I Timôthe 4:3 - Sră Goh 2018

³ Bol khai bơkơŭ lap klau tòmbau ùr, mơ sồr wèr ală phan sa Yàng Tom Trồ neh crơng gơs, ai cau dòn mơ git jơnau song in ưnngài mơ dòp ngui.

I Timôthe 4:3 ပူးပေါင်းရင်းမြစ်များ

Sơnròp Gơlik Gơs 9:3

Jơh ală phan lơi wañ mơ gơs bơta kis gen mê ngui lơh gơs phan sa. Añ ai jơh phan hơ̆ be Añ ai ñhơt tơlir.

Cau Bơto 5:18

Do la ală bơta niam mơ añ neh sền gŏ: bơta di pal la sa, hùc mơ jòi geh bơta hòn chò tòm jơh ală bơta bòl glar mơ he neh lơh hơđơm mattơngai, tòm dô êt ngai tòm rài kis Yàng Tom Trồ neh ai bol he in, bơh hơ̆ la pơnah he dê.

Daniel 11:37

Khai rơp sền òsơp di ală yàng ồng pàng khai dê, di yàng mơ ală cau ùr kòñ gơboh, mơ sền òsơp di jơh ală yàng tài bơh khai bơtào is să khai dờng rlau jơh mơ ală yàng hơ̆.

Mathiơ 14:19

Gen Kơnràñ sồr mpồl làng bol nggui dê ñhơt, ai pram nơm piang lă mơ bàr nơm ka hơ̆, pò mat hơ trồ mơ ai lơngai, gen dơrkă piang lă tong ală cau bơtê in, ală cau bơtê tòmpà mpồl làng bol in.

Mathiơ 15:11

Ò di phan mut tòm bơr lơh ƀơ̆ ƀơl cau in ò, mơya phan lik bơh di bơr cau dê sồng lơh ƀơ̆ ƀơl cau in.”

Mathiơ 15:36

Chòp Kơnràñ ai poh nơm piang lă mơ ka, ưnngài, dơrkă gen tong ală cau bơtê in, ală cau bơtê tòmpà mpồl làng bol in.

Luka 24:30

Tòm tŭ Kơnràñ nggui di cơnòng sa bal mơ bol khai, gen Kơnràñ ai piang lă, ai lơngai, dơrkă mơ tong bol khai in.

Jang 6:23

Mơya gơs ală ơhò ndai bơh Tiberias lòt tus rềp di tiah bol khai neh sa piang lă tòm tŭ Yàng Jesu neh ưnngài rau.

Broă 27:35

Neh đơs behơ̆ rau, Pol ai piang lă, ntào di đap jơh ală cau mơ ưnngài Yàng Tom Trồ, lồc behơ̆ dơrkă piang lă mơ sa lài.

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

Rôma 14:3

Cau sa bañ sền òsơp di cau ò sa; mơ cau ò sa bañ cahrña di cau sa, bơh Yàng Tom Trồ neh dòp rò khai.

Rôma 14:6

Cau prap gàr ngai la bơh Yàng mơ prap gàr; cau sa la bơh Yàng mơ sa, bơh bol khai ưnngài Yàng Tom Trồ; cau ò sa kung bơh Yàng mơ ò sa, mơ bol khai kung ưnngài Yàng Tom Trồ sơl.

I Kôrintô 6:13

Gơs cau ndai tai đơs lah: “Phan sa lơh hòm kơndul, mơ kơndul nàng prap phan sa;” ngan behơ̆, mơ Yàng Tom Trồ rơp tơnroh kơndul bal mơ phan sa. Mơya să jan ò di lòi lơh bơta rềs àr bơrnàn, mơya lòi duh broă Yàng mơ Yàng la Bơtau at bồ să jan oh mi dê.

I Kôrintô 7:28

Mơya dilah mê bau gen ò gơs glài, mơ dilah cau ơruh bau, kung ò gơs glài. Mơya cau hơ̆ rơp gơs bơta bòl glar tòm rài kis, gen tàng añ kòñ oh mi klàs bơh bơta hơ̆.

I Kôrintô 8:8

Ò di bơh phan sa mơ bol he geh đềt mềr mơ Yàng Tom Trồ. Dilah bol he ò sa, kung ò gơhuc bơta lơi; dilah sa kung ò gơlin bơta lơi.

Kôlôse 2:16

Behơ̆ gen bañ lòi cau lơi cahrña oh mi bơh phan sa phan ñô, hala bơh ngai pơjum sa, hala ngai kơnhai dùl lik, hala ngai Saƀat.

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

I Timôthe 2:4

Kơnràñ kòñ jơh tơl nă cau geh dong klàs mơ tus hơ bơta git wă jơnau song.

I Timôthe 4:4

Bơh jơh ală phan Yàng Tom Trồ neh crơng gơs la niam lơm, ò gơs dô nơm phan lơi pal sang ò, mìng he git ưnngài mơ dòp ngui,

I Timôthe 5:14

Behơ̆ añ kòñ ală cau ùr bơnrau gam kơnòm să pal jòi bau, deh kòn mơ at bồ hìu he, tồ cau sò tơm in ò gơs kai nàng đơs iơh.

Hebrơ 13:4

Tơl nă cau pal sền dờng màng bơta tòmbau, bañ lơh ƀơ̆ ƀơl ơdŭ tòmbau; bơh Yàng Tom Trồ rơp cahrña ală cau rềs àr bơrnàn mơ ală cau dri tơlàr.

Hebrơ 13:9

Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

I Samuel 9:13

Tòm tŭ ală ồng mut tòm ƀòn dờng gen ală ồng rơp bàn khai lài mơ tŭ khai guh hơ tiah jơnhoa nàng sa. Làng bol rơp ò sa lài mơ tŭ khai tus, tài bơh khai pal ai lơngai phan ơn hơ̆ in; lồc behơ̆ ală cau geh jà rơp sa. Tŭ do guh tĕ; ală ồng rơp tìp khai tòm jơ do mo.”