Jakơ 1:10 - Sră Goh 2018

¹⁰ cau pas gơs kung jòng să tĕ bơh bơta he geh tơnliah să, tài bơh khai rơp ro jrùh be bơkào ñhơt.

Jakơ 1:10 ပူးပေါင်းရင်းမြစ်များ

Sră Jop 14:2

Khai hòn dờng kung be bơkào gen ñòp ro, ntoat dô be dô nơm mƀur, khai ò ơm jŏ jòng.

Đơs Crih 102:11

Ală ngai añ jê mòr jơh kung be mƀur trồ mho; Añ ro rañ be ñhơt.

Đơs Crih 103:15

Rài kis kòn mơnus dê la be ñhơt; Khai gơlik dờng ò gơkrơi be bơkào tòm ƀlàng;

Đơs Crih 37:2

Bơh ò jŏ tai bol khai rơp gơkòl pès be ñhơt, Mơ ro mhar be ñhơt tơlir.

Đơs Crih 39:6

Ngan, kòp nă cơnđòa lòt ò gơkrơi be dô nơm mƀur, Bơta kơlôi rcang khai dê la ò kwơ; Cau tơrgòm pơjum phan mơna, mơya ò git ñcau rơp dòp prap.

Esai 40:6

Gơs jơnau đơs lah: “Hòi dờng tĕ!” Mơ añ đơs lah: “Ñchi jơnau añ rơp hòi taih?” “Jơh ală cau kung be ñhơt, jơh ală bơta gơklŏ gơ dê la kung be bơkào tòm ƀlàng.

Esai 40:7

Ñhơt ro mơ bơkào jrùh, tài bơh nhơm Yàng Jehôwa khồm hơđang gơ, ngan làng bol la ñhơt.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Mathiơ 6:30

Behơ̆ dilah ñhơt tòm ƀlàng la jơi ngai do gam mơ ngai hìng sơrbì tòm bơnhă, mơ Yàng Tom Trồ tơnsoh gơ in behơ̆ sơl, tơ ài lah bol mê, ơ ală cau gơs dô êt bơta dòn ne!

I Kôrintô 7:31

Ală cau ngui phan mơna dunnia, kung be cau ò ngui; tài bơh dunnia gơs tŭ do rơp lòt gan rlau.

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

Jakơ 4:14

Mơya oh mi ò git ngai hìng rơp gơlik be lơi! Bơta kis oh mi dê la ñchi taih? Bơh oh mi be dà tŭ, gơlik tòm dô êt jŏ gen roh thit.

I Pier 1:24

Bơh, “Jơh ală jơi poac să kung be ñhơt. Mơ bơta gơklŏ gơ dê be bơkào ñhơt. Ñhơt ro, bơkào jrùh;

I Jang 2:17

Dunnia bal mơ bơta hàm kòñ is gơ dê gơ rơp roh, mơya cau lơi lơh jat nùs kòñ Yàng Tom Trồ dê gen gam gơs sùm sùm.