I Timôthe 4:8 - Sră Goh 2018

⁸ Bơh bơta bơtê lơh pràn să jan in gen gơs kwơ dô êt lơm, ai bơta duh rngòt gơs kwơ tòm jơh ală bơta, bơh neh gơs jơnau ho pơgon bơh bơta kis tòm rài do mơ tòm rài tơnơ̆ sơl.

I Timôthe 4:8 ပူးပေါင်းရင်းမြစ်များ

Sră Jop 22:2

“Dô nă kòn mơnus rgơi gơs kwơ Yàng Tom Trồ in sơl? Tian gơs cau jak chài rlau jơh rgơi gơs kwơ Kơnràñ in sơl?

Sră Jop 36:11

Dilah bol khai iat mơ duh broă Kơnràñ, Gen bol khai dòp wil tơl bơta pas gơs lơngai lơngò tòm jơh rài kis bol khai dê, Mơ ală nam bol khai dê geh niam nùs.

Đơs Crih 145:19

Kơnràñ lơh hừh nùs jơh ală cau duh rngòt di Kơnràñ, Kung iat jơnau hòi dan bol khai dê mơ dong klàs bol khai.

Đơs Crih 37:11

Mơya cau niam lơnhơn rơp dòp geh lơgar, Mơ geh hừh hơh tòm bơta lơngap lơngai wil tơl.

Đơs Crih 37:29

Cau song ring rơp dòp geh lơgar, Mơ ơm tềng hơ̆ sùm sùm.

Đơs Crih 37:9

Bơh ală cau iơh rơp gơkòl tơnroh, Mơya cau lơi kơp gơn Yàng Jehôwa gen khai rơp dòp geh lơgar.

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Jơnau Pơnđik 19:23

Bơta duh rngòt Yàng Jehôwa lam tus hơ bơta kis, ò gơkòl bơta iơh.

Jơnau Pơnđik 22:4

Phan bàn bơta pìn pơndêt să dê mơ bơta duh rngòt Yàng Jehôwa, hơ̆ la bơta pas gơs, bơta jòng màng mơ bơta kis.

Cau Bơto 8:12

Bulah cau glài lơh iơh dô rhiang dơ̆ gam geh kis jŏ; bulah behơ̆, añ git lah cau duh rngòt di đap Yàng Tom Trồ, lồi dut rơp geh lơngai, tài bơh bol khai ntào tòm bơta duh rngòt di đap Yàng Tom Trồ.

Esai 3:10

Yal tĕ cau ò gơs glài in git lah bơtoah ngan bol khai in, bơh bol khai rơp sa bơh cồng nha broă lơh bòl glar bol khai dê.

Esai 33:16

Bol khai rơp ơm tòm tiah jơnhoa; tiah kìng crŭ bol khai dê tòm tiah kơp gàr hơđang pơnai lŭ klềr; phan sa bol khai dê rơp geh ai bơtơl, mơ dà hùc bol khai dê rơp ò tŭ lơi siơ̆u.

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Mathiơ 12:32

Dilah cau lơi đơs tòmdră mơ Kòn mơnus gen rơp geh toh, mơya cau lơi đơs tòmdră mơ Yàng Hwềng Goh gen ò geh toh bulah tòm rài do hala tòm rài tơnơ̆.”

Mathiơ 19:29

Dilah cau lơi bơh sơnđan Añ mơ sang hìu đam, oh mi, ruh lŏ, mè bèp, oh kòn, hala sre brê, gen cau hơ̆ rơp dòp leng dô rhiang dơ̆ rlau mơ hơ̆, mơ pơrdòn bơta kis gam sùm sùm.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Jơnau Niam Jat Mak 10:30

gen rơp dòp leng tòm tŭ do mơ tòm rài do, dô rhiang dơ̆ rlau mơ ală hìu đam, oh mi, ruh lŏ, mè bèp, oh kòn, sre brê, bal mơ bơta kup kơryan, mơ bơta kis gam sùm sùm tòm rài tơnơ̆.

Luka 5:38

Mơya tơrnòm pa pal tròc tòm nhồng gơltau pa.

Rôma 8:28

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

I Kôrintô 3:22

Bulah Pol, hala Apôlôs, hala Sepha, hala dunnia, hala bơta kis, hala bơta chơt, hala broă tŭ do, hala broă rơp tus, jơh ală bơta la gơrê bal mơ oh mi;

I Kôrintô 8:8

Ò di bơh phan sa mơ bol he geh đềt mềr mơ Yàng Tom Trồ. Dilah bol he ò sa, kung ò gơhuc bơta lơi; dilah sa kung ò gơlin bơta lơi.

I Timôthe 4:7

Sang tĕ ală jơnau gơlềng gơlàng jat dunnia mơ jơnau bơceh is ală mò kra dê, mơya bơtê is tĕ bơh bơta duh rngòt.

I Timôthe 6:3

Dilah gơs cau lơi bơto gùng duh khoai ndai, ò jat gùng duh khoai song Yàng Jesu Krist bol he dê, mơ jơnau bơto sồr jat bơta duh rngòt,

I Timôthe 6:5

mơ bơta tòm pơndang bal ală cau gơs nùs kơlôi ƀơ̆ iơh, ò gơs jơnau song, sền bơta duh rngòt be la bơta jòi cồng nha.

I Timôthe 6:6

Mơya nùs duh rngòt bal mơ bơta hừh nùs, hơ̆ la bơta cồng nha dờng.

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

Sră Pơyoa Pol Dê Pơyoa Tit In 3:8

Jơnau hơ̆ la nền cê ngan, añ kòñ mê đơs nền ală bơta hơ̆ dô bă pràn kơldang tồ ală cau in neh dòn jat Yàng Tom Trồ gen jơh nùs tơryang tơryồng lơh ală broă niam, hơ̆ la ală bơta niam mơ gơs kwơ cau in.

Hebrơ 13:9

Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.

Yal Tơlik 3:12

Cau lơi geh pha lin rlau, gen Añ rơp lơh khai in gơlik gơs dô nơm jrong tòm hìu duh khoai Yàng Tom Trồ Añ jê, mơ khai ò gơs tŭ lơi lik bơh tềng hơ̆ tai. Añ rơp cih hơđang khai sơnđan Yàng Tom Trồ Añ jê, sơnđan ƀòn dờng Yàng Tom Trồ Añ jê, la Jerusalem pa hơđang trồ bơh Yàng Tom Trồ Añ jê mơ mù, bal mơ sơnđan pa Añ jê.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.