I Timôthe 5:5 - Sră Goh 2018

⁵ Cau ngan la ùr bơnrau mơ ơm is dô nă khai gen neh gơs nùs gơn kơnòm di Yàng Tom Trồ, ngai mơ mang kư̆ hòi dan, rac dan mơ Yàng.

I Timôthe 5:5 ပူးပေါင်းရင်းမြစ်များ

Đơs Crih 91:4

Yàng rơp jơm gòm mê kung be iar me jơm gòm kòn tòm tiah đar gơ dê, Mơ tòm tiah đar Kơnràñ dê mê rơp kìng crŭ să he; Bơta dòn song Kơnràñ dê kung be khèl mơ phan đo mê dê.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 3:26

Ală mpồng Siôn dê rơp ñìm rac mơ pơt wòl; Khai rơp be dô nă cau ùr nggui tòm ù ngềt ngơt.

Esai 49:21

Gen bol mê rơp đơs tòm nùs bol mê dê lah: ‘Ñcau neh tơnggơs añ in ală kòn do taih? Añ neh ñìm ƀồc mơ ơm kơnền; Añ neh kong kup cèng mơ ơm tiah ngài. Ñcau neh ròng siam ală kòn do taih? Añ neh gơkòl sang lòi ơm is dô nă, mơya ală kòn do neh tus bơh lơi taih?’”

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Esai 54:1

“Đơs chò tĕ ơ cau ơm kơnền la cau ò tŭ lơi deh dô nă kòn; ai sap đơs chò driau dờng tĕ! Ơ ală cau ò tŭ lơi kong jê deh; tài bơh cau ùr gơkòl sang lòi rơp gơs oă kòn rlau mơ cau ùr gơs bau klau.” Yàng Jehôwa đơs behơ̆.

Ñìm Rac 1:13

Bơh tiah jơnhoa Kơnràñ neh sồr ồs tus gơmut jrô tòm ntìng añ jê; Kơnràñ pơt dă di jơng añ jê, Kơnràñ wèt ngkòi di añ; Kơnràñ lòi añ ơm is, lơgah lơgañ jơh ngai mho.

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Broă 26:7

Bơh bơta ho pơgon hơ̆, mơ jơt bàr jơi bơtiàn bol hi dê kơp kòñ dòp geh, gen tàng duh khoai Yàng Tom Trồ sùm ngai mơ mang. Ơ bơtau, tài bơh bơta gơn kơnòm hơ̆, tàng añ kòl cau Juda yă wơn do.

Broă 6:1

Tòm tŭ hơ̆, khà cau bơtê sơlo gơbơtơl oă tai, ală cau Juda đơs jơnau Grek yoam cau Juda đơs jơnau Aram, bơh ală cau ùr bơnrau bol khai dê neh kòl cau sang lòi tòm bơta pà phan kòp ngai.

Broă 9:39

Pier ñă lòt bal mơ bol khai. Neh tus tềng hơ̆ rau, cau lam Pier tus tòm ơdŭ tap hơđang; jơh ală cau ùr bơnrau ntào di gah Pier mơ ñìm, mơ tơyơr sơnio khai in sền ală ào jrùh mơ ồi ào ndai mơ Dorkas neh jing bol khai in tòm tŭ khai gam kis.

Broă 9:41

Pier ai tê yò tơngguh khai in ntào, gen hòi ală cau sàng goh mơ ală cau ùr bơnrau tus sơnio bol khai in mò neh kis.

Rôma 1:12

hơ̆ la nàng bol he rgơi dong kòl bal mơ gơp bơh bơta dòn bol he dê, hơ̆ la oh mi dê mơ añ jê sơl.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

I Kôrintô 7:32

Mơya añ kòñ oh mi ò càng kơlôi rcang. Cau lơi ò gơs bau, gen kơlôi rcang bơh broă Yàng nàng niam nùs Yàng;

I Kôrintô 7:34

Gen cau hơ̆ kơlôi rcang bàr pơnah. Cau ùr gơs bau mơ cau ơruh gơs pơnah krơi is: Cau ùr ò gơs bau gen kơlôi rcang bơh broă Yàng, nàng lòi jơh să jan mơ hwềng nùs gơs sàng goh; mơya cau ùr gơs bau gen kơlôi rcang bơh broă rài do nàng niam nùs bau klau.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Philip 4:6

Bañ kơlôi rcang bơh bơta lơi, mơya tòm jơh ală bơta ai tĕ jơnau hòi dan, rac dan, mơ bơta ưnngài mơ yal tơlik ală bơta kòñ dan he dê Yàng Tom Trồ in git.

I Timôthe 2:1

Behơ̆ sơnròp ngan añ bơto tơngkah lah: Pal rac dan, hòi dan, hòi dan ala, mơ ưnngài jơh tơl nă cau in,

I Timôthe 5:16

Dilah cau ùr lơi la cau dòn jat Yàng gơs cau ùr bơnrau tòm hìu he, gen dong kòl tĕ bol khai, tồ ò lơh kơnjơ̆ Hìu Jum Goh in, nàng Hìu Jum Goh in rgơi dong kòl ală cau ngan la ùr bơnrau.

I Timôthe 5:3

Ki ngàm tĕ di cau ùr bơnrau ngan la ùr bơnrau.

II Timôthe 1:3

Añ ưnngài Yàng Tom Trồ la Bơtau añ duh broă mơ nùs tồr sàng goh, be ồng pàng añ neh lơh, bơh añ kah mê ò dơh ngai mơ mang tòm tŭ hòi dan.

I Pier 3:5

Bơh ală cau ùr sàng goh rài yau gơn kơnòm di Yàng Tom Trồ, bol khai kung neh sơmpô să he behơ̆ sơl, mơ dòn duh bau klau he,

Rutơ 2:12

Dan Yàng Jehôwa tơm wơl ai in jat ală bơta ai neh lơh. Dan ai in dòp geh phan ƀàn dờng tus bơh Jehôwa la Yàng Tom Trồ Israel dê, hơđơm pơnđar Bơtau hơ̆ ai neh tus kìng crŭ.”