Jakơ 2:7 - Sră Goh 2018

⁷ Hơ̆ ò di la bol khai đơs tràl sơrbil di sơnđan dờng màng mơ oh mi neh hòi dan ò ơ?

Jakơ 2:7 ပူးပေါင်းရင်းမြစ်များ

Đơs Crih 111:9

Yàng neh sồr bơta dong tơwài làng bol Kơnràñ dê, Neh sồr bơtào bơta ho bal Kơnràñ dê jơl tus sùm sùm. Sơnđan Kơnràñ la sàng goh mơ pal rngòt ngan!

Đơs Chò 1:3

Mơñà bong mê dê ƀô bơlhu; Sơnđan mê be mơñà ƀô bơlhu hòr lik; Gen tàng ală cau ơruh dềt kòñ gơboh di mê.

Esai 43:7

hơ̆ la kòp nă cau geh tơmoh bơh sơnđan Añ, la ală cau mơ Añ neh crơng gơs bơta gơklŏ Añ in; ală cau Añ neh mòn gơs mơ neh lơh gơs.”

Esai 65:15

Bol mê rơp lòi wơl sơnđan bol mê lơh gơs dô jơnau srat rma ală cau mơ Añ neh sac rwah; mơ Jehôwa Yàng Tom Trồ rơp tơnchơt bol mê; mơya ală cau duh broă Añ jê rơp ai dô sơnđan krơi.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Mathiơ 12:24

Tòm tŭ ală cau Pharisi kơno jơnau hơ̆ gen đơs lah: “Cau do mìng kơnòm di Beeljebul la bơtau cà mơ bơtrơh cà.”

Mathiơ 27:63

mơ đơs lah: “Ơ ồng, bol hi kah cau blac pơrlồm do tòm tŭ gam kis đơs lah: ‘Tơnơ̆ mơ pe ngai gen Añ rơp kis wơl.’

Broă 11:26

mơ tòm tŭ neh jòi bàn rau, gen jun khai tus hơ Antiôt. Bàr nă bol khai pơjum bal mơ Hìu Jum Goh mơ bơto sồr oă cau tơl dô nam. Hơ̆ la tòm Antiôt cau rơp sơntòm sơnđan ală cau dòn la Cau Krist.

Broă 15:17

Tồ ală cau gam wơl in, Bal mơ jơh làng bol Bơdìh geh hòi mơ sơnđan Añ, rơp jòi jat Añ. Yàng, la Bơtau neh yal loh broă do bơh rài yau đơs behơ̆.

Broă 26:11

Añ òs lòt làm ală hìu jum cau Juda, lơh glài mơ bơklơn bol khai sang lòi bơta dòn, bơh añ gơjrañ oă ngan, tian gơs añ lòt tus tòm ală ƀòn dờng lơgar bơdìh nàng kup kơryan bol khai.

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Ephesô 3:15

bơh Kơnràñ mơ jơh ală jơi bơtiàn hơđang trồ mơ tòm ù geh tơmoh sơnđan.

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

I Pier 4:16

Pơrlơ̆ wơl, dilah gơs cau lơi tài bơh geh sơnđan la cau dòn jat Bơtau Krist mơ kong bòl glar jê sồt, gen bañ ƀàssìl; mơya bơh sơnđan hơ̆ mơ jòng ro tĕ Yàng Tom Trồ.

Yal Tơlik 19:13

Kơnràñ soh ào ñòm mhàm, sơnđan Kơnràñ la Jơnau Yàng Tom Trồ dê.

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.