I Timôthe 3:3 - Sră Goh 2018

³ Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

I Timôthe 3:3 ပူးပေါင်းရင်းမြစ်များ

Jơnau Pơnđik 1:19

Hơ̆ la bơta lồi dut kòp nă cau hàm kòñ oă phan mơna; Cồng nha hơ̆ tă bơta kis ală cau dòp geh gơ.

Jơnau Pơnđik 15:27

Cau hàm hà cồng nha ò song ring lơh sơlồng sơlàng hìu bol khai dê; Ai cau gơjrañ phan sa loă rơp geh kis.

Cau Bơto 7:8

Chan bơta lồi dut dô nơm broă dê rlau mơ bơta sơntòm gơ; nùs ơt ơl rlau mơ nùs pơnhừ să.

Esai 28:1

Bòl glar dơwàng bơkào jòng să ală cau bơñul ñô Epraim dê, bòl glar bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, ală cau neh gơpừ tài bơh tơrnòm ño!

Esai 28:7

Mơ ală cau do kung gơsèng bơh tơrnòm ño, gơpơyơng bơh tơrnòm pràn: Cau gơnoar ơn phan duh khoai mơ cau gơnoar hwơr lòt gơtòmsèng bơh tơrnòm pràn, bơñul ñô tơrnòm ño; bol khai sơwing bồ tài bơh tơrnòm pràn, bol khai lu li tòm tŭ sền ală bơta gơtơnggŏ, bol khai gơtup tìs tòm tŭ cahrña.

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Ejekiel 44:21

Ò gơs cau gơnoar ơn phan duh khoai lơi ñô tơrnòm tòm tŭ mut tòm ƀlàng dơlam.

Lebi 10:9

“Mê mơ ală kòn klau mê dê bañ ñô tơrnòm hala phan ñô lơi ndai gơs kañ tŭ lơi mut tòm Sàl Tòm Mat, rngòt bol mê rơp chơt. Hơ̆ la dô jơnau sồr gam sùm sùm bơh rài do tus hơ rài ne.

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 3:5

Do la jơnau Yàng Jehôwa đơs bơh ală cau gơnoar hwơr neh lam làng bol Añ jê tìs nrah, la cau hòi driau lah: “Ring lơngai!” Tòm tŭ bol khai ò gơs phan lơi nàng sa, gen bol khai yal tơnggit bơta kơlìn tòmdră mơ cau lơi ò cèng phan lơi bol khai in sa.

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Mathiơ 21:13

Kơnràñ đơs mơ bol khai lah: “Gơs jơnau cih lah: ‘Hìu Añ pal sơnđan la hìu hòi dan,’ mơya bol mê lơh hìu hơ̆ gơlik gơs trồm ală cau ntung kơñau.”

Broă 20:33

Añ ò hàm hà priă, màh hala ồi ào cau lơi dê ò.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

I Timôthe 3:8

Ală cau dong gàr hìu jum kung pal kràñ cê, ò đơs bàr jơnau, ò jròk ñô tơrnòm alak, ò hàm hà cồng nha ƀơ̆ ƀơl,

II Timôthe 3:2

Bơh cau rơp kòñ gơboh di să tòm he, hàm hà jền priă, jòng să, pơnhừ să, bơrsèl tơnhial, ò dòn bơr mè bèp, ò kah bơta nđàc, ò sàng goh,

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

Sră Pơyoa Pol Dê Pơyoa Tit In 1:7

Bơh cau at bồ hìu Yàng Tom Trồ dê gen pal ò gơs tiah geh lah pơrhơng, ò di lơh be tơl, ò di mhar gơjrañ, ò di tơhìr tơrnòm alak, ò di lơh rhung rhang, ò di hàm hà cồng nha ƀơ̆ ƀơl,

Sră Pơyoa Pol Dê Pơyoa Tit In 2:3

Ală mò kra kung behơ̆ sơl, pal lơh lòt jat bơta sàng goh, ò di đơs iơh, ò di lơh gơs dĭ tơrnòm alak dê, mơya pal lơh gơs cau bơto bơta niam,

Sră Pơyoa Pol Dê Pơyoa Tit In 3:2

bañ bơrsèl tơnhial di cau lơi, bañ tòmpìt tòmhà, gơtòmsòr tĕ, bềng bơta niam lơnhơn gơwèt mơ jơh tơl nă cau.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

Jakơ 4:1

Mbơh tus ală bơta kơlìn mơ bơta tòmlơh tòm oh mi taih? Hơ̆ ò di la bơh nùs hàm kòñ is òs tòmlơh tòm ală pơnah să jan oh mi dê ò ơ?

I Pier 5:2

Ê tĕ mpồl belàt Yàng Tom Trồ dê neh jào oh mi in, lơh bơta hơ̆ ò di la bơh bơklơn mơya la bơh nùs kòñ lơh, ò di bơh cồng nha ò di pal mơya bơh jơh nùs ngac ngar,

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

I Samuel 8:3

Mơya ală kòn klau khai ò jat ală gùng khai dê, mơya wèt hơ cồng nha is, dòp phan sa loă, mơ lơh rkwet rkwe bơta song ring.