I Timôthe 5:1 - Sră Goh 2018

¹ Bañ lah pơrhơng kơnjơ̆ cau kra, mơya bơto tơngkah tĕ khai be bèp; ai cau pơnu gen be oh mi;

I Timôthe 5:1 ပူးပေါင်းရင်းမြစ်များ

Lebi 19:32

Ñă ntào tĕ di đap mat cau jòng sơnam, ki ngàm tĕ di ală cau kra mơ duh rngòt tĕ di Yàng Tom Trồ. Añ la Yàng Jehôwa.

Mathiơ 23:8

Mơya bol mê bañ lòi cau sơnđan bol mê la Rabi, bơh bol mê gơs mìng dô Bơtau la Cau Bơto, ai jơh ală bol mê la oh mi.

Broă 14:23

Tơnơ̆ mơ tŭ neh bơtào gơnoar broă ală cau kwang kra tòm kòp nơm Hìu Jum Goh, bàr nă cau gơnoar bơto dờng hòi dan, ơt sa rau, mơ jào ală cau hơ̆ Yàng in la Bơtau bol khai dòn kơnòm.

Broă 15:4

Tòm tŭ tus hơ Jerusalem, bol khai geh Hìu Jum Goh, ală cau gơnoar bơto dờng mơ ală cau kwang kra wă rò, lồc behơ̆ bol khai yal wơl jơh ală bơta Yàng Tom Trồ neh lơh kơnòm di bol khai.

Broă 15:6

Ală cau gơnoar bơto dờng mơ ală cau kwang kra pơjum bal nàng sền sơwì bơh broă do.

Broă 20:17

Bơh Miletus Pol sồr cau lòt hơ Ephesô, jà ală cau kwang kra Hìu Jum Goh dê tus tìp khai.

Rôma 13:7

Tơm tĕ bol khai in bơta he pal tơm; boh dia tĕ di cau he pal boh dia; tă dia tĕ di phan lơi he pal tă; rngòt tĕ di cau he pal rngòt; ki ngàm tĕ di cau he pal ki.

Galati 6:1

Ơ oh mi, dilah gơs cau lơi nisơna gơtơntìs glài lơi, gen oh mi la cau gơs Yàng Hwềng, ai tĕ nùs niam lơnhơn nàng dong kòl bol khai; să tòm oh mi kơrmap gàr tĕ, rngòt kung gơkòl ơniai sơl.

Yal Wơl 33:9

khai neh đơs bơh bèp mơ bơh mè khai dê lah: ‘Añ ò sền bol khai dờng màng;’ khai ò đal git ală oh mi khai dê, hala dòp git ală kòn sau tòm khai dê. Bơh khai lơh jat jơnau Kơnràñ dê, mơ prap gàr bơta ho bal Kơnràñ dê.

I Timôthe 5:17

Ală cau kwang kra lam bồ dô bă niam gen cau pal ki ngàm oă rlau tai, lài ngan la ală cau kong bòl glar tòm broă bơto jơnau Yàng mơ bơto sồr.

I Timôthe 5:2

cau ùr jòng sơnam kung be mè; cau ơruh be ruh lŏ, mơ pal gơs sàng goh tòm jơh ală bơta.

Sră Pơyoa Pol Dê Pơyoa Tit In 2:2

Tơngkah tĕ ală cau kra pal git kơrhia, kràñ cê, jak chài, ơm kơ̆ tòm bơta dòn, bơta kòñ gơboh mơ bơta ơt ơl.

Sră Pơyoa Pol Dê Pơyoa Tit In 2:6

Kung pal bơto tơngkah ală cau klau kơnòm să lơh lòt dô bă git kơrhia.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

Jakơ 5:14

Gơs cau lơi tòm ală oh mi kòp jê sơl? Cau hơ̆ jà tĕ ală cau kwang kra tòm Hìu Jum Goh tus, nàng bol khai ai sơnđan Yàng bong mơñà hòi dan cau kòp jê in.

I Pier 5:1

Behơ̆ añ bơto tơngkah ală cau kwang kra tòm oh mi, añ do kung la cau kra be oh mi sơl, la cau lơh cơng bơh bơta bòl glar jê sồt Bơtau Krist dê, mơ kung gơs pơnah tòm bơta gơklŏ rơp geh ràng tơlik.

II Jang 1:1

Jang la kwang kra pơyoa mò in la cau geh sac rwah bal mơ ală kòn mò dê mơ añ kòñ gơboh jơh nùs, ò di mìng añ lơm ò, mơya jơh tơl nă cau git jơnau song kung kòñ gơboh sơl;

III Jang 1:1

Jang, Kwang kra pơyoa Gaius in la cau añ kòñ gơboh jơh nùs.

Yal Tơlik 4:4

Gùt dar sơbàn hơ̆ gơs bàr jơt poan nơm sơbàn ndai; hơđang ală sơbàn do gơs bàr jơt poan nă cau kwang kra nggui, bol khai soh ào bò mơ dê bồ bol khai ndau sơgơn mơ màh.