Jakơ 2:5 - Sră Goh 2018

⁵ Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

Jakơ 2:5 ပူးပေါင်းရင်းမြစ်များ

I Ală Bơtau 22:28

Mice pơnjat lah: “Dilah bơtau rê wơl lơngap lơngai, gen Yàng Jehôwa ò đơs bơh bơr añ.” Mơ khai đơs tai: “Ơ làng bol, jơh ală bol mê iat tĕ!”

Sră Jop 34:10

Gen tàng, iat tĕ añ ơ ală cau gơs bơta git wă, Yàng Tom Trồ ò gơs tŭ lơi lơh bơta iơh, Bơtau Gơnap Gơnoar Làm Jơh ò gơs tŭ lơi lơh tìs,

Sră Jop 34:19

Hơ̆ ò di Kơnràñ la Bơtau ò sền òsơp dê ală cau màng ryŭ, Ò sền cau pas gơs dờng màng rlau mơ cau rƀah, Bơh bol khai jơh tơl nă la broă lơh tê Kơnràñ dê ò ơ?

Sră Jop 38:14

Plai ù gơtòmgơl să kung be ù kơnàng hơđơm ƀang kì, Jơh ală bơta geh ñòm be dô nơm ào jrùh.

Lik Ejiptơ 20:6

mơya rơp yal tơlik bơta kòñ gơboh jơl tus rbô rài gơwèt hơ ală cau kòñ gơboh di Añ mơ prap gàr ală bơta sồr lam Añ jê.

Jơnau Pơnđik 13:7

Gơs cau lơh be pas, mơya ò gơs phan lơi; Kung gơs cau lơh be rƀah, mơya gơs phan mơna oă.

Jơnau Pơnđik 7:24

Behơ̆ tŭ do, iat tĕ añ, Ơn tĕ nùs tồr di ală jơnau đơs bơr añ jê.

Jơnau Pơnđik 8:32

Behơ̆ tŭ do, ơ ală kòn! Iat tĕ añ; Lơngai cau lơi in prap gàr gùng dà añ,

Esai 14:32

Ñchi jơnau rơp ho wơl mơ ală cau kong sồr tus bơh làng bol hơ̆ taih? Ho tĕ lah: “Yàng Jehôwa neh bơtào Siôn, ală cau siơ̆u siar tòm làng bol Kơnràñ dê rơp jòi bàn tiah kìng crŭ tòm hơ̆.”

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

Sôphôni 3:12

Mơya Añ rơp lòi wơl digùl bol mê ală cau lơbơn niam mơ tơnliah să. Bol khai rơp jòi jat mơ kìng crŭ tòm sơnđan Yàng Jehôwa dê.

Sacari 11:11

Gơ neh kòl gơltac sang tòm ngai hơ̆; mơ ală belàt kòl cèng tac, la ală belàt neh kơp gơn Añ, bol gơ git hơ̆ la jơnau Yàng Jehôwa dê.

Sacari 11:7

Behơ̆ Añ ala mat ală belàt neh kă bro, Añ neh gơlik gơs cau ê ală belàt tòm mpồl cèng lơh poac: Gen Añ ai bàr nơm gai jra, dô nơm Añ sơnđan Bơta Nđàc mơ dô nơm la Bơta Gơs Dô Bă Bal, mơ Añ ê mpồl belàt.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Jơnau Niam Jat Mak 7:14

Chòp Yàng Jesu hòi wơl mpồl làng bol tus mơ đơs lah: “Jơh ală bol mê iat tĕ Añ mơ wă tĕ lah:

Luka 12:21

Cau lơi prap lòi phan mơna he in mơ ò pas gơs jat nùs kòñ Yàng Tom Trồ gen kung behơ̆ sơl.”

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Luka 16:22

Cau rƀah lơòi hơ̆ chơt, geh cau gơnrơh cèng ơn di gah Abraham. Cau pas sơm kung chơt mơ cau cèng tơp.

Luka 16:25

Mơya Abraham đơs lah: ‘Ơ kòn, kah tĕ tòm tŭ gam kis, mê neh dòp geh ală bơta niam mê dê rau, ai Lasarơ neh kong ală bơta iơh; tŭ do khai ơm tềng do geh pơndòm pơniang, ai mê gen kong pơnjê pơngkồr.

Luka 22:29

Gen tàng Añ ai bơta song ring bol mê in, kung be Bèp neh ai Añ in sơl,

Luka 6:20

Yàng Jesu tơnggòr sền ală cau bơtê mơ đơs lah: “Lơngai bol mê in la cau rƀah lơòi, bơh lơgar Yàng Tom Trồ la bal mơ bol mê!

