Jakơ 1:9 - Sră Goh 2018

⁹ Oh mi lơi ơm tòm sèng cau dềt rhền, gen jòng să tĕ bơh bơta he geh yò tơngguh;

Jakơ 1:9 ပူးပေါင်းရင်းမြစ်များ

Đơs Crih 62:9

Ală cau ò diă ò diơng mìng be dô dơ̆ tă nhơm, Ală cau dờng màng be jơnau blac pơrlồm; Ơn hơđang kơr gen bol khai gơyò nggòc, Bol khai dô bă bal nggòc rlau mơ nhơm tă.

Jơnau Pơnđik 17:5

Cau lơi dơñŏ tơnhial cau dồn sa rƀah dơñŏ tơnhial Bơtau crơng gơs bol khai; Cau lơi hòn chò bơh bơta rung rài cau ndai dê rơp ò geh klàs bơh bơta lơh glài.

Jơnau Pơnđik 19:1

Chan la cau rƀah ngui sa lơh lòt dô bă song ngan, rlau mơ cau gơs bơr sơndồi rkwet rkwe mơ la dô nă cau tùl gơla.

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

Luka 1:52

Tă tơlik cau gơnoar pràn bơh di sơbàn, Yò tơngguh cau ò diă ò diơng,

Luka 10:20

Bulah behơ̆, bañ hòn chò bơh ală cà dòn duh bol mê, mơya hòn chò tĕ bơh sơnđan mat bol mê dê neh geh cih hơđang trồ.”

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 9:48

mơ đơs mơ bol khai lah: “Dilah cau lơi bơh sơnđan Añ mơ wă rò kòn dềt do, hơ̆ la wă rò Añ; ai cau lơi wă rò Añ hơ̆ la wă rò Bơtau neh sồr Añ lòt tus. Bơh cau lơi dềt rhền rlau jơh digùl bol mê, hơ̆ la cau dờng rlau jơh.”

Rôma 8:17

Dilah bol he la kòn sau, gen kung la cau pơrdòn: Cau pơrdòn Yàng Tom Trồ dê mơ la cau pơrdòn bal mơ Bơtau Krist sơl, mìng la bol he kong jê sồt bal mơ Kơnràñ, tồ kung geh bơta gơklŏ bal mơ Kơnràñ sơl.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

Yal Wơl 15:11

Rơp gơs sùm ală cau rƀah lơòi tòm lơgar. Gen tàng añ ai jơnau sồr bol mê pal pò tê gơwèt hơ ală oh mi bol mê dê, mơ gơwèt hơ ală cau rƀah siơ̆u siar tòm lơgar bol mê dê.”

Yal Wơl 15:7

Dilah digùl oh mi gơs dô nă cau rƀah lơòi tòm ƀòn dờng, tòm lơgar mơ Jehôwa Yàng Tom Trồ bol mê dê ai bol mê in, gen bañ lơh kơldang nùs hala oañ kơnềs sềt pơniă gơwèt hơ oh mi rƀah lơòi bol mê dê.

Yal Wơl 15:9

Kơrhia tĕ bañ prap bơta kơlôi sơnơng iơh do: ‘Nam dơ̆ poh la nam toh jơh ală dồs rơp tus rềp,’ mơ bol mê ò yal tơlik nùs iơh gơwèt hơ oh mi siơ̆u siar bol mê dê mơ ò dong bol khai phan lơi. Bol khai rơp hòi lùp Yàng Jehôwa tòmdră mơ bol mê mơ bol mê rơp gơkòl àñ glài.

Philip 3:14

Behơ̆ añ ntoat song hơ tơnggu tồ sơmbat geh phan ƀàn bơh bơta hòi sac hơđang trồ Yàng Tom Trồ dê tòm Yàng Krist Jesu.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.