I Timôthe 6:4 - Sră Goh 2018

⁴ gen cau hơ̆ la jòng is să he, ò git wă dô êt lơi; mơya khai gơs nùs òs pơndang mơ tòm pơndang bal bơh ală jơnau đơs, tài bơh hơ̆ gơlik gơs bơta ƀoah tòmlah, tòmpìt tòmhà, bơrsèl tơnhial, pin iơh,

I Timôthe 6:4 ပူးပေါင်းရင်းမြစ်များ

Jơnau Pơnđik 13:7

Gơs cau lơh be pas, mơya ò gơs phan lơi; Kung gơs cau lơh be rƀah, mơya gơs phan mơna oă.

Jơnau Pơnđik 25:14

Cau lơi jòng să phan ơn he òhềt ơn, ò gơkrơi be mhwal gơs càl, mơ ò gơs mìu.

Jơnau Pơnđik 26:12

Kòn neh gŏ cau lơi jak chài jat mat khai sơl? Gam gơs bơta gơn kơnòm cau tùl gơla in rlau mơ khai.

Esai 58:4

Sền ne, bơta ơt sa bol mê dê mìng cèng tus bơta tòmlah tòm pơndang bal mơ bơta tòmlơh; mơ sơmbat tê iơh bơsak. Bol mê ơt sa kung be bol mê lơh tòm ngai do rơp ò lơh sap đơs bol mê dê geh kơno tòm tiah jơnhoa.

Broă 15:2

Tŭ hơ̆, gơs bơta ò dô nùs bal mơ bơta tòm pơndang oă ngan gơlik gơs digùl Pol mơ Banaba bal mơ ală cau hơ̆. Gen tàng Pol mơ Banaba bal mơ dô êt cau tòm mpồl bol hơ̆ geh sac rwah guh hơ Jerusalem, lòt tus hơ ală cau gơnoar bơto dờng mơ ală cau kwang kra nàng lùp bơh broă do.

Broă 18:15

Mơya dilah do la bơta tòm pơndang bơh ală jơnau đơs, ală sơnđan hala bơta boh lam is bol mê dê, gen cahrña is tĕ bol mê dê, añ ò bài cahrña ală broă hơ̆ ò.”

Broă 8:9

Mơ tai, tòm ƀòn dờng hơ̆ gơs dô nă cau sơnđan la Simôn, bơh lài khai la cau juh proh, dòp is să he la cau dờng màng, lơh làng bol Samari in ai lơh crih crài.

Rôma 12:16

Kis gơtòmsòr bal mơ gơp; bañ kơlôi hơ đah bơta dờng lin, mơya pơndêt tĕ să. Bañ jòng să he la jak chài.

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

Rôma 14:1

Dòp rò tĕ cau lơbơn tòm bơta dòn, mơya bañ pơndang bal bơh nùs kơlôi is cau dê.

Rôma 2:8

ai cau lơi gơs nùs tòmdră, ò bài dòn jat jơnau song, mơya jat bơta ò song ring, gen Yàng Tom Trồ rơp tuh hơđang bol khai bơta gơjrañ dờng mơ gơhào gơjrañ.

I Kôrintô 11:16

Mơya dilah cau lơi kòñ tòm pơndang, gen bol hi ò gơs bơta òs mòng behơ̆, mơ ală Hìu Jum Goh Yàng Tom Trồ dê kung ò gơs sơl.

I Kôrintô 11:18

Lài ngan añ kơno lah tòm tŭ oh mi pơjum tòm Hìu Jum Goh, gen gơs bơta cah is mpồl digùl oh mi; añ kung dòn dô êt bơh bơta hơ̆.

I Kôrintô 3:18

Bañ gơs cau lơi pơrlồm să he. Dilah gơs cau lơi tòm oh mi kơlôi he la jak chài tòm rài do, gen lòi tĕ khai gơlik gơs tùl gơla nàng khai gơlik gơs jak chài ngan.

I Kôrintô 3:3

bơh oh mi gam la cau kis jat poac să; bơh tòm oh mi gơs bơta ƀoah mơ tòm pơndang, gen oh mi ò di cau jat poac să mơ lơh lòt kung be cau rài do ò ơ?

II Kôrintô 11:20

Dilah gơs cau lơi kup oh mi tơmut tòm yô dĭ gơna, hala gơs cau sa loan oh mi, hala gơs cau kup kơñau oh mi, hala gơs cau sền òsơp oh mi, hala gơs cau pah di mat oh mi, gen oh mi kung kong dòp jơh.

