I Timôthe 3:4 - Sră Goh 2018

⁴ pal git at bồ niam hìu nhă he, kơrmap gàr kòn sau he dòn duh dô bă kràñ cê tòm jơh ală bơta;

I Timôthe 3:4 ပူးပေါင်းရင်းမြစ်များ

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Broă 10:2

Khai la dô nă cau dòn duh, bal mơ jơh hìu nhă khai duh rngòt di Yàng Tom Trồ lơm, jak pà gòi làng bol in, òs hòi dan mơ Yàng Tom Trồ sùm.

Ephesô 5:24

Behơ̆ tàng be Hìu Jum Goh dòn duh Bơtau Krist gen bau ùr kung pal dòn duh bau klau he tòm jơh ală bơta sơl.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

I Timôthe 3:12

Cau dong gàr hìu jum pal la cau klau gơs mìng dô nă bau ùr lơm, pal git at bồ niam kòn sau mơ hìu nhă tòm he dê.

Sră Pơyoa Pol Dê Pơyoa Tit In 1:6

Cau kwang kra pal la cau ò gơs tiah geh lah pơrhơng, la cau klau gơs mìng dô nă bau ùr lơm, kòn sau kung pal dòn Yàng mơ ò gơkòl cau yă bơh bung jang hala ò dòn bơr.

Sră Pơyoa Pol Dê Pơyoa Tit In 2:2

Tơngkah tĕ ală cau kra pal git kơrhia, kràñ cê, jak chài, ơm kơ̆ tòm bơta dòn, bơta kòñ gơboh mơ bơta ơt ơl.

Sră Pơyoa Pol Dê Pơyoa Tit In 2:7

Tòm jơh ală bơta ai tĕ să tòm mê nàng lơh krơh bol khai in bơh broă niam, tòm bơta bơto sồr mê dê pal gơs sàng goh song ring, kràñ cê,

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”