I Timôthe 4:7 - Sră Goh 2018

⁷ Sang tĕ ală jơnau gơlềng gơlàng jat dunnia mơ jơnau bơceh is ală mò kra dê, mơya bơtê is tĕ bơh bơta duh rngòt.

I Timôthe 4:7 ပူးပေါင်းရင်းမြစ်များ

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

I Timôthe 1:4

đơs tĕ bol khai in bañ iat ală jơnau gơlềng gơlàng mơ ală jơnau jòi yau jat jơi ò lồi, la ală jơnau lơh gơlik bơta tòm pơndang bal mơya ò kwơ tòm broă at bồ hìu Yàng Tom Trồ dê tòm bơta dòn.

I Timôthe 1:9

kung git bơta boh lam ò di geh bơtào cau song ring in, mơya geh bơtào ală cau ò jat bơta boh lam mơ cau tòmdră in, cau ò duh rngòt mơ cau glài, cau ò sàng goh mơ cau jat dunnia, cau tơnchơt mè bèp mơ cau tơnchơt cau in,

I Timôthe 2:10

mơya ai broă niam nàng sơmpô să, sồng di pal mơ cau ùr sơnđan is să he la cau ùr duh rngòt di Yàng Tom Trồ.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Timôthe 4:8

Bơh bơta bơtê lơh pràn să jan in gen gơs kwơ dô êt lơm, ai bơta duh rngòt gơs kwơ tòm jơh ală bơta, bơh neh gơs jơnau ho pơgon bơh bơta kis tòm rài do mơ tòm rài tơnơ̆ sơl.

I Timôthe 6:11

Mơya, ơ kòn la cau Yàng Tom Trồ dê, pleh tĕ di ală bơta hơ̆, mơ jòi jat bơta song ring, bơta duh rngòt, bơta dòn, bơta kòñ gơboh, bơta ơt ơl, bơta niam lơnhơn.

I Timôthe 6:20

Ơ Timôthe, kơrmap gàr tĕ bơta neh jào mê in, pleh tĕ di ală jơnau gơlềng gơlàng ƀơ̆ ƀơl jat dunnia, mơ ală bơta sòdră bơta git jak dê, la bơta git jak mìng gơs sơnđan gòi.

I Timôthe 6:3

Dilah gơs cau lơi bơto gùng duh khoai ndai, ò jat gùng duh khoai song Yàng Jesu Krist bol he dê, mơ jơnau bơto sồr jat bơta duh rngòt,

I Timôthe 6:5

mơ bơta tòm pơndang bal ală cau gơs nùs kơlôi ƀơ̆ iơh, ò gơs jơnau song, sền bơta duh rngòt be la bơta jòi cồng nha.

II Timôthe 2:16

Mơya pal pleh tĕ di ală jơnau gơlềng gơlàng ƀơ̆ ƀơl jat dunnia, bơh ală cau đơs jơnau hơ̆ sơlo gơtơntìs tai tòm bơta ò duh rngòt,

II Timôthe 2:23

Tòmdră tĕ mơ ală jơnau tòm pơndang bơrngơl gơla ò kwơ bơh git lah ală bơta hơ̆ mìng gơlik gơs bơta tòmpìt tòmhà lơm.

II Timôthe 3:12

Ngan, jơh tơl nă cau kòñ kis dô bă duh rngòt tòm Yàng Krist Jesu, gen rơp gơkòl kup kơryan.

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

II Timôthe 4:4

sềt tồr ò bài iat jơnau song, mơ wèt tồr hơ đah jơnau gơlềng gơlàng.

Sră Pơyoa Pol Dê Pơyoa Tit In 1:14

ò di iat jơnau gơlềng gơlàng cau Juda dê, mơ bơta sồr lam kòn mơnus la cau pơrlac sang jơnau song.

Sră Pơyoa Pol Dê Pơyoa Tit In 2:12

Bơta nđàc hơ̆ bơto bol he pơndang sang tĕ bơta ò duh rngòt mơ nùs hàm kòñ is dunnia dê, mơ pal kis dô bă git kơrhia, song ring mơ duh rngòt tòm rài do,

Sră Pơyoa Pol Dê Pơyoa Tit In 3:9

Mơya pal pleh di ală bơta tòm pơndang tùl gơla, ală jơnau jòi yau jat jơi, ală bơta pơndang mơ tòm pơndang bal bơh bơta boh lam, bơh ală bơta hơ̆ la ò kwơ mơ roh lơm.

Hebrơ 5:14

Mơya phan sa kơldang gen lòi ală cau neh dờng in, la ală cau kơnòm di bơta lơh jat mơ bơtê git bơta chài rgơi nàng cah is bơta niam mơ bơta iơh.