Jang 7:48

Gơs cau lơi tòm ală cau kwang hala tòm ală cau Pharisi neh dòn Khai sơl ơ?

Broă 7:2

Etien ho lah: “Ơ ală bèp, ală bi, iat tĕ añ! Yàng Tom Trồ gơklŏ neh tơlik să mơ ồng pàng bol he la Abraham tòm tŭ khai gam ơm tòm Mesôpôtami, lài mơ tŭ tus ơm tòm Caran,

Rôma 8:17

Dilah bol he la kòn sau, gen kung la cau pơrdòn: Cau pơrdòn Yàng Tom Trồ dê mơ la cau pơrdòn bal mơ Bơtau Krist sơl, mìng la bol he kong jê sồt bal mơ Kơnràñ, tồ kung geh bơta gơklŏ bal mơ Kơnràñ sơl.

I Kôrintô 2:9

Mơya kung be Jơnau neh cih lah: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.”

II Kôrintô 4:15

Bơh jơh ală bơta gơlik gơs la tài bơh oh mi, tồ bơta nđàc bơh oă cau sơlo bơtơl oă ngan, nàng lơh bơta ưnngài kung sơlo bơtơl tơngkah tơngkañ, mơ lơh gơklŏ Yàng Tom Trồ in.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Ephesô 1:18

Dan Yàng Tom Trồ sòl pơnđàng tòm nùs oh mi dê, tồ oh mi in rgơi git bơta gơn kơnòm bơh bơta hòi sac Kơnràñ dê la mbe lơi, sre brê gơklŏ crih crài Kơnràñ dê tòm ală cau sàng goh la mbe lơi,

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

I Tesalônika 2:12

Bol hi bơto pơndòm, pơndòm pơniang, mơ lơh cơng oh mi in, tồ oh mi in lơh lòt dô bă di pal ngan mơ Yàng Tom Trồ, la Bơtau hòi oh mi tus hơ lơgar mơ bơta gơklŏ Kơnràñ dê.

II Tesalônika 1:5

Hơ̆ la cơng tàng loh làng bơh bơta cahrña song ring Yàng Tom Trồ dê, nàng oh mi in geh kòp la di pal ngan mơ lơgar Yàng Tom Trồ, kung bơh lơgar hơ̆ mơ oh mi gam kong bòl glar.

I Timôthe 6:18

Bơto kràñ cê bol khai in pal lơh bơta niam, pas gơs tòm broă niam, rcang sir ai gòi mơ chò hòp tòmpà phan he dê cau in ƀà,

II Timôthe 4:18

Yàng rơp dong tă añ bơh di ală broă iơh bơsak, mơ dong klàs añ nàng mut tòm lơgar Kơnràñ dê hơđang trồ. Dan bơta gơklŏ gơrê hơ Kơnràñ sùm sùm ò lồi! Amen.

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Hebrơ 11:26

Khai sền bơta bơtat bơtròh bơh Bơtau Krist la kas rlau mơ phan màng Ejiptơ dê, bơh khai kơp gơn phan ƀàn.

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

Jakơ 1:16

Ơ oh mi kòñ gơboh añ jê, bañ gơkòl pơrlồm.

Jakơ 1:19

Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;

Jakơ 1:9

Oh mi lơi ơm tòm sèng cau dềt rhền, gen jòng să tĕ bơh bơta he geh yò tơngguh;

I Pier 1:4

mơ dòp geh sre brê ò roh rui, ò ƀơ̆ ƀơl, ò ro jrùh, prap lòi hơđang trồ oh mi in,

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.

Yal Tơlik 3:18

Behơ̆ Añ bơto tơngkah mê rwat tĕ màh Añ jê neh ryă tòm ồs, tồ mê in gơlik gơs pas sơm; rwat ală ào bò, tồ mê in soh nàng jơm ndơp bơta ƀàssìl bơh bơta ơm kuh lòi rồ mê dê; mơ rwat sơnơm nàng bong di mat tồ mê gŏ.

Ală Kwang Cahrña 9:7

Tòm tŭ cau yal Jôtham in jơnau hơ̆, gen khai guh ntào hơđang bồ mơnơm Gerijim mơ đơs dờng lah: “Ơ ală cau Sicem, iat tĕ añ, nàng Yàng Tom Trồ kung iat bol mê.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.