I Timôthe 4:2 - Sră Goh 2018

² bơh bơta ma blac cau đơs blac dê, ma blac cau gơs nùs tồr tul kră.

I Timôthe 4:2 ပူးပေါင်းရင်းမြစ်များ

I Ală Bơtau 13:18

Gen cau hơ̆ đơs tai lah: “Añ kung la dô nă cau gơnoar hwơr be mê, mơ cau gơnrơh Yàng Jehôwa dê neh đơs mơ añ lah: ‘Cèng tĕ khai mut tòm hìu bal mơ mê, nàng khai in sa ƀañ mơ hùc dà.’” Mơya cau hơ̆ đơs pơrlồm khai.

I Ală Bơtau 22:22

Hwềng hơ̆ ho lah: “Añ rơp lòt mơ lơh gơs dô nơm hwềng đơs blac tòm bơr ală cau gơnoar hwơr khai dê.” Yàng Jehôwa đơs lah: “Mê la cau pơndòm ơniai khai, lòt tĕ mê rơp lơh behơ̆, mơ rơp gơlik gơs.”

Esai 9:15

Bồ hơ̆ la ală cau kwang kra mơ cau màng ryŭ; tiang hơ̆ la ală cau gơnoar hwơr bơto jơnau blac chừt.

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Jeremi 23:26

Ală cau gơnoar hwơr hơ̆, jat bơta ma blac nùs bol khai dê mơ đơs hwơr, bol khai gơs nùs behơ̆ jơl tus di tŭ lơi taih?

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Broă 20:30

Bơh digùl oh mi kung rơp gơs ală cau bơtào tơngguh mơ bơto jơnau tìs nrah nàng pơndòm pơrlồm cau dòn lòt jat bol khai.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Ephesô 4:19

Bol khai neh roh jơh bơta git wă, sang is să he tòm bơta bung jang, hàm kòñ lơh jơh ală bơta ngkòr ngkàc.

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

Yal Tơlik 16:14

Bol gơ la hwềng ală cà dê, lơh ală tềl krơi, lik lòt tus hơ ală cau bơtau tòm làm jơh dunnia, nàng pơjum bol khai tòm bơta kơlìn tòm ngai dờng Yàng Tom Trồ dê, la Bơtau Gơnoar Dờng Làm Jơh.