I Timôthe 6:9 - Sră Goh 2018

⁹ Mơya cau kòñ bơta pas sơm gen gơtơmut tòm bơta ơniai, gơkòl yar dă, gơdùh tòm oă bơta hàm kòñ is, bơrngơl gơla sơbơng roh, la bơta lơh cau in gơtơnkram tòm bơta roh lơm mơ roh rui.

I Timôthe 6:9 ပူးပေါင်းရင်းမြစ်များ

I Ală Bơtau 21:6

Khai ho: “Bơh añ neh đơs mơ Nabôt, cau Jejreel lah: Ai tĕ suơn ño mê dê añ in mơ dòp priă, hala dilah mê kòñ, añ rơp ai mê in suơn ño ndai;” Mơya khai ho: “Añ ò ai suơn ño añ jê bơtau in.”

Đơs Crih 11:6

Kơnràñ rơp tơndùh ồs mơ siau kung be mìu hơđang cau iơh bơsak; Dô ròs càl duh trơàl rơp la pơnah bol khai in.

Jơnau Pơnđik 15:27

Cau hàm hà cồng nha ò song ring lơh sơlồng sơlàng hìu bol khai dê; Ai cau gơjrañ phan sa loă rơp geh kis.

Jơnau Pơnđik 20:21

Sre brê he geh mhar tŭ sơnròp, mơ lồi dut rơp ò geh lơngai.

Jơnau Pơnđik 21:6

Phan mơna geh bơh lơmpiat blac pơrlồm, hơ̆ la nhơm tă mhar jơh la dă pơt bơta chơt.

Jơnau Pơnđik 22:16

Cau lơi rồn bơklơn cau rƀah nàng lơh khai in pas gơs; mơ cau lơi ai cau pas gơs in mìng lơh khai in gơmut tòm bơta siơ̆u siar.

Jơnau Pơnđik 23:4

Kòn bañ kong bòl glar oă nàng gơs pas sơm; ơm tĕ bañ kơnòm bơta àng loh jak chài is kòn dê.

Esai 5:8

Bòl glar bol mê in la cau bơtơl hìu tòm hìu, bơtơl sre tòm sre, jơl tus di tŭ ò gam tiah pah tai, mơ bol mê ơm is dô nă tòm lơgar.

Sacari 11:5

Ală cau blơi bol gơ neh sreh tơnchơt bol gơ mơ ò gơkòl lơh glài. Ală cau tac bol gơ đơs lah: ‘Jòng ro Yàng Jehôwa, bơh añ neh pas gơs!’ Ală cau ê bol gơ dê ò nđàc di bol gơ.”

Khà Làng Bol 31:8

Digùl ală cau neh gơkòl tơnchơt gơs Ebi, Rekem, Jur, Hur mơ Reba la pram nă cau bơtau Midian dê. Bol khai kung ai đào tơnchơt Balaam kòn klau Beô dê.

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Mathiơ 19:22

Mơya dơ̆ kơno jơnau hơ̆, gen cau pơnu moat jrùng mơ lòt, bơh khai gơs oă ngan phan mơna.

Mathiơ 26:15

Mơ đơs lah: “Ală ồng kòñ ai añ in nđò nàng añ bơtào Khai ală ồng in?” Gen bol khai ai Juda in pe jơt pet priă.

Mathiơ 6:19

“Bol mê bañ prap lòi phan màng tòm ù, la tiah gơs mŏ tu mơ è sa siar roh, mơ cau blơ̆ tò ƀlong mut kơñau.

Jơnau Niam Jat Mak 4:19

mơya bơta kơlôi rcang rài do dê, bơta pơrlồm bơta pas sơm dê, mơ ală bơta hàm kòñ ndai gơtơmut tòm nùs bol khai, lơh gơrềt jơnau hơ̆ gen ò gơlik plai.

Luka 12:21

Cau lơi prap lòi phan mơna he in mơ ò pas gơs jat nùs kòñ Yàng Tom Trồ gen kung behơ̆ sơl.”

Luka 21:35

bơh ngai hơ̆ rơp tus hơđang kòp nă cau ơm làm gùt plai ù kung behơ̆ sơl.

Broă 8:20

Mơya Pier ho lah: “Lòi tĕ priă mê gơ roh rui bal mơ mê, tài bơh mê tồnlah ai jền priă rgơi rwat bơta ai gòi Yàng Tom Trồ dê!

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Yal Wơl 7:25

Ală rùp duh khoai ală yàng bol khai dê, bol mê pal chu jơh tòm ồs. Bañ hàm hà priă mơ màh di bol gơ, mơ bañ ai gơ să tòm bol mê in, rngòt bol mê rơp gơkòl yar dă gơ dê, bơh gơ la cù kìr di đap Jehôwa Yàng Tom Trồ bol mê dê.

I Timôthe 1:9

kung git bơta boh lam ò di geh bơtào cau song ring in, mơya geh bơtào ală cau ò jat bơta boh lam mơ cau tòmdră in, cau ò duh rngòt mơ cau glài, cau ò sàng goh mơ cau jat dunnia, cau tơnchơt mè bèp mơ cau tơnchơt cau in,

I Timôthe 3:7

Cau gơnoar bơto pal geh cau bơdìh lơh cơng niam bơh khai, rngòt khai kòl cau bơtat bơtròh mơ yar dă cà ràk dê.

I Timôthe 6:10

Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

II Timôthe 2:26

mơ bol khai git kah nàng dong he lik klàs bơh dă cà ràk kup nàng lơh jat nùs kòñ gơ dê.

Sră Pơyoa Pol Dê Pơyoa Tit In 2:12

Bơta nđàc hơ̆ bơto bol he pơndang sang tĕ bơta ò duh rngòt mơ nùs hàm kòñ is dunnia dê, mơ pal kis dô bă git kơrhia, song ring mơ duh rngòt tòm rài do,

Jôsue 7:11

Israel neh tìs glài; bol khai neh lơh tìs mơ bơta ho bal Añ jê mơ Añ neh sồr bol khai pal prap. Bol khai neh ai phan pal phi ơn; bol khai neh kơñau, neh lơh bơta blac pơrlồm mơ neh ơn ală phan hơ̆ bal mơ ală phan tòm bol khai dê.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.