Galati 5:15

Mơya dilah oh mi kap loan gơp he, gen kơrhia tĕ, rngòt oh mi tòm tơnroh bal mơ gơp.

Galati 5:26

Bañ jòi jat bơta tiơng pơnro màng ryŭ ò kwơ nàng tòm bơrcek bal mơ ƀoah gơjrañ bal.

Galati 6:3

Bơh dilah gơs cau lơi kơlôi să tòm khai la cau kwơ màng, mơya ngan khai la cau ò kwơ dô êt lơi, gen khai pơrlồm is să khai dê.

Philip 1:15

Ngan, gơs cau ƀà bơto yal bơh Bơtau Krist, la bơh nùs ƀoah gơjrañ mơ tòm pơndang, mơya kung gơs cau ƀà tai la bơh nùs niam mơ bơto yal.

Philip 2:14

Bulah lơh broă lơi gen bañ yoam mơ tòm pơndang bal,

Philip 2:3

Bañ lơh bơta lơi bơh nùs sềt pơniă hala bơh bơta gơklŏ ò kwơ, mơya pìn pơndêt tĕ să, kòp nă sền cau ndai la dờng màng rlau mơ he.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

I Timôthe 1:4

đơs tĕ bol khai in bañ iat ală jơnau gơlềng gơlàng mơ ală jơnau jòi yau jat jơi ò lồi, la ală jơnau lơh gơlik bơta tòm pơndang bal mơya ò kwơ tòm broă at bồ hìu Yàng Tom Trồ dê tòm bơta dòn.

I Timôthe 1:7

bol khai kòñ lơh gơs cau bơto bơta boh lam bulah ò git wă jơnau bol khai đơs hala bơta bol khai lơh nền.

I Timôthe 3:6

Cau pa dòn jat ò di lơh gơs cau gơnoar bơto, rngòt khai jòng is să he mơ dùh tòm bơta lơh glài jàm lòi cà ràk in mòn.

II Timôthe 2:14

Hơ̆ la bơta mê pal tơngkah bol khai in mơ bơto kràñ cê bol khai in di đap Yàng lah bañ tòm pơndang bơh jơnau đơs, bơh bơta hơ̆ la ò kwơ, mìng gơlơh iơh di cau iat.

II Timôthe 2:23

Tòmdră tĕ mơ ală jơnau tòm pơndang bơrngơl gơla ò kwơ bơh git lah ală bơta hơ̆ mìng gơlik gơs bơta tòmpìt tòmhà lơm.

II Timôthe 3:4

pơrlơ̆ dră di oh mi bơyô, mhar gơhào nùs, jòng is să he, kòñ gơboh bơta kơnhơl lềng rlau mơ bơta kòñ gơboh di Yàng Tom Trồ,

Sră Pơyoa Pol Dê Pơyoa Tit In 3:9

Mơya pal pleh di ală bơta tòm pơndang tùl gơla, ală jơnau jòi yau jat jơi, ală bơta pơndang mơ tòm pơndang bal bơh bơta boh lam, bơh ală bơta hơ̆ la ò kwơ mơ roh lơm.

Jakơ 1:19

Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;

II Pier 2:12

Mơya bol khai kung be phan poan jơng ò gơs dơngoh kơlôi, mìng tơnggơs jat bơta òs, lòi cau in kup lơh poac; bol khai jak đơs bơrsèl tơnhial di ală bơta bol khai ò git wă, gen bol khai rơp kong tơnroh tòm bơta roh rui bal mơ bol gơ;

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

Jude 1:10

Mơya ală cau do bơrsèl tơnhial di ală bơta bol khai ò git wă, ai ală bơta bol khai jat bơta òs mơ git kung be ală phan poan jơng ò gơs dơngoh kơlôi, gen bol khai kòl tơnroh bơh ală bơta hơ̆.

Jude 1:16

Ală cau hơ̆ la cau jak yoam pơrhiat mơ ò hừh nùs, lơh jat bơta hàm kòñ is he dê, jak đơs jơnau pơnhừ să, ngui jơnau đơs rơmhòc nàng geh cồng nha.

Yal Tơlik 3:17

Bơh mê đơs: ‘Añ pas gơs, añ neh pas sơm rau, ò càng phan lơi tai;’ mơya mê ò git mê la cau bòl glar, pal nđàc sơngit, rƀah lơòi, jơngo mat mơ ơm kuh lòi rồ.