơ bơta kơ̆ nùs pal gơlik cồng nha wil tơl tồ oh mi in geh dờng wil tơl, ò siơ̆u dô bơta lơi.

Jakơ 2:10

Bơh cau lơi prap gàr jơh bơta boh lam mơ tìs dô bơta, gen kung gơs glài be neh tìs jơh ală bơta.

I Pier 3:10

Bơh, “Cau lơi kòñ gơboh bơta kis Mơ kòñ gŏ ală ngai niam, Gen pal kơrmap gàr lơmpiat bañ đơs jơnau iơh bơsak, Mơ sơndồi bañ đơs jơnau lac lèo,

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.