I Timôthe 4:10 - Sră Goh 2018

¹⁰ Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

I Timôthe 4:10 ပူးပေါင်းရင်းမြစ်များ

I Timôthe 2:4

Kơnràñ kòñ jơh tơl nă cau geh dong klàs mơ tus hơ bơta git wă jơnau song.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

I Timôthe 2:6

Kơnràñ neh phi să lơh gơs phan ơn tơwài glài tơl nă cau in, hơ̆ la bơta gơs cơng tàng neh geh ràng tơlik tòm toh di tơngai pơgon.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.

Jang 4:42

Bol khai đơs mơ cau ùr hơ̆ lah: “Tŭ do bol hi dòn, ò di gam bơh jơnau ai neh đơs mơ bol hi ò, mơya bơh să tòm bol hi neh kơno mơ git lah Kơnràñ ngan la Yàng Dong Klàs dunnia dê.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Đơs Crih 84:12

Ơ Yàng Jehôwa Gơnap Gơnoar Dờng Làm Jơh dê, Lơngai cau lơi in dòn kơnòm di Kơnràñ!

Hebrơ 13:13

Behơ̆ gen, bol he lik lòt tĕ tus hơ Kơnràñ hơ bơdìh sàl mpồl jơnum dê, nàng kong bơta bơtat bơtròh bal mơ Kơnràñ.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Đơs Crih 118:8

Kìng crŭ să he di Yàng Jehôwa La niam rlau mơ dòn kơnòm di kòn mơnus.

Đơs Crih 52:8

Ai añ ò gơkrơi be chi Ôlibe tơlir niam tòm hìu Yàng Tom Trồ dê; Añ kơnòm di bơta kòñ gơboh kơ̆ dơn Yàng Tom Trồ dê jơl sùm sùm ò lồi.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

Hebrơ 11:26

Khai sền bơta bơtat bơtròh bơh Bơtau Krist la kas rlau mơ phan màng Ejiptơ dê, bơh khai kơp gơn phan ƀàn.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

I Timôthe 3:15

rngòt dilah añ òbat tus, gen mê kung git lơh mbe lơi tòm hìu Yàng Tom Trồ, hơ̆ la Hìu Jum Goh Yàng Tom Trồ gam kis sùm dê, la jrong mơ mơnàng jơnau song dê.

Mathiơ 27:43

Khai dòn kơnòm di Yàng Tom Trồ; dilah Yàng Tom Trồ kòñ gơboh Khai, gen tŭ do lòi tĕ Kơnràñ dong klàs Khai, bơh Khai neh đơs lah: ‘Añ la Kòn Yàng Tom Trồ.’”

Nahum 1:7

Yàng Jehôwa la niam, la theng kơ̆ cê tòm ngai bòl glar. Kơnràñ sền gàr ală cau in kìng crŭ di Kơnràñ.

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Jeremi 17:7

Lơngai cau lơi in dòn kơnòm di Yàng Jehôwa, La ală cau dòn kơnòm di Yàng Jehôwa.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Đơs Crih 107:2

Ală cau Yàng Jehôwa neh dong tơwài, đơs tĕ bơta hơ̆, Hơ̆ la ală cau Kơnràñ neh tơwài bơh di bơta bòl glar kalke,

Đơs Crih 37:40

Yàng Jehôwa dong kòl mơ dong tă bol khai, Kơnràñ dong tă bol khai bơh di cau iơh bơsak, mơ dong klàs bol khai, Tài bơh bol khai kìng crŭ să he tòm Kơnràñ.

Đơs Crih 36:6

Bơta song ring Kơnràñ dê la dờng be ală mơnơm, Ală bơta cahrña Kơnràñ dê la jrô be cìr jrô ngan. Ơ Yàng Jehôwa, Kơnràñ dong tă jơi kòn mơnus mơ phan poan jơng.

Mathiơ 16:16

Simôn Pier ho lah: “Kơnràñ la Bơtau Krist Kòn Yàng Tom Trồ gam kis sùm.”

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

II Kôrintô 1:10

Kơnràñ neh dong tă bol hi klàs bơh bơta chơt dờng behơ̆, gam dong tă bol hi, mơ bol hi gam gơn kơnòm di Kơnràñ rơp dong tă bol hi tai sơl.

I Timôthe 2:3

Hơ̆ la bơta niam mơ geh niam nùs Yàng Tom Trồ la Yàng Dong Klàs bol he dê.