Jakơ 3:1 - Sră Goh 2018

¹ Ơ oh mi añ jê, tòm oh mi bañ gơs oă cau lơh gơs cau bơto, bơh git lah bol he la cau bơto gen rơp kong cahrña dô bă kràñ cê rlau tai.

Jakơ 3:1 ပူးပေါင်းရင်းမြစ်များ

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Malaci 2:12

Dan Yàng Jehôwa tơnroh khai bơh di ală sàl Jakôp dê, dilah cau lơi neh lơh bơta hơ̆, gơs cau lơi lơh cơng hala ho wơl, hala khai cèng phan ơn Yàng Jehôwa Gơnap Gơnoar Dờng Làm Jơh in kung behơ̆ sơl.

Mathiơ 10:24

Cau bơtê ò lin rlau mơ cau bơto, mơ cau dĭ ò lin rlau mơ cau tòm.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Mathiơ 23:14

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê lơh bơthĭ hòi dan jòng jơnau mơ sa loan hìu ală cau ùr bơnrau dê; tài bơh hơ̆ bol mê rơp gơkòl lơh nền glài kơnjơ̆ rlau.]

Mathiơ 9:11

Cau Pharisi gŏ behơ̆ gen đơs mơ cau bơtê Kơnràñ dê lah: “Ñchi bơh tài Cau Bơto bol mê dê sào bal mơ cau dar dia mơ cau glài taih?”

Luka 16:2

Gen cau tòm hòi cau hơ̆ mơ lùp lah: ‘Ñchi bơta cau yă mê mơ añ taih? Yal tĕ broă lơh mê dê, bơh mê ò rgơi lơh gơs cau at bồ hìu tai.’

Luka 6:37

Bañ cahrña di cau lơi, gen bol mê rơp klàs bơta cahrña; bañ lơh nền glài cau lơi, gen bol mê rơp klàs bơta lơh nền glài; toh glài tĕ gen bol mê rơp geh toh glài.

Jang 3:10

Yàng Jesu ho lah: “Mê la cau bơto làng bol Israel dê mơ ò git bơta hơ̆ ơ?

Broă 13:1

Tòm Hìu Jum Goh Antiôt gơs ală cau gơnoar hwơr mơ ală cau bơto; hơ̆ la Banaba, Simeôn sơnđan la Nije, Lusius cau Siren, Manahen la oh ròng Herôt bơtau oh dê, mơ Sol sơl.

I Kôrintô 12:28

Yàng Tom Trồ neh bơtào rơndap tòm Hìu Jum Goh, sơnròp la cau gơnoar bơto dờng, bàr la cau gơnoar hwơr, pe la cau bơto sồr, gen tus di cau lơh broă crih crài, tus di cau geh bơta ai gòi bơta sơmbòi kòp jê, mơ dong kòl, at bồ, mơ git oă jơnau đơs ndai.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Ephesô 4:11

Kơnràñ ai cau do in gơs cau gơnoar bơto dờng, cau ne gơs cau gơnoar hwơr, cau ƀà gơs cau bơto yal Jơnau Niam, cau ƀà tai gơs cau gơnoar bơto mơ cau bơto,

I Timôthe 1:7

bol khai kòñ lơh gơs cau bơto bơta boh lam bulah ò git wă jơnau bol khai đơs hala bơta bol khai lơh nền.

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.

II Timôthe 1:11

Bơh Jơnau Niam hơ̆ tàng añ neh geh pồ bơtào lơh gơs cau bơto Jơnau Niam, cau gơnoar bơto dờng mơ cau bơto;

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

Jakơ 1:16

Ơ oh mi kòñ gơboh añ jê, bañ gơkòl pơrlồm.

Jakơ 1:19

Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;

Jakơ 3:10

Bơh dô nơm bơr mơ gơlik bơta jòng ro bal mơ bơta srat rma sơl? Ơ oh mi añ jê, bañ lơh behơ̆!

I Pier 5:3

ò di nàng at bồ ală cau neh jào oh mi in, mơya nàng lơh krơh niam mpồl belàt in.